കോ​ള​നി​ക​ളി​ൽ ചു​റ്റി​ത്തി​രി​ഞ്ഞ് ‘പ​ട​യ​പ്പ’; തോ​ട്ടം തൊ​ഴി​ലാ​ളി​ക​ളു​ടെ പ​ണി മു​ട​ങ്ങു​​ന്നു

മൂ​ന്നാ​ർ: തൊ​ഴി​ലാ​ളി​ക​ളു​ടെ കോ​ള​നി​ക​ളി​ൽ ചു​റ്റി​ത്തി​രി​ഞ്ഞ് തോ​ട്ടം തൊ​ഴി​ലാ​ളി​ക​ളു​ടെ പ​ണി​മു​ട​ക്കി കാട്ടാനയായ പ​ട​യ​പ്പ. ദേ​വി​കു​ളം ഹാ​രി​സ​ൺ എ​സ്റ്റേ​റ്റ് ലോ​ക്ക് ഹാ​ർ​ട്ട് എ​സ്റ്റേ​റ്റി​ലെ തൊ​ഴി​ലാ​ളി​ക​ൾ തി​ങ്ക​ളാ​ഴ്​​ച പ​ണി​ക്കി​റ​ങ്ങി​യ​ത് ഒ​ന്ന​ര മ​ണി​ക്കൂ​ർ വൈ​കി​യാ​ണ്. ഇ​തു​മൂ​ലം പ​ല​ർ​ക്കും പ​ണി ന​ഷ്ട​പ്പെ​ടു​ക​യും ചെ​യ്തു.

പു​ല​ർ​ച്ചെ പ​ണി​ക്ക് പോ​കാ​ൻ തൊ​ഴി​ലാ​ളി​ക​ൾ പു​റ​ത്തി​റ​ങ്ങി​യ സ​മ​യ​ത്താ​യി​രു​ന്നു ല​യ​ങ്ങ​ളു​ടെ മു​റ്റ​ത്തു​കൂ​ടി പ​ട​യ​പ്പ​യു​ടെ വ​ര​വ്. ഇ​തോ​ടെ പ​ണി​ക്കി​റ​ങ്ങി​യ​വ​ർ തി​രി​ച്ച് വീ​ടു​ക​ളി​ൽ അ​ഭ​യം തേ​ടി. ഫാ​ക്ട​റി ഡി​വി​ഷ​നി​ലെ തൊ​ഴി​ലാ​ളി​യാ​യ സ​ബീ​യ​ന്റെ അ​ര​യേ​ക്ക​റി​ലെ കാ​ര​റ്റ് കൃ​ഷി തി​ന്നു തീ​ർ​ത്ത കൊ​മ്പ​ൻ സ​മീ​പ​ത്തെ പ​ല കൃ​ഷി​യി​ട​ങ്ങ​ളി​ലു​മെ​ത്തി നാ​ശം വ​രു​ത്തി.

ക​ഴി​ഞ്ഞ മൂ​ന്ന് ദി​വ​സ​മാ​യി തൊ​ഴി​ലാ​ളി​ക​ളു​ടെ ഉ​റ​ക്കം കെ​ടു​ത്തി ഇ​തേ ഡി​വി​ഷ​നി​ൽ​ത്ത​ന്നെ നി​ല​യു​റ​പ്പി​ച്ചി​രി​ക്കു​ക​യാ​ണ് പ​ട​യ​പ്പ. രാ​ത്രി​യാ​വു​ന്ന​തോ​ടെ ദേ​ശീ​യ​പാ​ത​യി​ൽ ടോ​ൾ പ്ലാ​സ​ക്ക് സ​മീ​പം എ​ത്തി കാ​ടു​ക​യ​റു​ന്ന കൊ​മ്പ​ൻ രാ​വി​ലെ വീ​ണ്ടും ജ​ന​വാ​സ മേ​ഖ​ല​യി​ൽ എ​ത്തു​ന്നു. വീ​ടു​ക​ൾ​ക്ക് സ​മീ​പം കാ​ട്ടാ​ന നി​ല്ക്കു​മ്പോ​ൾ കു​ട്ടി​ക​ളെ വീ​ട്ടി​ലി​രു​ത്തി ത​ങ്ങ​ൾ​ക്കെ​ങ്ങ​നെ ജോ​ലി​ക്ക് പോ​കാ​ൻ ക​ഴി​യു​മെ​ന്നാ​ണ് തൊ​ഴി​ലാ​ളി​ക​ളു​ടെ ചോ​ദ്യം.

വൈ​കി​യെ​ത്തി​യാ​ൽ അ​ന്ന​ത്തെ പ​ണി ന​ഷ്ട​പ്പെ​ടു​ന്ന​താ​യും ഇ​വ​ർ പ​റ​യു​ന്നു. പ​ട​യ​പ്പ​യെ​ക്കൊ​ണ്ട് പൊ​റു​തി മു​ട്ടി​യ തൊ​ഴി​ലാ​ളി​ക​ൾ ഇ​ന്ന​ലെ ഇ​വി​ടെ​യെ​ത്തി​യ വ​ന​പാ​ല​ക​രോ​ട് ആ​ന​യെ എ​ങ്ങ​നെ​യെ​ങ്കി​ലും ഇ​വി​ടെ നി​ന്ന് മാ​റ്റ​ണ​മെ​ന്ന് ആ​വ​ശ്യ​മു​ന്ന​യി​ച്ചു. ഈ ​ഡി​വി​ഷ​നി​ലെ റേ​ഷ​ൻ​ക​ട​യാ​ണ് അ​ടു​ത്ത​യി​ടെ പ​ട​യ​പ്പ ര​ണ്ടു ത​വ​ണ മേ​ൽ​ക്കൂ​ര ത​ക​ർ​ത്ത് അ​രി​യെ​ടു​ത്ത് അ​ക​ത്താ​ക്കി​യ​ത്.