ആമപ്പാറ വാച്ച് ടവർ നോക്കുകുത്തി

നെ​ടു​ങ്ക​ണ്ടം: കോ​ടി​ക​ൾ ചെ​ല​വ​ഴി​ച്ച് ആ​മ​പ്പാ​റ​യി​ൽ നി​ർ​മി​ച്ച വാ​ച്ച് ട​വ​ർ ഒ​രു വ​ർ​ഷം പി​ന്നി​ട്ടി​ട്ടും സ​ഞ്ചാ​രി​ക​ൾ​ക്കാ​യി തു​റ​ന്നു കൊ​ടു​ത്തി​ല്ല. മാ​ത്ര​മ​ല്ല അ​ങ്ങി​ങ്ങാ​യി തു​രു​മ്പെ​ടു​ത്തും തു​ട​ങ്ങി. ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​മാ​യ രാ​മ​ക്ക​ൽ​മേ​ട് ആ​മ​പ്പാ​റ വാ​ച്ച് ട​വ​റാ​ണ് ഉ​ദ്ഘാ​ട​നം പോ​ലും ക​ഴി​യാ​തെ നാ​ൾ​ക്ക് നാ​ൾ ന​ശി​ക്കു​ന്ന​ത്. രാ​മ​ക്ക​ൽ​മേ​ട്ടി​ൽ നി​ന്നും ആ​റ് കി​ലോ​മീ​റ്റ​ർ ദൂ​ര​ത്താ​യി സ്ഥി​തി ചെ​യ്യു​ന്ന വി​നോ​ദ​സ​ഞ്ചാ​ര കേ​ന്ദ്ര​മാ​ണ് ആ​മ​പ്പാ​റ. ആ​മ​പ്പാ​റ​യു​ടെ സ​മ​ഗ്ര​വി​ക​സ​ന​ത്തി​നാ​യി ടൂ​റി​സം ഡി​പ്പാ​ർ​ട്ട്മെ​ന്റ് 3.96 കോ​ടി ചെ​ല​വി​ൽ വി​വി​ധ പ​ദ്ധ​തി​ക​ൾ ആ​വി​ഷ്ക​രി​ച്ചി​രു​ന്നു. വാ​ച്ച് ട​വ​ർ, ടി​ക്ക​റ്റ് കൗ​ണ്ട​ർ, ശു​ദ്ധ​ജ​ല ടാ​ങ്ക്, സ്റ്റീ​ൽ കൊ​ണ്ടു​ള്ള വേ​ലി, ശു​ചി​മു​റി സ​മു​ച്ച​യം, ഇ​രി​പ്പി​ട​ങ്ങ​ൾ തു​ട​ങ്ങി​യ​വ നി​ർ​മി​ക്കാ​നാ​യി​രു​ന്നു പ​ദ്ധ​തി.

സ്റ്റീ​ൽ വേ​ലി​ക​ളു​ടെ നി​ർ​മാ​ണ​വും വാ​ച്ച് ട​വ​ർ നി​ർ​മാ​ണ​വും ആ​ദ്യ​ഘ​ട്ട​ത്തി​ൽ പൂ​ർ​ത്തീ​ക​രി​ച്ചി​രു​ന്നു. ആ​മ​പ്പാ​റ​യി​ൽ എ​ത്തു​ന്ന വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​നാ​യി ദൂ​ര​ദ​ർ​ശി​നി സ​ജ്ജീ​ക​ര​ണ​ങ്ങ​ൾ ഉ​ള്ള വാ​ച്ച് ട​വ​ർ ഉ​ൾ​പ്പെ​ടെ സ്ഥാ​പി​ക്കാ​നാ​യി​രു​ന്നു പ​ദ്ധ​തി. സ​മു​ദ്ര​നി​ര​പ്പി​ൽ നി​ന്നും 3000 അ​ടി ഉ​യ​ര​ത്തി​ൽ സ്ഥി​തി ചെ​യ്യു​ന്ന ആ​മ​പ്പാ​റ​യി​ലെ വാ​ച്ച് ട​വ​റി​ൽ നി​ന്നും ദൂ​ര​ദ​ർ​ശി​നി ഉ​പ​യോ​ഗി​ച്ച് വി​ദൂ​ര ദൃ​ശ്യ​ങ്ങ​ൾ ആ​സ്വ​ദി​ക്കാ​നാ​വും. എ​ന്നാ​ൽ നി​ർ​മാ​ണം പൂ​ർ​ത്തി​യാ​ക്കി ഒ​രു വ​ർ​ഷം പി​ന്നി​ട്ടി​ട്ടും വാ​ച്ച് ട​വ​ർ സ​ഞ്ചാ​രി​ക​ൾ​ക്കാ​യി തു​റ​ന്നു ന​ൽ​കി​യി​ട്ടി​ല്ല. അ​ശാ​സ്ത്രീ​യ നി​ർ​മാ​ണം കാ​ര​ണം ഉ​ദ്ഘാ​ട​ന​ത്തി​ന് മു​മ്പേ വാ​ച്ച് ട​വ​ർ ന​ശി​ച്ചു തു​ട​ങ്ങി​യ​താ​യി പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

വാ​ച്ച് ട​വ​ർ നി​ർ​മാ​ണ​ത്തി​ലെ അ​ശാ​സ്ത്രീ​യ​ത കാ​ര​ണ​മാ​ണ്​ ട​വ​ർ സ​ഞ്ചാ​രി​ക​ൾ​ക്കാ​യി തു​റ​ന്നു​കൊ​ടു​ക്കാ​ത്ത​തെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം. വാ​ച്ച് ട​വ​റി​ൽ ക​യ​റു​മ്പോ​ൾ ബ​ല​ക്ഷ​യം അ​നു​ഭ​വ​പ്പെ​ടു​ന്ന​തി​നാ​ലാ​ണ് തു​റ​ന്നു​കൊ​ടു​ക്കാ​ത്ത​തെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. എ​ന്നാ​ൽ, ട​വ​ർ നി​ർ​മാ​ണം പൂ​ർ​ത്തി​യാ​കു​ന്ന​തേ​യു​ള്ളൂ എ​ന്ന്​ ഡി.​ടി.​പി.​സി വി​ശ​ദീ​ക​രി​ക്കു​ന്നു.