ഓണം പടിവാതിൽക്കൽ; പച്ചക്കറി സംഭരണം തുടങ്ങാതെ ഹോർടികോർപ്

മൂ​ന്നാ​ർ: ഓ​ണം പ​ടി​വാ​തി​ൽ​ക്ക​ൽ എ​ത്തി​യി​ട്ടും വ​ട്ട​വ​ട, കാ​ന്ത​ല്ലൂ​ർ പ്ര​ദേ​ശ​ങ്ങ​ളി​ൽ പ​ച്ച​ക്ക​റി സം​ഭ​ര​ണം തു​ട​ങ്ങാ​തെ ഹോ​ർ​ടി​കോ​ർ​പ്. ക​ർ​ഷ​ക​രാ​വ​ട്ടെ ഇ​ത്ത​വ​ണ ഹോ​ർ​ടി​കോ​ർ​പ്പി​ന് പ​ച്ച​ക്ക​റി ന​ൽ​കി​ല്ലെ​ന്ന നി​ല​പാ​ടി​ലു​മാ​ണ്.

ഓ​ണം സീ​സ​ണി​ലെ വി​ല​ക്ക​യ​റ്റം പി​ടി​ച്ചു​നി​ർ​ത്താ​നാ​ണ് ഈ ​സ​മ​യ​ത്ത് ഹോ​ർ​ട്ടി​കോ​ർ​പ് ക​ർ​ഷ​ക​രി​ൽ​നി​ന്ന് പ​ച്ച​ക്ക​റി​ക​ൾ സം​ഭ​രി​ച്ച് ആ​ഭ്യ​ന്ത​ര വി​പ​ണി​യി​ൽ എ​ത്തി​ക്കു​ന്ന​ത്. ശീ​ത​കാ​ല പ​ച്ച​ക്ക​റി​ക​ളു​ടെ പ്ര​ധാ​ന ഉ​ൽ​പാ​ദ​ന മേ​ഖ​ല​യാ​യ വ​ട്ട​വ​ട​യി​ലും കാ​ന്ത​ല്ലൂ​രും ഇ​പ്പോ​ൾ വി​ള​വെ​ടു​പ്പ് കാ​ല​മാ​ണ്. മൂ​ന്നാ​ഴ്ച മു​മ്പ്​ ആ​രം​ഭി​ച്ച വി​ള​വെ​ടു​പ്പ് ഇ​പ്പോ​ൾ പൂ​ർ​ണ തോ​തി​ലാ​യി​ട്ടു​ണ്ട്. സം​ഭ​ര​ണ​ത്തി​ന് മു​ന്നോ​ടി​യാ​യി ഉ​ൽ​പ​ന്ന​ങ്ങ​ൾ ന​ൽ​കാ​ൻ ത​യാ​റു​ള്ള ക​ർ​ഷ​ക​ർ പേ​രു​ക​ൾ കൃ​ഷി​ഭ​വ​നി​ൽ ര​ജി​സ്റ്റ​ർ ചെ​യ്യ​ണ​മെ​ന്ന് കൃ​ഷി​വ​കു​പ്പ് അ​റി​യി​പ്പ് ന​ൽ​കി​യെ​ങ്കി​ലും ര​ജി​സ്റ്റ​ർ ചെ​യ്യാ​ൻ ക​ർ​ഷ​ക​ർ ത​യാ​റാ​യി​ട്ടി​ല്ല.

ഇ​ട​നി​ല​ക്കാ​രാ​ണ് ഇ​പ്പോ​ൾ ക​ർ​ഷ​ക​രി​ൽ​നി​ന്ന് മൊ​ത്ത​മാ​യി പ​ച്ച​ക്ക​റി​ക​ൾ വാ​ങ്ങു​ന്ന​ത്. ഇ​താ​വ​ട്ടെ പ​കു​തി​യും ത​മി​ഴ്നാ​ട്ടി​ലേ​ക്കാ​ണ് ക​യ​റ്റി​പ്പോ​കു​ന്ന​ത്. ഹോ​ർ​ടി​കോ​ർ​പ് ന​ൽ​കു​ന്ന​തി​ലും കു​റ​ഞ്ഞ വി​ല​യാ​ണ് ഇ​ട​നി​ല​ക്കാ​ർ ന​ൽ​കു​ന്ന​ത്. എ​ന്നി​ട്ടും ഹോ​ർ​ടി​കോ​ർ​പ്പി​ന് ഉ​ൽ​പ​ന്ന​ങ്ങ​ൾ ന​ൽ​കാ​ൻ ത​യാ​റ​ല്ലെ​ന്ന ക​ർ​ഷ​ക​രു​ടെ നി​ല​പാ​ടി​ന് കാ​ര​ണ​ങ്ങ​ൾ പ​ല​താ​ണ്. എ​ടു​ക്കു​ന്ന ഉ​ൽ​പ​ന്ന​ങ്ങ​ളു​ടെ വി​ല സ​മ​യ​ത്ത് ന​ൽ​കി​ല്ലെ​ന്ന​താ​ണ് പ്ര​ധാ​ന കാ​ര​ണം.

ക​ഴി​ഞ്ഞ ഓ​ണ​ത്തി​ന് ന​ൽ​കി​യ പ​ച്ച​ക്ക​റി​ക​ളു​ടെ വി​ല​പോ​ലും ഇ​പ്പോ​ഴും പൂ​ർ​ണ​മാ​യി ല​ഭി​ച്ചി​ട്ടി​ല്ലെ​ന്ന് പ​ല ക​ർ​ഷ​ക​രും പ​രാ​തി​പ്പെ​ടു​ന്നു. ഉ​ൽ​പ​ന്ന​ങ്ങ​ൾ വാ​ങ്ങി മാ​സ​ങ്ങ​ൾ​ക്കു​ശേ​ഷം പ​ണം ന​ൽ​കു​മ്പോ​ൾ അ​തി​ലും വെ​ട്ടി​ക്കു​റ​വ് വ​രു​ത്തു​ന്ന​താ​യി ക​ർ​ഷ​ക​ർ​ക്ക് പ​രാ​തി​യു​ണ്ട്. വാ​ങ്ങി​യ പ​ച്ച​ക്ക​റി​ക​ൾ ചീ​ഞ്ഞ് ന​ഷ്ടം വ​ന്ന​താ​യി പ​റ​ഞ്ഞാ​ണ് തു​ക വെ​ട്ടി​ക്കു​റ​ക്കു​ന്ന​തെ​ന്ന് ഇ​വ​ർ പ​റ​യു​ന്നു.

പ​ല​പ്പോ​ഴും വി​ള​വെ​ടു​ക്കു​ന്ന പ​ച്ച​ക്ക​റി​ക​ൾ മു​ഴു​വ​ൻ ഹോ​ർ​ടി​കോ​ർ​പ് വാ​ങ്ങാ​റി​ല്ലെ​ന്നും അ​തു​വ​ഴി ത​ങ്ങ​ൾ​ക്ക് ന​ഷ്ടം സം​ഭ​വി​ക്കു​ന്ന​താ​യും ക​ർ​ഷ​ക​ർ ചൂ​ണ്ടി​ക്കാ​ട്ടു​ന്നു. വി​പ​ണി​വി​ല​യു​ടെ മൂ​ന്നി​ലൊ​ന്ന് മാ​ത്ര​മാ​ണ് ഇ​പ്പോ​ൾ ക​ർ​ഷ​ക​ർ​ക്ക് ല​ഭി​ക്കു​ന്ന​ത്. ഹോ​ർ​ടി​കോ​ർ​പ് രം​ഗ​ത്തി​റ​ങ്ങാ​ത്ത​തു​മൂ​ലം ഇ​ട​നി​ല​ക്കാ​രാ​ണ് ഉ​ൽ​പ​ന്ന​ങ്ങ​ളു​ടെ വി​ല നി​ശ്ച​യി​ക്കു​ന്ന​ത്. കു​റ​ഞ്ഞ വി​ല​യാ​ണെ​ങ്കി​ലും ഉ​ട​ൻ പ​ണം ല​ഭി​ക്കു​മെ​ന്ന​താ​ണ് ക​ർ​ഷ​ക​ർ ഹോ​ർ​ടി​കോ​ർ​പ്പി​നെ ത​ള്ളി ഇ​ട​നി​ല​ക്കാ​രെ ആ​ശ്ര​യി​ക്കാ​ൻ കാ​ര​ണം.

ഓ​ണ​ക്കാ​ല​ത്ത് പ​ച്ച​ക്ക​റി വി​ല ഒ​രു പ​രി​ധി​വ​രെ പി​ടി​ച്ചു നി​ർ​ത്ത​ണ​മെ​ങ്കി​ൽ ക​ർ​ഷ​ക​രു​ടെ പ​രാ​തി​ക​ൾ​ക്ക് പ​രി​ഹാ​രം ക​ണ്ട് ഹോ​ർ​ടി​കോ​ർ​പ് നേ​രി​ട്ട് സം​ഭ​ര​ണം ആ​രം​ഭി​ക്ക​ണം.