ഇരട്ടവോട്ട്: തമിഴ്​നാട്​ അതിർത്തി ചെക്പോസ്​റ്റുകളിൽ സായുധസേന പരിശോധന

നെ​ടു​ങ്ക​ണ്ടം (ഇടുക്കി): ഇ​ര​ട്ട​വോ​ട്ട് ത​ട​യാ​ന്‍ ജി​ല്ല​യു​ടെ അ​തി​ര്‍ത്തി ചെ​ക്പോ​സ്​​റ്റു​ക​ളി​ല്‍ സാ​യു​ധ സേ​ന​യെ വി​ന്വ​സി​ച്ചു. ത​മി​ഴ്‌​നാ​ട്ടി​ല്‍നി​ന്ന്​ അ​തി​ര്‍ത്തി ക​ട​ന്നെ​ത്തി വോ​ട്ട് രേ​ഖ​പ്പെ​ടു​ത്താ​നു​ള്ള നീ​ക്കം ത​ട​യു​ക​യാ​ണ് ല​ക്ഷ്യം. ബോ​ഡി​മെ​ട്ട്, ക​മ്പം​മെ​ട്ട്, ചി​ന്നാ​ര്‍, കു​മ​ളി, ചെ​ക്പോ​സ്​​റ്റു​ക​ളി​ലാ​ണ് സേ​ന​യെ വി​ന്യ​സി​ച്ച​ത്. അ​തി​ര്‍ത്തി ക​ട​ന്നെ​ത്തു​ന്ന​വ​രു​ടെ വാ​ഹ​ന​ങ്ങ​ളും രേ​ഖ​ക​ളും കൃ​ത്യ​മാ​യി പ​രി​ശോ​ധി​ച്ച​ശേ​ഷം മാ​ത്ര​മേ ക​ട​ത്തി​വി​ടൂ.

ത​മി​ഴ്‌​നാ​ട്ടി​ലും കേ​ര​ള​ത്തി​ലും വോ​ട്ടു​ള്ള​വ​ര്‍ വ്യാ​പ​ക​മാ​യി തെ​ര​ഞ്ഞെ​ടു​പ്പി​ന് ഇ​ടു​ക്കി​യി​ലേ​ക്ക് എ​ത്തു​ന്ന​ത് പ​തി​വാ​ണ്. ഉ​ടു​മ്പ​ന്‍ചോ​ല, പീ​രു​മേ​ട്, ദേ​വി​കു​ളം മ​ണ്ഡ​ല​ങ്ങ​ളി​ലാ​ണ് ഇ​ത്ത​ര​ത്തി​ല്‍ ഇ​ര​ട്ട​വോ​ട്ടു​ക​ള്‍ ഏ​റെ. ജി​ല്ല​യി​ലെ യു.​ഡി.​എ​ഫ് സ്ഥാ​നാ​ര്‍ഥി​ക​ള്‍ ഉ​ള്‍പ്പെ​ടെ​യു​ള്ള​വ​ര്‍ ഹൈ​കോ​ട​തി​യെ സ​മീ​പി​ച്ച​തി​നെ തു​ട​ര്‍ന്നാ​ണ് അ​തി​ര്‍ത്തി​ക​ളി​ല്‍ സേ​ന​യെ വി​ന്യ​സി​ച്ച​ത്.

അ​തി​ര്‍ത്തി ചെ​ക്‌​പോ​സ്​​റ്റ് അ​ട​ച്ചി​ട​ണ​മെ​ന്ന് യു.​ഡി.​എ​ഫ് ആ​വ​ശ്യ​പ്പെ​ട്ടെ​ങ്കി​ലും സ​ഞ്ചാ​ര സ്വാ​ത​ന്ത്ര്യം ഹ​നി​ക്കാ​ന്‍ പാ​ടി​ല്ലെ​ന്ന നി​ല​പാ​ടി​ൽ കോ​ട​തി, കേ​ന്ദ്ര​സേ​ന​യെ വി​ന്യ​സി​ക്കാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. കേ​ന്ദ്ര സേ​ന​യോ​ടൊ​പ്പം പൊ​ലീ​സും ചെ​ക്പോ​സ്​​റ്റു​ക​ളി​ല്‍ നി​ല​യു​റ​പ്പി​ച്ചി​ട്ടു​ണ്ട്. യാ​ത്രാ​ല​ക്ഷ്യം പൂ​ര്‍ണ​മാ​യി ബോ​ധ്യ​പ്പെ​ടു​ന്ന​വ​രെ മാ​ത്ര​മേ അ​തി​ര്‍ത്തി ക​ട​ത്തി​വി​ടു​ക​യു​ള്ളൂ.

മു​ന്‍ തെ​ര​ഞ്ഞെ​ടു​പ്പു​ക​ളി​ലും ജി​ല്ല​യി​ല്‍ ഇ​ര​ട്ട​വോ​ട്ട് വി​വാ​ദം ഉ​യ​ര്‍ന്നി​രു​ന്നു. നി​സ്സാ​ര വോ​ട്ടു​ക​ള്‍ക്കാ​ണ് ഇ​ടു​ക്കി​യി​ല്‍ ചി​ല മ​ണ്ഡ​ല​ങ്ങ​ളി​ല്‍ സ്ഥാ​നാ​ര്‍ഥി​ക​ള്‍ വി​ജ​യി​ച്ച​തും പ​രാ​ജ​യ​പ്പെ​ട്ട​തും. ഇ​ര​ട്ട വോ​ട്ട് തെ​ര​ഞ്ഞെ​ടു​പ്പ് വി​ധി​യെ​ത​ന്നെ സ്വാ​ധീ​നി​ക്കു​ന്ന സാ​ഹ​ച​ര്യം നി​ല​നി​ല്‍ക്കെ​യാ​ണ് ഇ​ത്ത​വ​ണ​ത്തെ ന​ട​പ​ടി.

മ​റ​യൂ​ര്‍: മ​റ​യൂ​ര്‍-​ചി​ന്നാ​ർ അ​തി​ർ​ത്തി​യി​ൽ കേ​ന്ദ്ര സേ​ന​യു​ടെ​യും പൊ​ലീ​സി​െൻറ​യും പ​രി​ശോ​ധ​ന ശ​ക്ത​മാ​ക്കി. കേ​ന്ദ്ര സേ​ന​യി​ലെ എ​ട്ട് അം​ഗ​സം​ഘ​വും പൊ​ലീ​സ്​ സേ​ന​യി​ലെ എ​ട്ടു​പേ​രും കൂ​ടാ​തെ വ​നം, എ​ക്‌​സൈ​സ് വ​കു​പ്പു​ക​ളി​ലെ ഉ​ദ്യോ​ഗ​സ്ഥ​രു​ടെ​യും നേ​തൃ​ത്വ​ത്തി​ലാ​ണ് അ​തി​ര്‍ത്തി​യി​ലെ പ​രി​ശോ​ധ​ന. വോ​ട്ടു​മാ​യി ബ​ന്ധ​പ്പെ​ട്ട പ​ണ​മൊ​ഴു​ക്ക് ത​ട​യാ​നും ഇ​ര​ട്ട വോ​ട്ട​ര്‍മാ​രെ ക​ണ്ടെ​ത്താ​നും മ​റ്റു കു​റ്റ​കൃ​ത്യ​ങ്ങ​ള്‍ ത​ട​യാ​നു​മാ​ണ് പ​രി​ശോ​ധ​ന ന​ട​ത്തു​ന്ന​ത്.