Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightMunnarchevron_rightപെട്ടിമുടി ദുരന്തം;...

പെട്ടിമുടി ദുരന്തം; കണ്ണൻദേവൻ കമ്പനി തൊഴിലാളികൾക്ക്​ ബോണസ്​ നൽകി

text_fields
bookmark_border
പെട്ടിമുടി ദുരന്തം; കണ്ണൻദേവൻ  കമ്പനി തൊഴിലാളികൾക്ക്​ ബോണസ്​ നൽകി
cancel

മൂന്നാർ: കണ്ണൻദേവൻ കമ്പനി (കെ.ഡി.എച്ച്​.പി) തോട്ടം തൊഴിലാളികൾക്ക്​ 2019-20 സാമ്പത്തിക വർഷത്തിലെ 12 ശതമാനം ബോണസ് വിതരണം ചെയ്തു.

പെട്ടിമുടി ദുരന്ത പശ്ചാത്തലത്തിൽ വൻതുക ദുരിതാശ്വാസത്തിനും ആശ്രിതർക്ക്​ നഷ്​ടപരിഹാരം നൽകുന്നതിനും മറ്റുമായി ചെലവഴിച്ചിട്ടും തൊഴിലാളികളുടെ ആനുകൂല്യങ്ങളിൽ കുറവുവരുത്താതെയാണ്​ ബോണസ്​ നിശ്ചയിച്ചത്​. 22 ലയങ്ങളിൽനിന്ന്​ 82പേരാണ് പെട്ടിമുടിയിൽ ദുരന്തത്തിനിരയായത്. ഇതിൽ 18പേർ കമ്പനി തൊഴിലാളികളാണ്. മറ്റ് ലയങ്ങളിൽ താമസിച്ചിരുന്ന 200 പേരെ മറ്റ് എസ്​​റ്റേറ്റുകളിലേക്ക്​ സുരക്ഷിതമായി അന്നുതന്നെ മാറ്റി. സബ് കലക്ടറുടെയും എം.പി-എം.എൽ.എമാരുടെയും നേതൃത്വത്തിൽ നൂറുകണക്കിന് ആളുകളാണ് ഒരോ ദിവസവും രക്ഷാപ്രവർത്തനത്തിനിറങ്ങിയത്. ഇവർക്കുവേണ്ട സഹായ- സംവിധാനങ്ങൾ നൽകിയതായി കെ.ഡി.എച്ച്​.പി കമ്പനി അധികൃതർ പറഞ്ഞു. സ്ഥലത്ത് കൺട്രോൾ റൂം തുറന്നാണ് പ്രവർത്തനങ്ങളെ ഏകോപിപ്പിച്ചത്.

കോവിഡ്​​ പശ്ചാത്തലത്തിൽ സാനിറ്റൈസറുകൾ, മാസ്ക്, ഗ്ലൗസ്​, ഫസ്​റ്റ്​ എയ്​ഡ്​ ബോക്​സ്​, മഴക്കോട്ടുകൾ എന്നിവയെല്ലാം വിതരണം ചെയ്തിരുന്നു. 600ലധികം വരുന്ന രക്ഷാപ്രവർത്തകർക്ക് രാവിലെയും ഉച്ചക്കും വൈകീട്ടും ഭക്ഷണം വിതരണം നടത്തി.

കമ്പനിയുടെ മാനേജിങ്​ ഡയറക്ടർ അടക്കം ഉദ്യോഗസ്ഥർ സ്ഥലത്ത് ക്യാമ്പ് ചെയ്ത് പ്രവർത്തനത്തിനും നേതൃത്വം നൽകി. പെട്ടിമുടിയിൽനിന്ന്​ മാറ്റിപ്പാർപ്പിച്ച കുടുംബങ്ങൾക്ക് ആഹാരം, വസ്ത്രം എന്നിവ നൽകുന്നതിനൊപ്പം മറ്റ് സ്ഥലങ്ങളിൽ ജോലി നൽകിയതായും കമ്പനി അധികൃതർ അറിയിച്ചു.

മരിച്ച തൊഴിലാളികളുടെ ആശ്രിതർക്ക് പ്രഖ്യാപിച്ച അഞ്ചുലക്ഷം വീതം തുക ഉടൻ നൽകും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pettimudi land slideKerala landslide
Next Story