മലങ്കര പാർക്ക് വഴി പൈപ്പ് സ്ഥാപിക്കൽ: മീനച്ചിൽ പദ്ധതിക്ക് അനുമതി; മുട്ടം -കുടയത്തൂർ-കരിങ്കുന്നത്തിന്​ ഇല്ല

മു​ട്ടം: കോ​ട്ട​യം ജി​ല്ല​യെ ജ​ല​സ​മൃ​ദ്ധ​മാ​ക്കു​ന്ന മ​ല​ങ്ക​ര മീ​ന​ച്ചി​ൽ പ​ദ്ധ​തി​ക്ക് അ​നു​മ​തി ന​ൽ​കി​യ ജ​ല​സേ​ച​ന വ​കു​പ്പ് മു​ട്ടം - ക​ുട​യ​ത്തൂ​ർ - ക​രി​ങ്കു​ന്നം പ​ദ്ധ​തി​ക്ക് അ​നു​മ​തി ന​ൽ​കി​യി​ല്ല. മ​ല​ങ്ക​ര ജ​ലാ​ശ​യ​ത്തി​ൽ നി​ന്ന്​ പെ​രു​മ​റ്റ​ത്തെ ശു​ചീ​ക​ര​ണ ശാ​ല​യി​ലേ​ക്കും തി​രി​ച്ചും പൈ​പ്പ് ക​ട​ന്നു പോ​കേ​ണ്ട​ത് മ​ല​ങ്ക​ര പാ​ർ​ക്ക് വ​ഴി​യാ​ണ്. എ​ന്നാ​ൽ, ഇ​ടു​ക്കി ജി​ല്ല​യി​ലെ പ​ദ്ധ​തി​ക്ക് അ​നു​മ​തി ന​ൽ​കി​യി​ട്ടി​ല്ല. കാ​ര​ണ​വും വ്യ​ക്ത​മാ​ക്കി​യി​ട്ടി​ല്ല. മു​ട്ടം പ​ദ്ധ​തി​ക്ക് അ​നു​മ​തി ന​ൽ​കി​യാ​ൽ മീ​ന​ച്ചി​ൽ പ​ദ്ധ​തി​ക്ക് ഒ​പ്പം പൈ​പ്പ് സ്ഥാ​പി​ക്കാം.

അ​നു​മ​തി വൈ​കി​യാ​ൽ ര​ണ്ട് ഘ​ട്ട​മാ​യി പൈ​പ്പ് സ്ഥാ​പി​ക്കേ​ണ്ടി വ​രും. ഇ​ത് പാ​ർ​ക്ക്​ പ്ര​വ​ർ​ത്ത​ന​ത്തെ ബാ​ധി​ക്കു​ക​യും ചെ​ല​വ്​ ഇ​ര​ട്ടി​യാ​ക്കു​ക​യും ചെ​യ്യും. ഒ​രാ​ഴ്ച​ക്ക​കം പാ​ർ​ക്കി​ന് സ​മീ​പ​ത്തെ പൈ​പ്പ് സ്ഥാ​പി​ക്ക​ൽ പൂ​ർ​ത്തി​യാ​കും. ശേ​ഷം പാ​ർ​ക്കി​ലേ​ക്കാ​ണ്​ പൈ​പ്പ് സ്ഥാ​പി​ക്കേ​ണ്ട​ത്. അ​കാ​ര​ണ​മാ​യി അ​നു​മ​തി വൈ​കി​പ്പി​ക്കു​ന്ന എം.​വി.​ഐ.​പി ന​ട​പ​ടി​ക്കെ​തി​രെ പ്ര​തി​ഷേ​ധം ശ​ക്ത​മാ​ണ്.

കൂ​ടാ​തെ നി​ർ​ദി​ഷ്ട​വ​ന​ഭൂ​മി വ​ഴി ശ​ങ്ക​ര​പ്പ​ള്ളി​യി​ലേ​ക്കും പൈ​പ്പ് സ്ഥാ​പി​ക്ക​ണം. ഇ​തി​നു​ള്ള അ​നു​മ​തി പൂ​ർ​ത്തി​യാ​കു​ന്ന​തേ ഉ​ള്ളു. വ​ന​ഭൂ​മി​യി​ലൂ​ടെ പൈ​പ്പ് സ്ഥാ​പി​ക്കാ​ൻ 1,89,000 രൂ​പ​യാ​ണ് ഫീ​സ് ഇ​ന​ത്തി​ൽ വ​നം വ​കു​പ്പ് ആ​വ​ശ്യ​പ്പെ​ട്ട​ത്. ഈ ​ഫീ​സ് അ​ട​ച്ചാ​ൽ ഉ​ട​ൻ അ​നു​മ​തി ല​ഭി​ക്കു​മെ​ന്നാ​ണ് ജ​ല​വി​ഭ​വ വ​കു​പ്പി​ന്‍റെ പ്ര​തീ​ക്ഷ. അ​നു​മ​തി​ക​ൾ വേ​ഗ​ത്തി​ലാ​ക്കി കു​ടി​വെ​ള്ള പ​ദ്ധ​തി​ക​ൾ യാ​ഥാ​ർ​ഥ്യ​മാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.