Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightMunnarchevron_rightയുവാവിന്​ വെടിയേറ്റ...

യുവാവിന്​ വെടിയേറ്റ സംഭവം​: നായാട്ടുസംഘങ്ങളെ കേ​ന്ദ്രീകരിച്ചും​ അന്വേഷണം

text_fields
bookmark_border
gun shot
cancel

മൂന്നാർ: ഇടമലക്കുടിയിൽ ആദിവാസി യുവാവിന് വെടിയേറ്റ സംഭവത്തിൽ പുറത്തുനിന്നുള്ള നായാട്ടുസംഘങ്ങളെ കേ​ന്ദ്രീകരിച്ച്​ അന്വേഷണം. വെള്ളിയാഴ്ച ഉച്ചയോടെയാണ് ഇരപ്പുകല്ലുകുടിയിൽ സുബ്രഹ്മണ്യന്​ (35) വെടിയേറ്റത്. കീഴ്പത്താംകുടിയിൽ ലക്ഷ്മണനാണ്​ വെടിവെച്ചത്. സുബ്രഹ്മണ്യൺ കോട്ടയം മെഡിക്കൽ കോളജ് ആശുപത്രിയിൽ ചികിത്സയിലാണ്. പൊതു​െവ കാട്ടുമാംസം കഴിക്കാത്ത മുതുവാന്മാരുടെ കുടിയിൽ നാടൻ തോക്ക് എത്തിയത്​ സംശയത്തിനിടയാക്കിയ സാഹചര്യത്തിലാണ്​ പുറത്തുനിന്നുള്ളവരും ഇതിൽ ഉൾപ്പെട്ടതായി കരുതുന്നത്​.

മൂന്നാർ എസ്​.ഐ ടി.എം. സൂഫിയുടെ നേതൃത്വത്തി​െല മൂന്നംഗ സംഘം ശനിയാഴ്​ച ഇടമലക്കുടിയിലെത്തി​. കാട്ടുമൃഗങ്ങളെ വേട്ടയാടുകയോ ഭക്ഷിക്കുകയോ ചെയ്യാത്തവരാണ് ഇടമലക്കുടിയിലെ മുതുവാൻ സമൂഹം. കാട്ടുകിഴങ്ങുകളും പച്ചക്കറികളുമാണ് മുഖ്യആഹാരം. ഇടമലയാറിൽനിന്നും പെട്ടിമുടിയാറിൽനിന്നും പിടിക്കുന്ന മീനും, പുറത്തുനിന്ന്​ വാങ്ങുന്ന ഇറച്ചിക്കോഴിയുമാണ് വല്ലപ്പോഴുമുള്ള മാംസാഹാരം. ഈ രീതി തുടരുന്നവർ തോക്ക് കൈവശം ​െവക്കാറുമില്ല. ഇടമലക്കുടിക്കാർ കാട്ടുമൃഗങ്ങളെ വേട്ടയാടുന്നതായി വനം വകുപ്പും ഇതുവരെ ആക്ഷേപം ഉന്നയിച്ചിട്ടില്ല. ഈ സാഹചര്യത്തിലാണ് നാടൻ തോക്ക് ഉപയോഗിച്ച് നടന്ന വെടിവെപ്പ്​ സംശയത്തിനിടയാക്കുന്നത്​.

വന്യജീവികളുടെ വിഹാരകേന്ദ്രമാണ് ഇടമലക്കുടി വനമേഖല. പുറത്തുനിന്ന് എത്തുന്ന നായാട്ടുസംഘം ആരെയെങ്കിലും സ്വാധീനിച്ച് തോക്ക് അവിടെ ഒളിപ്പിച്ചിരിക്കാമെന്നാണ്​ കരുതുന്നത്​. പൊലീസ്​ തിരയുന്ന പ്രതി 14 വർഷം മുമ്പ് കുടിയിൽ നടന്ന മോഷണത്തിലെ അംഗമായിരുന്നു. ആചാരപ്രകാരം ഒരാൾ മരിച്ചാൽ ആഭരണങ്ങൾ സഹിതമാണ് അടക്കം ചെയ്യുന്നത്. അങ്ങനെ സംസ്കരിച്ച മൃതദേഹം പുറത്തെടുത്ത് ആഭരണങ്ങൾ കവരാൻ ശ്രമിച്ചവരിൽ ലക്ഷ്​മണനുമുണ്ടായിരുന്നു. ഊരുകൂട്ടം കൂടി നാലുപേരെ അന്ന്​ ഉൗരുവിലക്കിയിരുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:gun shotinvestigationhunting groups
News Summary - The incident of young man shot; Investigation focusing on hunting groups
Next Story