വി​ക​സ​ന സ്വ​പ്​​ന​ങ്ങ​ൾ​ക്ക്​ ചി​റ​ക്​ മു​ള​ക്കു​ന്നു; പ്ര​തീ​ക്ഷ​യോ​ടെ ഇ​ട​മ​ല​ക്കു​ടി

മൂ​ന്നാ​ർ: നി​ബി​ഡ​വ​ന​ത്തി​ലെ ഗോ​ത്ര വ​ർ​ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യു​ടെ വി​ക​സ​ന സ്വ​പ്ന​ങ്ങ​ൾ​ക്ക് ഇ​ട​വേ​ള​ക്കു​ശേ​ഷം ചി​റ​കു​മു​ള​ക്കു​ന്നു. അ​ര​ക്കോ​ടി രൂ​പ മു​ട​ക്കി നി​ർ​മി​ക്കു​ന്ന ആ​ശു​പ​ത്രി​യു​ടെ പ​ണി അ​വ​സാ​ന​ഘ​ട്ട​ത്തി​ൽ എ​ത്തി​യ​ത് വ​ലി​യ പ്ര​തീ​ക്ഷ​യാ​ണ് ന​ൽ​കു​ന്ന​ത്. 24 കു​ടി​യി​ലാ​യി 13 വാ​ർ​ഡു​ക​ളു​ള്ള ഇ​ട​മ​ല​ക്കു​ടി പ​ഞ്ചാ​യ​ത്ത് മൂ​ന്നാ​ർ ടൗ​ണി​ൽ​നി​ന്ന്​ 36 കി​ലോ​മീ​റ്റ​ർ അ​ക​ലെ​യാ​ണ്. വ​നാ​ന്ത​ർ​ഭാ​ഗ​ത്തെ പ​ഞ്ചാ​യ​ത്തി​ന് പ​രി​മി​തി​ക​ൾ മാ​ത്ര​മാ​ണ് കൂ​ട്ട്. പൂ​ർ​ണ​മാ​യും കാ​ൽ​ന​ട​യെ ആ​ശ്ര​യി​ച്ച് പു​റം​ലോ​ക​വു​മാ​യി ബ​ന്ധ​പ്പെ​ട്ടി​രു​ന്ന ജ​ന​ത​ക്ക്​ റോ​ഡ് ഒ​രു സ്വ​പ്ന​മാ​യി​രു​ന്നു.

സൗ​ജ​ന്യ റേ​ഷ​ൻ ല​ഭി​ച്ചാ​ൽ​പോ​ലും അ​രി​യെ​ക്കാ​ൾ കൂ​ടു​ത​ൽ ചു​മ​ട്ടു​കൂ​ലി കൊ​ടു​ത്തു​വാ​ങ്ങേ​ണ്ട സ്ഥി​തി. കെ. ​രാ​ധാ​കൃ​ഷ്ണ​ൻ സ്​​പീ​ക്ക​റാ​യി​രി​ക്കെ ഇ​ട​പെ​ട്ടാ​ണ് ഇൗ ​പ്ര​ശ്നം പ​രി​ഹ​രി​ച്ച​ത്. പി.​കെ. ജ​യ​ല​ക്ഷ്മി മ​ന്ത്രി ആ​യി​രു​ന്ന​പ്പോ​ൾ പ്ര​ഖ്യാ​പി​ച്ച പാ​ക്കേ​ജി​ൽ വ​ലി​യ പ്ര​തീ​ക്ഷ ആ​യി​രു​ന്നു.

12 കോ​ടി​യാ​ണ് അ​ന്ന് വ​ക​യി​രു​ത്തി​യ​ത്. ഇ​തി​ൽ 26 ല​ക്ഷം മു​ട​ക്കി ആ​ശു​പ​ത്രി കെ​ട്ടി​ടം നി​ർ​മി​ച്ചു. ഉ​പ​ക​ര​ണ​ങ്ങ​ൾ വാ​ങ്ങാ​ൻ 40 ല​ക്ഷ​വും അ​ട​ച്ചു. വൈ​ദ്യു​തി പോ​സ്​​റ്റു​ക​ളും സ്ഥാ​പി​ച്ചു. ര​ണ്ട്​ ഡോ​ക്ട​ർ​മാ​ർ, നാ​ല് ന​ഴ്സ്, ഒ​രു അ​റ്റ​ൻ​ഡ​ർ, ഒ​രു ലാ​ബ് ടെ​ക്നീ​ഷ​ൻ എ​ന്നി​വ​ർ ജോ​ലി ചെ​യ്യു​ന്ന ആ​ശു​പ​ത്രി​യാ​ണ് പൂ​ർ​ത്തി​യാ​കു​ന്ന​ത്. ഇ​വ​ർ​ക്ക്​ ക്വാ​ർ​ട്ടേ​ഴ്സു​ക​ളും പ​ണി​തു.

ഇ​ട​മ​ല​ക്കു​ടി​ക്ക് സ​മ്പൂ​ർ​ണ സ്കൂ​ൾ സ​മു​ച്ച​യം നി​ർ​മി​ക്കാ​ൻ ഡീ​ൻ കു​ര്യാ​ക്കോ​സ് എം.​പി 96 ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്. പ​ഞ്ചാ​യ​ത്ത് ഫ​ണ്ടി​ൽ​നി​ന്ന്​ നാ​ല് ല​ക്ഷ​വും ചേ​ർ​ത്ത് ഒ​രു കോ​ടി​യു​ടെ സ്കൂ​ൾ, ഹോ​സ്​​റ്റ​ൽ, ലൈ​ബ്ര​റി സ​മു​ച്ച​യ​മാ​ണ് വി​ഭാ​വ​നം ചെ​യ്യു​ന്ന​ത്.

ഇ​ട​മ​ല​ക്കു​ടി​യി​ൽ​നി​ന്ന്​ 25 കി​ലോ​മീ​റ്റ​ർ അ​ക​ലെ​യു​ള്ള ദേ​വി​കു​ള​ത്താ​ണ് പ​ഞ്ചാ​യ​ത്ത്​ ഓ​ഫി​സ്. കൃ​ഷി​ഭ​വ​നും ദേ​വി​കു​ള​ത്താ​ണ്. ഇ​തി​നു പ​രി​ഹാ​ര​മാ​യി മി​നി​സി​വി​ൽ സ്​​റ്റേ​ഷ​ൻ നി​ർ​മാ​ണ​വും തു​ട​ങ്ങും. ഇ​തോ​ടെ എ​ല്ലാ സ​ർ​ക്കാ​ർ സ്ഥാ​പ​ന​ങ്ങ​ളും ഒ​രി​ട​ത്താ​കും.