ജി​ല്ല ഉ​പ​ഭോ​ക്തൃ ത​ർ​ക്ക​പ​രി​ഹാ​ര കോ​ട​തി​യി​ൽ കെട്ടിക്കിടക്കുന്നത് 500ലേറെ കേസുകൾ

തൊ​ടു​പു​ഴ: ഉ​പ​ഭോ​ക്താ​ക്ക​ളു​ടെ പ​രാ​തി​ക​ൾ പ​രി​ഗ​ണി​ക്കു​ന്ന ജി​ല്ല ഉ​പ​ഭോ​ക്തൃ ത​ർ​ക്ക​പ​രി​ഹാ​ര കോ​ട​തി​യു​ടെ പ്ര​വ​ർ​ത്ത​നം താ​ളം​തെ​റ്റി​യി​ട്ട്​ മാ​സ​ങ്ങ​ൾ. പ​ത്ത്​ മാ​സ​ത്തോ​ള​മാ​യി സി​റ്റി​ങ് കൃ​ത്യ​മാ​യി ന​ട​ക്കാ​ത്ത​തി​നാ​ൽ അ​ഞ്ഞൂ​റോ​ളം കേ​സു​ക​ളാ​ണ് കെ​ട്ടി​ക്കി​ട​ക്കു​ന്ന​ത്. ക​ഴി​ഞ്ഞ​വ​ർ​ഷം ഡി​സം​ബ​ർ മു​ത​ൽ സി​റ്റി​ങ്​ ക​മീ​ഷ​ൻ പാ​ന​ലി​ൽ മ​തി​യാ​യ അം​ഗ​ങ്ങ​ളി​ല്ലാ​ത്ത​തി​നാ​ൽ ഇ​ൻ​ഷു​റ​ൻ​സ്, ജി.​എ​സ്.​ടി, വ്യാ​പാ​ര​ത​ർ​ക്ക​ങ്ങ​ൾ ഉ​ൾ​പ്പെ​ടെ ഉ​പ​ഭോ​ക്താ​ക്ക​ളു​മാ​യി ബ​ന്ധ​പ്പെ​ട്ട മു​ഴു​വ​ൻ കേ​സു​ക​ളും കെ​ട്ടി​ക്കി​ട​ക്കു​ക​യാ​ണ്. പ​രാ​തി​ക്കാ​ർ​ക്കും ജീ​വ​ന​ക്കാ​ർ​ക്കും ഇ​ത്​ ദു​രി​തം സൃ​ഷ്​​ടി​ക്കു​ന്നു.

മൂ​ന്നം​ഗ സി​റ്റി​ങ്​ ക​മീ​ഷ​നും ജീ​വ​ന​ക്കാ​രും ഉ​ൾ​പ്പെ​ടെ 15 ജീ​വ​ന​ക്കാ​ർ ഇ​വി​ടെ​യു​ണ്ട്. നി​ല​വി​ൽ അ​ദാ​ല​ത്ത് മാ​ത്ര​മാ​ണ് ന​ട​ക്കു​ന്ന​ത്. മു​മ്പ് സി​റ്റി​ങ് ന​ട​ത്തി​യ കേ​സു​ക​ൾ പ​ര​സ്പ​രം പ​റ​ഞ്ഞ് തീ​ർ​പ്പാ​ക്കാ​നാ​യാ​ണ്​ ക​മീ​ഷ​ൻ അ​ദാ​ല​ത്തി​ന് നി​ർ​ദേ​ശം ന​ൽ​കു​ന്ന​ത്. മീ​ഡി​യേ​റ്റ​റും അ​ഭി​ഭാ​ഷ​ക​രും ച​ർ​ച്ച​ന​ട​ത്തി പ്ര​ശ്നം തീ​ർ​പ്പാ​ക്കും. മാ​സ​ത്തി​ൽ നാ​ലാ​മ​ത്തെ ശ​നി​യാ​ഴ്ച​യാ​ണ് അ​ദാ​ല​ത്ത് ന​ട​ക്കു​ക.

ഇ​തി​നു​പു​റ​മെ എ​ല്ലാ മാ​സ​വും 29ന് ​പ്ര​ത്യേ​ക അ​ദാ​ല​ത്തു​മു​ണ്ട്. അ​മ്പ​തോ​ളം കേ​സു​ക​ൾ ഇ​തി​ൽ പ​രി​ഗ​ണി​ക്കാം. കേ​സു​ക​ൾ കെ​ട്ടി​ക്കി​ട​ക്കു​ന്ന​ത് ഒ​ഴി​വാ​ക്കാ​നു​ള്ള സു​പ്രീം​കോ​ട​തി നി​ർ​ദേ​ശ​പ്ര​കാ​ര​മാ​ണ് ഈ ​ന​ട​പ​ടി. കു​യി​ലി​മ​ല​യി​ലെ നി​ർ​മി​തി കേ​ന്ദ്ര​ത്തി​ലാ​ണ് ജി​ല്ല ഉ​പ​ഭോ​ക്തൃ കോ​ട​തി പ്ര​വ​ർ​ത്തി​ക്കു​ന്ന​ത്.

നി​ല​വി​ൽ പ്ര​സി​ഡ​ന്റ് മാ​ത്രം; ര​ണ്ടം​ഗ​ങ്ങ​ളു​ടെ ഒ​ഴി​വ്​

മൂ​ന്നം​ഗ ക​മീ​ഷ​ൻ പാ​ന​ൽ പ്ര​സി​ഡ​ന്റ്, ര​ണ്ട് അം​ഗ​ങ്ങ​ൾ എ​ന്നി​വ​ർ അ​ട​ങ്ങു​ന്ന​താ​ണ്. ഇ​തി​ൽ പ്ര​സി​ഡ​ന്റ് മാ​ത്ര​മാ​ണ് നി​ല​വി​ലു​ള്ള​ത്. ര​ണ്ട് അം​ഗ​ങ്ങ​ളു​ടെ ഒ​ഴി​വ് നി​ക​ത്തി​യി​ട്ടി​ല്ല. ഒ​രം​ഗ​ത്തി​ന്റെ കാ​ലാ​വ​ധി ക​ഴി​ഞ്ഞ​തി​നാ​ൽ പു​തി​യ​നി​യ​മ​നം സ​ർ​ക്കാ​ർ ന​ട​ത്ത​ണം. മ​റ്റൊ​രു അം​ഗം ചു​മ​ത​ല ഒ​ഴി​ഞ്ഞ​തോ​ടെ ഫ​ല​ത്തി​ൽ ര​ണ്ട് അം​ഗ​ങ്ങ​ളും ഇ​ല്ലാ​ത്ത അ​വ​സ്ഥ​യാ​യി.

കേ​സ് തീ​ർ​പ്പാ​ക്കാ​ൻ പ്ര​സി​ഡ​ന്റ് ഉ​ൾ​പ്പെ​ടെ ര​ണ്ട് അം​ഗ​ങ്ങ​ൾ മ​തി. ഇ​തി​നാ​യു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ കോ​ട്ട​യം ജി​ല്ല ഉ​പ​ഭോ​ക്തൃ കോ​ട​തി​യി​ലെ ഒ​രം​ഗ​ത്തെ ഇ​ടു​ക്കി​യി​ലേ​ക്ക് സ​ർ​ക്കാ​ർ മാ​റ്റി നി​യ​മി​ച്ചെ​ങ്കി​ലും വി​ജ്ഞാ​പ​നം പു​റ​ത്തി​റ​ക്കാ​ത്ത​തി​നാ​ൽ നി​യ​മ​നം വൈ​കു​ക​യാ​ണ്. റി​ട്ട. ജ​ഡ്ജി​യാ​ണ് ജി​ല്ല​യി​ൽ പ്ര​സി​ഡ​ന്റ്. ഇ​ടു​ക്കി​യി​ൽ ക​മീ​ഷ​ൻ അം​ഗം ഉ​ട​ൻ ചു​മ​ത​ല​യേ​ൽ​ക്കു​മെ​ന്നും ഇ​തി​നാ​യു​ള്ള ന​ട​പ​ടി​ക്ര​മ​ങ്ങ​ൾ പൂ​ർ​ത്തീ​ക​രി​ച്ച​താ​യും പു​തി​യ നി​യ​മ​ന​ത്തോ​ടെ പ്ര​ശ്ന​ത്തി​ന്​ പ​രി​ഹാ​ര​മാ​കു​മെ​ന്നാ​ണ്​ ഇ​തു​മാ​യി ബ​ന്ധ​പ്പെ​ട്ട്​ അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.