സഞ്ചാരികളിൽ കൗതുകം നിറച്ച്​ ആനവണ്ടി പോലൊരു വിശ്രമകേന്ദ്രം

മൂ​ന്നാ​ർ: മൂ​ന്നാ​റി​ലേ​ക്ക് മ​ല​ക​യ​റി വ​രു​ന്ന​വ​ർ​ക്ക് ഭ​ക്ഷ​ണം ക​ഴി​ച്ച് വി​ശ്ര​മി​ക്കാ​ൻ പ​ള്ളി​വാ​സ​ലി​ൽ ത​യാ​റാ​ക്കി​യി​രി​ക്കു​ന്ന വി​ശ്ര​മ​കേ​ന്ദ്രം വി​നോ​ദ​സ​ഞ്ചാ​രി​ക​ൾ​ക്ക് കൗ​തു​ക​മാ​കു​ന്നു. ദേ​ശീ​യ പാ​ത​യോ​ര​ത്ത് കെ.​എ​സ്.​ആ​ർ.​ടി.​സി ലോ ​ഫ്ലോ​ർ ബ​സ് മാ​തൃ​ക​യി​ലു​ള്ള പി​ങ്ക് ക​ഫേ വി​ശ്ര​മ​കേ​ന്ദ്ര​മാ​ണ് ഭം​ഗി​യും വൃ​ത്തി​യും​കൊ​ണ്ട് ശ്ര​ദ്ധാ​കേ​ന്ദ്ര​മാ​കു​ന്ന​ത്.

വി​നോ​ദ​സ​ഞ്ചാ​ര വി​ക​സ​ന​ത്തി‍െൻറ ഭാ​ഗ​മാ​യി സ​ർ​ക്കാ​ർ ന​ട​പ്പാ​ക്കി​യ ടേ​ക് എ ​ബ്രേ​ക് പ​ദ്ധ​തി​യി​ൽ പ​ള്ളി​വാ​സ​ൽ പ​ഞ്ചാ​യ​ത്ത് നി​ർ​മി​ച്ച​താ​ണ് ഈ ​വ​ഴി​യോ​ര വി​ശ്ര​മ​കേ​ന്ദ്രം. വ​ഴി​യ​രി​കി​ൽ കി​ട​ക്കു​ന്ന ബ​സാ​ണെ​ന്നാ​ണ് ഒ​റ്റ​നോ​ട്ട​ത്തി​ൽ തോ​ന്നു​ക. എ​ന്നാ​ൽ, അ​ടു​ത്തു കാ​ണു​മ്പോ​ഴാ​ണ് വ​ലി​യ സൗ​ക​ര്യ​ങ്ങ​ളു​ള്ള വി​ശ്ര​മ​കേ​ന്ദ്ര​മാ​ണെ​ന്ന് ബോ​ധ്യ​പ്പെ​ടു​ന്ന​ത്.

ഒ​രു​ഭാ​ഗ​ത്ത് ഭ​ക്ഷ​ണ​സാ​ധ​ന​ങ്ങ​ളു​ടെ വി​ത​ര​ണ കേ​ന്ദ്ര​മാ​ണ്. ആ​ധു​നി​ക രീ​തി​യി​ലു​ള്ള ശൗ​ചാ​ല​യ​വും സാ​നി​റ്റ​റി നാ​പ്​​കി​ൻ നി​ക്ഷേ​പി​ക്കാ​നു​ള്ള സൗ​ക​ര്യ​വ​മ​ട​ക്കം ഇ​വി​ടെ​യു​ണ്ട്. എ​ട്ട​ര ല​ക്ഷം രൂ​പ​യാ​ണ് ചെ​ല​വ്. ഓ​രോ വാ​ർ​ഡി​ൽ​നി​ന്ന്​ ര​ണ്ടു​പേ​രെ വീ​തം ഉ​ൾ​പ്പെ​ടു​ത്തി രൂ​പ​വ​ത്​​ക​രി​ച്ച പ​ത്ത്​ അം​ഗ ഹ​രി​ത ക​ർ​മ സേ​ന​യാ​ണ് കേ​ന്ദ്രം ന​ട​ത്തു​ന്ന​ത്. ഈ ​മാ​സം 13ന് ​ആ​രം​ഭി​ച്ച വി​ശ്ര​മ​കേ​ന്ദ്ര​ത്തി​ൽ നാ​ട​ൻ ഭ​ക്ഷ​ണ​ങ്ങ​ൾ​ക്കാ​ണ് പ്രാ​ധാ​ന്യം.

ക​പ്പ​യും കാ​ന്താ​രി​യും ചേ​ന, ചേ​മ്പ്, പാ​യ​സം എ​ന്നി​വ​യും മു​ഴു​സ​മ​യ​വും വി​ത​ര​ണം ചെ​യ്യു​ന്നു​ണ്ടെ​ന്നും മി​ക​ച്ച പ്ര​തി​ക​ര​ണം ല​ഭി​ക്കു​ന്നു​ണ്ടെ​ന്നും ഹ​രി​ത ക​ർ​മ സേ​ന പ്ര​സി​ഡ​ൻ​റ്​ ഇ​ന്ദി​ര പ​റ​ഞ്ഞു. പി​ങ്ക് ക​ഫേ ക​ണ്ട് കൗ​തു​കം തോ​ന്നി ഇ​റ​ങ്ങു​ന്ന​വ​രെ​ല്ലാം ഭ​ക്ഷ​ണ​വും ക​ഴി​ച്ചാ​ണ് മ​ട​ങ്ങു​ന്ന​ത്.