മുന്‍കരുതല്‍ ബോര്‍ഡുകളില്ല; നിരോധനം അറിയാതെ സഞ്ചാരികള്‍

നെ​ടു​ങ്ക​ണ്ടം: ജി​ല്ല​യി​ലെ ട്ര​ക്കി​ങ് നി​രോ​ധ​നം തി​രി​ച്ച​റി​യാ​നാ​വാ​തെ സ​ഞ്ചാ​രി​ക​ള്‍. ജി​ല്ല​യി​ല്‍ അ​പ​ക​ട​ക​ര​മാ​യ ട്ര​ക്കി​ങ് ക​ല​ക്ട​ര്‍ നി​രോ​ധി​ച്ചി​ട്ടു​ണ്ടെ​ങ്കി​ലും ഇ​ത് തി​രി​ച്ച​റി​യാ​ന്‍ സ​ഞ്ചാ​രി​ക​ള്‍ക്ക് ക​ഴി​യു​ന്നി​ല്ല. ഇ​വി​ട​ങ്ങ​ളി​ലെ​ങ്ങും പ്ര​വേ​ശ​നം നി​രോ​ധി​ച്ചു​കൊ​ണ്ടു​ള്ള ബോ​ര്‍ഡു​ക​ള്‍പോ​ലും സ്ഥാ​പി​ച്ചി​ട്ടി​ല്ല. പു​ഷ്പ​ക്ക​ണ്ട​ത്തി​ന് സ​മീ​പം നാ​ലു​മ​ല​യി​ല്‍ അ​ന​ധി​കൃ​ത​മാ​യി പ്ര​വേ​ശി​ച്ച 22 ഡ്രൈ​വ​ര്‍മാ​ര്‍ക്കെ​തി​രെ കേ​സെ​ടു​ത്തെ​ങ്കി​ലും പ്ര​വേ​ശ​നം നി​രോ​ധി​ച്ച ബോ​ര്‍ഡ്​ സ്ഥാ​പി​ച്ചി​ട്ടി​ല്ല.

പ്ര​വേ​ശ​ന ക​വാ​ട​ത്തി​ങ്ക​ല്‍ സ്ഥാ​പി​ച്ചി​രി​ക്കു​ന്ന ബോ​ര്‍ഡി​ല്‍ വ്യൂ ​പോ​യ​ന്റ് എ​ന്നും ഓ​ഫ് റോ​ഡ് ജീ​പ്പി​ന്റെ പ​ട​വു​മാ​ണ് കൊ​ടു​ത്തി​ട്ടു​ള്ള​ത്. ഇ​ത് കാ​ണു​ന്ന സ​ഞ്ചാ​രി​ക​ള്‍ ഇ​ങ്ങോ​ട്ടേ​ക്ക് പ്ര​വേ​ശി​ക്കു​ക സ്വാ​ഭാ​വി​ക​മാ​ണ്. മു​ന്ന​റി​യി​പ്പ് ബോ​ർ​ഡ്​ ഇ​ല്ലാ​ത്ത ഇ​വി​ടെ ഏ​തെ​ങ്കി​ലും ത​ര​ത്തി​ലു​ള്ള അ​പ​ക​ട​ങ്ങ​ള്‍ ഉ​ണ്ടാ​കു​മ്പോ​ഴാ​ണ്​ അ​ധി​കാ​രി​ക​ള്‍ സ​ട​കു​ട​ഞ്ഞെ​ണീ​ക്കു​ക. സ​മൂ​ഹ​മാ​ധ്യ​മ​ങ്ങ​ളി​ല്‍ പ​ങ്കു​വെ​ക്കു​ന്ന ദൃ​ശ്യ​ങ്ങ​ളും മ​റ്റും ക​ണ്ടാ​ണ് സ​ഞ്ചാ​രി​ക​ള്‍ ഇ​വി​ടേ​ക്ക് എ​ത്തു​ന്ന​ത്. ഗൂ​ഗ്​​ള്‍ മാ​പ്പ് നോ​ക്കി എ​ത്തി​യ​വ​രാ​ണ് ക​ഴി​ഞ്ഞ​ദി​വ​സം നാ​ലു​മ​ല​യി​ലെ മ​ല​മു​ക​ളി​ല്‍ കു​ടു​ങ്ങി​യ​വ​ര്‍. ഇ​വി​ടെ മു​ന്ന​റി​യി​പ്പ് ബോ​ര്‍ഡു​ക​ളൊ​ന്നും സ്ഥാ​പി​ച്ചി​ട്ടി​ല്ല.

ജി​ല്ല​യി​ലെ മി​ക്ക വ്യൂ ​പോ​യ​ന്റു​ക​ളി​ലും നി​യ​മ ലം​ഘ​ന​ങ്ങ​ള്‍ ന​ട​ക്കു​ന്നു​ണ്ട്. അ​ന​ധി​കൃ​ത​മാ​യ ചി​ല സാ​ഹ​സി​ക രം​ഗ​ങ്ങ​ള്‍ പ​ല​പ്പോ​ഴും നി​യ​മ​ലം​ഘ​ന​ങ്ങ​ള്‍ക്ക് വ​ഴി​യൊ​രു​ക്കു​ന്നു​ണ്ട്. നെ​ടു​ങ്ക​ണ്ടം പ​ഞ്ചാ​യ​ത്തി​ല്‍ തൂ​ക്കു​പാ​ല​ത്തു​നി​ന്ന്​ 10 കി​ലോ​മീ​റ്റ​ര്‍ അ​ക​ലെ​യാ​ണ് ക​ഴി​ഞ്ഞ​ദി​വ​സം സ​ഞ്ചാ​രി​ക​ളു​ടെ വാ​ഹ​ന​ങ്ങ​ള്‍ കു​ടു​ങ്ങി​യ പു​ഷ്പ​ക്ക​ണ്ടം നാ​ലു​മ​ല. ര​ണ്ടു കി​ലോ​മീ​റ്റ​ര്‍ കാ​ല്‍ന​ട​യാ​യി മാ​ത്രം യാ​ത്ര​ചെ​യ്യാ​നാ​വൂ. എ​ന്നാ​ല്‍, നാ​ലു​മ​ല​ക​ള്‍ ചേ​ര്‍ന്ന് മ​നോ​ഹ​ര​മാ​യ പ്ര​കൃ​തി സൗ​ന്ദ​ര്യം ആ​സ്വ​ദി​ക്കാ​നാ​വും.