70ന്‍റെ നിറവിൽ പട്ടം കോളനി

നെ​ടു​ങ്ക​ണ്ടം: സം​സ്‌​കാ​ര​ങ്ങളുടെ സം​ഗ​മ ഭൂ​മി​യാ​യ പ​ട്ടം​കോ​ള​നി സ​പ്ത​തി നി​റ​വി​ല്‍. ഒ​രു വ​ര്‍ഷം നീ​ളു​ന്ന 70 ാം പി​റ​ന്നാ​ള്‍ ആ​ഘോ​ഷ​ത്തി​ന് 20ന് ​തി​രി​തെ​ളി​യും. കാ​ര്‍ഷി​ക ച​രി​ത്ര​ത്തി​ല്‍നി​ന്ന് വേ​ര്‍പി​രി​ക്കാ​നാ​കാ​ത്ത ഒ​രേ​ടാ​ണ് പ​ട്ടം​കോ​ള​നി​ക്കു​ള്ള​ത്. തി​രു​കൊ​ച്ചി സ​ര്‍ക്കാ​ര്‍ പ്രോ​ത്സാ​ഹി​പ്പി​ച്ച് കു​ടി​യി​രു​ത്ത​ല്‍ ച​രി​ത്ര​മു​ള്ളി​ട​മാ​ണ് പ​ട്ടം​കോ​ള​നി. ആ​ന​മു​ടി​ക്ക് ഉ​ദ്ദേ​ശം 60 കി​ലോ​മീ​റ്റ​ര്‍ തെ​ക്ക് മാ​റി​യാ​ണ് ഈ ​ഭൂ​പ്ര​ദേ​ശം. പ​ട്ടം താ​ണു​പി​ള്ള​യു​ടെ ദീ​ര്‍ഘ വീ​ക്ഷ​ണ​മാ​യി​രു​ന്നു കോ​ള​നി രൂ​പ​വ​ത്ക്ക​ര​ണ​ത്തി​നു പി​ന്നി​ല്‍.

1955 ജ​നു​വ​രി 20 നാ​ണ് പ​ട്ടം കോ​ള​നി രൂ​പീ​കൃ​ത​മാ​യ​ത്. പ​ട്ടം കൊ​ടു​ത്ത സ്ഥ​ല​മാ​യ​തി​നാ​ല്‍ കോ​ള​നി​ക്ക് പ​ട്ടം കോ​ള​നി എ​ന്ന പേ​ര്​ ല​ഭി​ച്ചു. പ​ട്ടം​കോ​ള​നി പ്ര​ഖ്യാ​പ​നം ന​ട​ന്ന​ത് ക​ല്ലാ​റി​ലാ​ണ്. നി​ല​വി​ല്‍ നെ​ടു​ങ്ക​ണ്ടം, പാ​മ്പാ​ടും​പാ​റ, ക​രു​ണാ​പു​രം പ​ഞ്ചാ​യ​ത്തു​ക​ളി​ലാ​യാ​ണ് കോ​ള​നി സ്ഥി​തി ചെ​യ്യു​ന്ന​ത്.

നെ​ടു​ങ്ക​ണ്ടം കി​ഴ​ക്കേ ക​വ​ല​യി​ല്‍ ആ​രം​ഭി​ച്ച് കൂ​ട്ടാ​ര്‍ വ​രെ​യു​ള്ള 15 കി​ലോ​മീ​റ്റ​റോ​ളം ചു​റ്റ​ള​വി​ല്‍ വ്യാ​പി​ച്ചു കി​ട​ക്കു​ന്ന പ്ര​ദേ​ശ​മാ​ണി​ത്. ഈ ​മേ​ഖ​ല​യി​ലെ കു​ടും​ബ​ങ്ങ​ളെ വീ​ട്ടു​പേ​രി​നു പ​ക​രം ബ്ലോ​ക്ക്​ ന​മ്പ​റി​ലാ​ണ് അ​റി​യ​പ്പെ​ടു​ന്ന​ത്.

ഹൈ​റേ​ഞ്ച് കേ​ര​ള​ത്തി​നോ​ടൊ​പ്പം നി​ല്‍ക്കാ​ന്‍ കാരണം പ​ട്ടം കോ​ള​നി

ക​ല്ലാ​ര്‍ പ​ട്ടം കോ​ള​നി​യു​ടെ രൂ​പ​വ​ത്ക​ര​ണ​മാ​ണ് സം​സ്ഥാ​ന​രൂ​പ​വ​ത്ക​ര​ണ സ​മ​യ​ത്ത് ഹൈ​റേ​ഞ്ച് കേ​ര​ള​ത്തി​നോ​ടൊ​പ്പം നി​ല്‍ക്കാ​ന്‍ ഇ​ട​യാ​ക്കി​യ​ത്. മ​ല​മു​ക​ളി​ല്‍ മ​ഴ പെ​യ്താ​ല്‍ വെ​ള്ളം ഒ​ഴു​കു​ന്ന​ത് എ​ങ്ങോ​ട്ടെ​ന്ന് നോ​ക്കി​യാ​ണ് സ​ഹ്യ​പ​ര്‍വ​ത നി​ര​ക​ളി​ല്‍ കേ​ര​ള​വും ത​മി​ഴ്നാ​ടും ത​മ്മി​ല്‍ അ​തി​ര്‍ത്തി തി​രി​ച്ചി​രി​ക്കു​ന്ന​ത്. എ​ന്നാ​ല്‍, കൂ​ട്ടാ​റ്റി​ല്‍ അ​ണ​കെ​ട്ടി ക​ട്ടേ​ക്കാ​നം​വ​ഴി ചാ​ലു​കീ​റി കൂ​ട്ടാ​റി​ലെ വെ​ള്ളം ത​മി​ഴ്നാ​ട്ടി​ലേ​ക്ക് കൊ​ണ്ടു​പോ​കാ​ന്‍ ത​മി​ഴ്നാ​ട് ശ്ര​മി​ക്കു​ക​യും അ​തി​ന്റെ ഭാ​ഗ​മാ​യി ത​ണ്ണി​പ്പാ​റ ഭാ​ഗ​ത്ത് ത​മി​ഴ്നാ​ട് പ​ട്ട​യം പോ​ലും ന​ല്‍കി​യി​രു​ന്നു. ഇ​ത് ശ്ര​ദ്ധ​യി​ല്‍പ്പെ​ട്ട അ​ന്ന​ത്തെ തി​രു​ക്കൊ​ച്ചി മു​ഖ്യ​മ​ന്ത്രി​യാ​യി​രു​ന്ന പ​ട്ടം​താ​ണു​പി​ള്ള അ​ടി​യ​ന്ത​ര​മാ​യി പ​ദ്ധ​തി​ക്ക് രൂ​പം ന​ല്‍കി.

ര​ണ്ടാം ലോ​ക​യു​ദ്ധ​ത്തെ തു​ട​ര്‍ന്നു​ണ്ടാ​യ പ​ട്ടി​ണി​ക്ക് ത​ട​യി​ടാ​നും ത​മി​ഴ്ഭാ​ഷ ന്യൂ​ന​പ​ക്ഷ​ങ്ങ​ള്‍ക്ക്​ ആ​ധി​പ​ത്യ​മു​ണ്ടാ​യി​രു​ന്ന ഈ ​ഭൂപ്ര​ദേ​ശം ത​മി​ഴ്നാ​ടി​ന്റെ ഭാ​ഗ​മാ​കാ​തി​രി​ക്കു​ന്ന​തി​നു​മാ​ണ് തി​രു​ക്കൊ​ച്ചി സ​ര്‍ക്കാ​ര്‍ പ​ത്ര പ​ര​സ്യ​ത്തി​ലൂ​ടെ അ​ര്‍ഹ​രെ തെ​ര​ഞ്ഞെ​ടു​ത്ത് ഒ​രാ​ള്‍ക്ക് അ​ഞ്ചേ​ക്ക​ര്‍ സ്ഥ​ല​വും ആ​യി​രം രൂ​പ വാ​യ്പ​യും പ​ണി​യാ​യു​ധ​ങ്ങ​ളും അ​നു​വ​ദി​ച്ച് 1800ഓ​ളം കു​ടും​ബ​ങ്ങ​ളെ ഇ​വി​ടെ കു​ടി​യി​രു​ത്തി​യ​ത്.

ക​ല്ലാ​ര്‍ മു​ത​ല്‍ രാ​മ​ക്ക​ല്‍മേ​ട് വ​രെ​ 

1954ല്‍ ​ഹൈ​റേ​ഞ്ച് കോ​ള​നൈ​സേ​ഷ​ന്‍ പ​ദ്ധ​തി പ്ര​കാ​ര​മാ​ണ് അ​ന്ന​ത്തെ കോ​ട്ട​യം ജി​ല്ല​യി​ല്‍ പീ​രു​മേ​ട്, ദേ​വി​കു​ളം താ​ലൂ​ക്കു​ക​ളി​ലാ​യി വ്യാ​പി​ച്ചു കി​ട​ന്നി​രു​ന്ന ക​ല്ലാ​ര്‍ മു​ത​ല്‍ രാ​മ​ക്ക​ല്‍മേ​ട് വ​രെ​യു​ള്ള വി​വി​ധ പ്ര​ദേ​ശ​ങ്ങ​ളി​ല്‍ കോ​ള​നി രൂ​പ​വ​ത്ക​രി​ക്കാ​ന്‍ തീ​രു​മാ​ന​മാ​യ​ത്. വി​വി​ധ കോ​ള​നി​ക​ളി​ലാ​യി 7326 ഏ​ക്ക​ര്‍ ഭൂ​മി ജ​ന​ങ്ങ​ള്‍ക്കാ​യി വി​ട്ടു​ന​ല്‍കി​യ​തി​ല്‍ 6860 ഏ​ക്ക​ര്‍ ഭൂ​മി​യും പ​ട്ടം കോ​ള​നി​യി​ലാ​യി​രു​ന്നു.

അ​ഞ്ച്​ ഘ​ട്ട​ങ്ങ​ളി​ലാ​യി അ​ഞ്ച്​ ഏ​ക്ക​ര്‍ വീ​ത​മു​ള്ള 1397 ബ്ലോ​ക്കു​ക​ളാ​ണ് പ​ട്ടം​കോ​ള​നി​യി​ല്‍ വി​ത​ര​ണം ചെ​യ്ത​ത്. ആ​ദ്യ​ത​വ​ണ 200 പേ​ര്‍ക്കാ​ണ് ഭൂ​മി ന​ല്‍കി​യ​ത്. ക​ല്ലാ​ര്‍ പ​ട്ടം​കോ​ള​നി​യി​ല്‍ ഉ​ള്‍പ്പെ​ടു​ന്ന പ്ര​ധാ​ന സ്ഥ​ല​ങ്ങ​ളാ​ണ് മു​ണ്ടി​യെ​രു​മ, പാ​മ്പാ​ടും​പാ​റ, നെ​ടു​ങ്ക​ണ്ടം, തൂ​ക്കു​പാ​ലം, ബാ​ല​ഗ്രാം, തേ​ര്‍ഡ്ക്യാ​മ്പ്,കൂ​ട്ടാ​ര്‍, കോ​മ്പ​യാ​ര്‍,രാ​മ​ക്ക​ല്‍മേ​ട്,തോ​വാ​ള, അ​ല്ലി​യാ​ര്‍,ചേ​മ്പ​ളം, ക​ട്ടേ​ക്കാ​നം,ആ​ദി​യാ​ര്‍പു​രം,ഒ​റ്റ​ക്ക​ട,കു​മ​ര​കം​മെ​ട്ട, ചേ​ല​മൂ​ട്, കു​രു​വി​ക്കാ​നം, ഈ​റ്റ​ക്കാ​നം, ക​രു​ണാ​പു​രം, ത​ണ്ണി​പ്പാ​റ, നാ​ലു​മു​ക്ക് തു​ട​ങ്ങി​യ​വ. ഈ ​സ്ഥ​ല​ങ്ങ​ള്‍ക്കെ​ല്ലാം സ്ഥ​ല​നാ​മ ച​രി​ത്ര​ങ്ങ​ളു​മു​ണ്ട്.

സ്വാ​ഗ​ത​സം​ഘം രൂ​പ​വ​ത്ക​രി​ച്ചു

തൂ​ക്കു​പാ​ലം പ​ബ്ലി​ക് ലൈ​ബ്ര​റി​യു​ടെ ആ​ഭി​മു​ഖ്യ​ത്തി​ല്‍ ബ​ഹു​ജ​ന പ​ങ്കാ​ളി​ത്ത​ത്തോ​ടെ 20ന് ​തു​ട​ക്കം കു​റി​ക്കു​ന്ന സ​പ്ത​തി ആ​ഘോ​ഷ​ത്തി​ന്‍റെ ഭാ​ഗ​മാ​യി സ്വാ​ഗ​ത​സം​ഘം രൂ​പ​വ​ത്ക​രി​ച്ചു. ലൈ​ബ്ര​റി പ്ര​സി​ഡ​ന്റ് കെ.​ആ​ര്‍. ഉ​ണ്ണി​കൃ​ഷ്ണ​ന്‍ നാ​യ​ര്‍ അ​ധ്യ​ക്ഷ​ത വ​ഹി​ച്ചു.

പാ​മ്പാ​ടും​പാ​റ പ​ഞ്ചാ​യ​ത്ത് സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍മാ​ന്‍ സി.​എ​സ്. യ​ശോ​ധ​ര​ന്‍, പ​ഞ്ചാ​യ​ത്ത്​​അം​ഗ​ങ്ങ​ളാ​യ സ​തി അ​നി​ല്‍കു​മാ​ര്‍,ര​മ്യ ഷി​ജു,ശ്യാ​മ​ള മ​ധു​സൂ​ധ​ന​ന്‍, മു​ഹ​മ്മ​ദ് ബ​ഷീ​ര്‍, കെ.​എ​സ്.​രാ​ജ്‌​മോ​ഹ​ന്‍, മു​ഹ​മ്മ​ദ് ഷാ​ജി, കെ.​വി.​ഐ​സ​ക്, രാ​ജേ​ഷ് ച​ന്ദ്ര, സി​ന്ധു സു​കു​മാ​ര​ന്‍ നാ​യ​ര്‍, ജോ​ണ്‍ പു​ല്ലാ​ട്, കെ.​വി.​പ​ര​മേ​ശ്വ​ര​ന്‍ എ​ന്നി​വ​ര്‍ സം​സാ​രി​ച്ചു.

കെ. ​ആ​ര്‍. ഉ​ണ്ണി​കൃ​ഷ്ണ​ന്‍ നാ​യ​ര്‍ ചെ​യ​ര്‍മാ​നാ​യും ജോ​മോ​ന്‍ താ​ന്നി​ക്ക​ല്‍ ജ​ന​റ​ല്‍ ക​ണ്‍വീ​ന​ര്‍ ആ​യും 101 അം​ഗ സ്വാ​ഗ​ത​സം​ഘം പ്ര​വ​ര്‍ത്ത​നം ആ​രം​ഭി​ച്ചു.