ത​ക​ർ​ന്ന​ത്​ പ്ര​ള​യ​ത്തി​ൽ; മൂന്നാർ ഗവ. കോളജ്​ പുനർനിർമിക്കാൻ നടപടി തുടങ്ങി

മൂ​ന്നാ​ർ: 2018ലെ ​പ്ര​ള​യ​ത്തി​ൽ ത​ക​ർ​ന്ന മൂ​ന്നാ​ർ ഗ​വ. കോ​ള​ജി​ന്റെ പു​ന​ർ​നി​ർ​മാ​ണ​ത്തി​നാ​യി ക​ണ്ടെ​ത്തി​യ ഭൂ​മി ഏ​റ്റെ​ടു​ക്കാ​ൻ സ​ർ​വേ ന​ട​പ​ടി​ക​ൾ തു​ട​ങ്ങി. ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​ആ​ർ. ബി​ന്ദു​വി​ന്റെ നേ​തൃ​ത്വ​ത്തി​ൽ ര​ണ്ടു​മാ​സം മു​മ്പ്​ ന​ട​ന്ന യോ​ഗ​ത്തി​ലാ​ണ് കോ​ള​ജി​ന്റെ പു​ന​ർ​നി​ർ​മാ​ണ​ത്തി​ന്​ ഭൂ​മി ഏ​റ്റെ​ടു​ക്കാ​ൻ തീ​രു​മാ​ന​മാ​യ​ത്.

റൂ​സ​യു​ടെ മോ​ഡ​ൽ കോ​ള​ജാ​യി പ്ര​ഖ്യാ​പി​ച്ചി​ട്ടു​ള്ള​തി​നാ​ൽ 10 ഏ​ക്ക​ർ ഭൂ​മി​യാ​ണ് കെ​ട്ടി​ട​ങ്ങ​ൾ നി​ർ​മി​ക്കാ​നും മ​റ്റും വേ​ണ്ട​ത്. നി​ല​വി​ൽ കോ​ള​ജ് താ​ൽ​ക്കാ​ലി​ക​മാ​യി പ്ര​വ​ർ​ത്തി​ച്ചു​വ​രു​ന്ന ഡി.​ടി.​പി.​സി​യു​ടെ സ്ഥ​ല​വും സ​മീ​പ​ത്തു​ള്ള റ​വ​ന്യൂ ഭൂ​മി, മൂ​ന്നാ​ർ എ​ൻ​ജി​നീ​യ​റി​ങ് കോ​ള​ജി​ന്റെ ഭൂ​മി എ​ന്നി​വി​ട​ങ്ങ​ളി​ൽ​നി​ന്നു​ള്ള 10 ഏ​ക്ക​റാ​ണ് ക​ണ്ടെ​ത്താ​ൻ തീ​രു​മാ​നി​ച്ചി​ട്ടു​ള്ള​ത്.

ജി​ല്ല ഡെ​പ്യൂ​ട്ടി ഡ​യ​റ​ക്ട​റു​ടെ ഓ​ഫി​സി​ലെ സ​ർ​വേ​യ​ർ​മാ​രാ​യ എ​സ്. റൈ​ഷാ​ദ്, രാ​ധാ​കൃ​ഷ്ണ പി​ള്ള, ദേ​വി​കു​ളം താ​ലൂ​ക്ക് സ​ർ​വേ​യ​ർ ബി. ​അ​ഫ്സ​ൽ എ​ന്നി​വ​ര​ട​ങ്ങു​ന്ന സം​ഘ​മാ​ണ് സ​ർ​വേ ന​ട​ത്തു​ന്ന​ത്.

കോ​ള​ജി​ന് ഭൂ​മി ന​ൽ​കു​ന്ന​തി​നു പ​ക​രം ഡി.​ടി.​പി.​സി​ക്ക് കൈ​മാ​റാ​ൻ ഉ​ദ്ദേ​ശി​ക്കു​ന്ന കോ​ള​ജി​ന്റെ ദേ​വി​കു​ളം റോ​ഡി​ലെ പ​ഴ​യ ഭൂ​മി​യി​ലും സ​ർ​വേ ന​ട​ത്തും.