നെടുങ്കണ്ടം-കമ്പം കെ.എസ്.ആര്‍.ടി.സി ബസ് സര്‍വിസിന് ബ്രേക്ക് വീണു

നെ​ടു​ങ്ക​ണ്ടം: ഉ​ടു​മ്പ​ന്‍ചോ​ല-നെ​ടു​ങ്ക​ണ്ടം-ക​മ്പം കെ.​എ​സ്.​ആ​ര്‍.​ടി.​സി​ബ​സ് സ​ര്‍വി​സി​ന്​ ബ്രേ​ക്ക് വീ​ണി​ട്ട് ദി​വ​സ​ങ്ങ​ളാ​യി. ഏ​താ​നും ദി​വ​സ​ങ്ങ​ള്‍ക്കു മു​മ്പ് എ​ൻജി​ന്‍ ത​ക​രാ​റി​നെ തു​ട​ര്‍ന്ന് വ​ര്‍ക്ക് ഷോ​പ്പി​ല്‍ ക​യ​റ്റി​യി​രു​ന്നു. പ​ക​ര​മാ​യി മ​റ്റൊ​രു ബ​സ് ഇ​റ​ക്കി സ​ർവി​സ് ആ​രം​ഭി​ച്ചി​രു​ന്നു. എ​ന്നാ​ല്‍, ഈ ​ബ​സും ത​ക​രാ​റിലായ​തോ​ടെ നെ​ടു​ങ്ക​ണ്ട​ത്തുനി​ന്ന്​ ക​മ്പ​ത്തേ​ക്കു​ള്ള കെ.​എ​സ്.​ആ​ര്‍.​ടി.​സി ബ​സ് സ​ർവി​സ് നി​ല​ച്ച​മ​ട്ടാ​ണ്.

പു​ല​ര്‍ച്ചെ 4.40നും 5.50 നു​മാ​ണ് നെ​ടു​ങ്ക​ണ്ട​ത്തുനി​ന്നും ക​മ്പ​ത്തേക്ക്​ സ​ര്‍വി​സ് ന​ട​ത്തി​യി​രു​ന്ന​ത്. നാ​ല് ത​വ​ണ (എ​ട്ട്​ ട്രിപ്​) സ​ര്‍വിസ് ന​ട​ത്തി​യി​രു​ന്നു. എ​ന്നാ​ല്‍, ക​ഴി​ഞ്ഞ ബു​ധ​നാ​ഴ്ച​യോ​ടെ ഇ​രു ബ​സു​ക​ള്‍ക്കും ത​ക​രാ​ര്‍ സം​ഭ​വി​ച്ച​തോ​ടെ സ​ര്‍വി​സ് പൂ​ർണ​മാ​യി നി​ല​ച്ചു. ത​ക​രാ​ര്‍ പ​രി​ഹ​രി​ച്ച് വെ​ള്ളി​യാ​ഴ്ച സ​ര്‍വിസ് ആ​രം​ഭി​ച്ചെ​ങ്കി​ലും 4.40ന് ​പു​റ​പ്പെ​ട്ട ക​മ്പം ബ​സ് ആ​ദ്യ ട്രി​പ്പി​ല്‍ ത​ന്നെ ത​ക​രാ​ര്‍ സം​ഭ​വി​ച്ച​തി​നെ തു​ട​ര്‍ന്ന് സ​ര്‍വി​സ് വീ​ണ്ടും മു​ട​ങ്ങി.

ദി​നേ​ന 25,000 രൂ​പ​ക്ക് മുക​ളി​ല്‍ ക​ലക്ഷ​ന്‍ കി​ട്ടി​യി​രു​ന്ന ബ​സുക​ളാ​ണ് ക​ട്ട​പ്പു​റ​ത്താ​യ​ത്. നെ​ടു​ങ്ക​ണ്ടം കെ.​എ​സ്.​ആ​ര്‍.​ടി.​സി ഓ​പ​റേ​റ്റി​ങ് സെ​ന്റ​റി​ല്‍ ഏ​റ്റ​വും വ​രു​മാ​നം ന​ല്‍കു​ന്ന സ​ര്‍വിസു​ക​ളാ​ണ് മു​ട​ങ്ങി​യി​രി​ക്കു​ന്ന​ത്.

സ്ഥി​ര​മാ​യി ഓ​ടു​ന്ന ബ​സു​ക​ള്‍ ത​ക​രാ​റാ​യ​തി​നെ തു​ട​ര്‍ന്ന് യാ​ത്ര​ക്കാ​ര്‍ പെ​രു​വ​ഴി​യി​ലാ​യി. ചി​കി​ത്സ തേ​ടി ത​മി​ഴ്‌​നാ​ട്ടി​ലെ തേ​നി മെ​ഡി​ക്ക​ല്‍ കോ​ള​ജ്, അ​ര​വി​ന്ദ് ക​ണ്ണാ​ശു​പ​ത്രി അ​ട​ക്ക​മു​ള്ള വി​വി​ധ ആ​ശു​പ​ത്രി​ക​ളി​ല്‍ പോ​കു​ന്ന​വ​ര്‍, വി​ദ്യാ​ര്‍ഥി​ക​ള്‍, നി​ര​വ​ധി വ്യാ​പാ​രി​ക​ള്‍, വി​വി​ധ ആ​വ​ശ്യ​ങ്ങ​ള്‍ക്കാ​യി അ​ന്യ സം​സ്ഥാ​ന​ങ്ങ​ളി​ലേ​ക്ക് പോ​യി വ​രു​ന്ന​വ​ര്‍, കേ​ര​ള​ത്തി​ലെ വി​വി​ധ ഏ​ല​ത്തോ​ട്ട​ങ്ങ​ളി​ല്‍ പ​ണി എ​ടു​ക്കാ​ന്‍ വ​ന്നു പോ​കു​ന്ന​വ​ര്‍ അ​ട​ക്ക​മു​ള്ള നൂ​റു​ക​ണ​ക്കി​ന് ആ​ളു​ക​ളാ​ണ് ബ​സു​ക​ളെ ആ​ശ്ര​ച്ചി​രു​ന്ന​ത്.

നെ​ടു​ങ്ക​ണ്ട​ത്തുനി​ന്നും സ്ഥ​ലം മാ​റി​പ്പോ​യ ഡ​സ​നോ​ളം വ​രു​ന്ന ക​ണ്ട​ക്ട​ര്‍മാ​ര്‍ക്കും ഡ്രൈ​വ​ര്‍മാ​ര്‍ക്കും പ​ക​രം പു​തി​യ ജീ​വ​ന​ക്കാ​ര്‍ വ​രാ​ത്ത​തും നെ​ടു​ങ്ക​ണ്ടം ഓ​പറേ​റ്റി​ങ് സെ​ന്റ​റി​ന്റെ പ്ര​വ​ര്‍ത്ത​ന​ങ്ങ​ളെ സാ​ര​മാ​യി ബാ​ധി​ക്കു​ന്നു. ഏ​തെ​ങ്കി​ലും ജീ​വ​ന​ക്കാ​ര്‍ അ​ധി​ക​മാ​യി അ​വ​ധി​യെ​ടു​ത്താ​ല്‍ സ​ര്‍വി​സ് മു​ട​ങ്ങു​ന്ന അ​വ​സ്ഥ​യും നി​ല​വി​ലു​ണ്ട്.

കായംകുളം-കുമളി ബസ് സമയം മാറ്റി: യാത്രക്കാർ ദുരിതത്തിൽ

പീ​രു​മേ​ട്: കാ​യം​കു​ളം-​കു​മ​ളി കെ.​എ​സ്.​ആ​ർ.​ടി.​സി ഫാ​സ്റ്റ് പാ​സ​ഞ്ച​ർ ബ​സി​ന്റെ സ​മ​യം പു​നഃ​ക്ര​മീ​ക​രി​ച്ചു. യാ​ത്ര​ക്കാ​ർ ദു​രി​ത​ത്തി​ൽ. ഇ​തോ​ടെ വ​രു​മാ​ന​വും കു​റ​ഞ്ഞു. കാ​യം​കു​ള​ത്തു​നി​ന്ന് രാ​വി​ലെ 8.10 പു​റ​പ്പെ​ട്ടി​രു​ന്ന ബ​സ് 8.30നും ​കു​മ​ളി​യി​ൽ​നി​ന്ന് 2.40 പു​റ​പ്പെ​ട്ടി​രു​ന്ന​ത് 3.05 ആ​യി പു​നഃ​ക്ര​മീ​ക​രി​ച്ചു.

ഇ​തോ​ടെ ഇ​​േത റൂ​ട്ടി​ൽ ഓ​ടു​ന്ന സ്വ​കാ​ര്യ ബ​സി​ന് പി​ന്നി​ലാ​യ​തോ​ടെ വ​രു​മാ​നം ഗ​ണ്യ​മാ​യി കു​റ​ഞ്ഞു. 2013ലാ​ണ് സ്വ​കാ​ര്യ സൂ​പ്പ​ർ ക്ലാ​സ് പെ​ർ​മി​റ്റ് ടേ​ക്ക് ഓ​വ​റാ​യി കെ.​എ​സ്.​ആ​ർ.​ടി.​സി ഏ​റ്റെ​ടു​ത്ത​ത്. അ​ന്നു​മു​ത​ൽ ലാ​ഭ​ത്തി​ലാ​ണ് സ​ർ​വി​സ് ഓ​ടി​യി​രു​ന്ന​ത്. എ​ന്നാ​ൽ, ക​ഴി​ഞ്ഞ ദി​വ​സം മു​ത​ൽ ഓ​ൺ​ലൈ​ൻ ബു​ക്കി​ങ് ആ​രം​ഭി​ച്ച​തി​നാ​ലാ​ണ് സ​മ​യം മാ​റ്റി​യ​തെ​ന്ന് കെ.​എ​സ്.​ആ​ർ.​ടി.​സി അ​ധി​കൃ​ത​ർ പ​റ​ഞ്ഞു.

രാ​വി​ലെ​യും വൈ​കീ​ട്ടും യാ​ത്ര ചെ​യ്തി​രു​ന്ന സ്ഥി​രം യാ​ത്ര​ക്കാ​രാ​ണ് വ​ല​ഞ്ഞ​ത്. വൈ​കി ഓ​ടു​ന്ന​തി​നാ​ൽ ഇ​വ​ർ ഈ ​ബ​സി​ലെ യാ​ത്ര ഉ​പേ​ക്ഷി​ച്ചു. സ​മ​യം മാ​റ്റ​ത്തി​ൽ സ​ർ​വി​സ് ന​ഷ്ട​ത്തി​ലാ​കു​ക​യും ചെ​യ്തു.

സ​മ​യ​മാ​റ്റം വ​രു​ത്തി വ​രു​മാ​നം ന​ഷ്ട​പ്പെ​ടു​ത്തി​യ ഉ​ദ്യോ​ഗ​സ്ഥ​നെ​തി​രെ ന​ട​പ​ടി വേ​ണ​മെ​ന്നും പ​ഴ​യ സ​മ​യ​ത്തി​ലേ​ക്ക് മാ​റ്റി ഓ​ട​ണ​മെ​ന്നും ബ​സ്​ യാ​ത്രി​ക​ർ ആ​വ​ശ്യ​പ്പെ​ട്ടു.