ഈ വൈദ്യുതി തൂണുകൾ ആര് നീക്കം ചെയ്യും?

നെ​ടു​ങ്ക​ണ്ടം: മ​ല​യോ​ര ഹൈ​വേ​യു​ടെ ആ​ദ്യ റീ​ച്ച് നി​ർ​മാ​ണം അ​ന്തി​മ ഘ​ട്ട​ത്തി​ലേ​ക്ക് അ​ടു​ത്തി​ട്ടും വൈ​ദ്യു​തി, ടെ​ലി​ഫോ​ൺ തൂ​ണു​ക​ൾ വ​ഴി​മു​ട​ക്കി​ക​ളാ​യി നി​ൽ​ക്കു​ന്നു.വ​ണ്ണ​പ്പു​റം - ക​മ്പം​മെ​ട്ട് മ​ല​യോ​ര ഹൈ​വേ​യു​ടെ പ​ണി​യാ​ണ് ​അ​തി​വേ​ഗം പു​രോ​ഗ​മി​ക്കു​ന്ന​ത്. എ​ന്നാ​ൽ പ​ഴ​യ റോ​ഡി​ന്റെ അ​രി​കി​ലെ കെ.​എ​സ്.​ഇ.​ബി.​യു​ടെ​യും.​ബി.​എ​സ്.​എ​ൻ.​എ​ല്ലി​ന്റെ​യും തൂ​ണു​ക​ൾ മാ​റ്റി സ്ഥാ​പി​ക്കാ​ത്ത​ത് ദു​രി​തം സൃ​ഷ്ടി​ക്കു​ക​യാ​ണ്. റോ​ഡ​രി​കി​ലും കു​റേ പോ​സ്റ്റു​ക​ൾ കൂ​ട്ടി​യി​ട്ടി​ട്ടു​ണ്ട്. ഹൈ​വേ​യു​ടെ ആ​ദ്യ റീ​ച്ചാ​യ ക​മ്പം​മെ​ട്ട് മു​ത​ൽ എ​ഴു​കും​വ​യ​ൽ- ആ​ശാ​രി​ക്ക​വ​ല വ​രെ​യു​ള്ള ഭാ​ഗ​ത്തെ നി​ർ​മാ​ണ പ്ര​വ​ർ​ത്ത​ന​ങ്ങ​ളാ​ണ് പു​രോ​ഗ​മി​ക്കു​ന്ന​ത്. നി​ർ​മാ​ണം പൂ​ർ​ത്തി​യാ​യ ഭാ​ഗ​ങ്ങ​ളി​ലെ​ല്ലാം വാ​ഹ​ന​ങ്ങ​ൾ​ക്കും കാ​ൽ​ന​ട​യാ​ത്ര​ക്കാ​ർ​ക്കും ഭീ​ക്ഷ​ണി​യാ​യി വൈ​ദ്യു​തി- ടെ​ലി​ഫോ​ൺ തൂ​ണു​ക​ളു​മു​ണ്ട്. ടെ​ലി​ഫോ​ൺ തു​ണു​ക​ളെ​ല്ലാം ഉ​പ​യോ​ഗ​യോ​ഗ്യ​മ​ല്ലാ​ത്ത​വ​യാ​ണ്. ഇ​വ നീ​ക്കം ചെ​യ്യാ​ൻ അ​ധി​കൃ​ത​ർ ത​യ്യാ​റാ​വു​ന്നി​ല്ലെ​ന്നാ​ണ്​ ആ​ക്ഷേ​പം.

ടാ​റി​ങ് പൂ​ർ​ത്തി​യാ​ക്കി​യ ശേ​ഷം മാ​റ്റാ​നാ​ണ് ഉ​ദ്ദേ​ശ​മെ​ങ്കി​ൽ റോ​ഡ് നി​ര​വ​ധി സ്ഥ​ല​ങ്ങ​ളി​ൽ കു​ത്തി​പ്പൊ​ളി​ക്കേ​ണ്ട​താ​യി വ​രും. തൂ​ണ് മാ​റ്റാ​ൻ കെ.​എ​സ്.​ഇ.​ബി​ക്കും ബി.​എ​സ്.​എ​ൻ.​എ​ല്ലി​നും ആ​വ​ശ്യ​മാ​യ തു​ക ന​ൽ​കി​യ​താ​ണെ​ന്നും മാ​റ്റാ​ത്ത​ത് ത​ങ്ങ​ളു​ടെ കു​ഴ​പ്പ​മ​ല്ലെ​ന്നു​മാ​ണ് റോ​ഡ് നി​ർ​മാ​ണ​വു​മാ​യി ബ​ന്ധ​പ്പെ​ട്ട​വ​ർ പ​റ​യു​ന്ന​ത്