Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightഭൗമസൂചിക പദവിയും...

ഭൗമസൂചിക പദവിയും കിട്ടി; പ​െക്ഷ മറയൂര്‍ ശര്‍ക്കര സർക്കാറിനും വേണ്ട

text_fields
bookmark_border
ഭൗമസൂചിക പദവിയും കിട്ടി; പ​െക്ഷ മറയൂര്‍ ശര്‍ക്കര സർക്കാറിനും വേണ്ട
cancel

മറയൂര്‍: മറയൂര്‍ ശര്‍ക്കരക്ക് ഭൗമസൂചിക പദവി കിട്ടിയിട്ടും കർഷകർക്ക്​ ഗുണമില്ല.മികച്ച ശര്‍ക്കര സംസ്ഥാനത്ത് ലഭിക്കുമ്പോഴും ഓണക്കിറ്റിലേക്കായി സര്‍ക്കാര്‍ ഇതര സ്ഥാപനങ്ങളില്‍നിന്ന്​ സംഭരിച്ചത് രാസവസ്തുക്കളടങ്ങിയ ശര്‍ക്കരയെന്ന് ആരോപണം.88 ലക്ഷം കിലോയാണ് ഈ വര്‍ഷം ഓണക്കിറ്റിലേക്ക് മാത്രമായി സര്‍ക്കാര്‍ സംഭരിച്ചത്.

മറയൂരിലെ ഭൂരിഭാഗം കര്‍ഷകരും കരിമ്പ് കൃഷിയെ ആശ്രയിച്ച് ഉപജീവനം നടത്തുന്നവരാണ്. മിക്കവരും കുടിൽവ്യവസായ രീതിയില്‍ ശര്‍ക്കര നിർമിക്കുന്നവരുമാണ്​. സമുദ്രനിരപ്പില്‍നിന്ന്​ 5000 അടി ഉയരത്തില്‍ വിളയുന്ന മറയൂര്‍ ശര്‍ക്കരക്ക് രുചിക്കൂടുതലും മനുഷ്യശരീരത്തിന് ഹാനികരമായ രാസപദാര്‍ഥങ്ങളുടെ അളവ്​ വളരെ കുറവാണെന്ന്​ കണ്ടെത്തിയതിനെ തുടര്‍ന്ന് കേരള കാര്‍ഷിക സര്‍വകലാശാല പഠനം നടത്തി ഭൗമസൂചിക പദവിയും നല്‍കി.

ഓണവിപണി പ്രതീക്ഷിച്ച് വരള്‍ച്ചയെയും കനത്ത മഴയെയും അതിജീവിച്ച് പ്രദേശത്ത് ഇത്തവണ വ്യാപകമായി ശര്‍ക്കര ഉൽപാദിപ്പിച്ചിരുന്നു​.എന്നാല്‍, കോവിഡ് ഭീതിമൂലം പ്രദേശത്ത് വിനോദസഞ്ചാരികൾ എത്താതായതോടെ കനത്ത തിരിച്ചടിയാണ് കര്‍ഷകര്‍ക്ക് സമ്മാനിച്ചത്.

ഈ സാഹചര്യത്തിലാണ് മറയൂരിൽ ഉൽപാദിപ്പിക്കുന്ന ഗുണനിലവാരമുള്ള ശര്‍ക്കര സര്‍ക്കാർ ഇടപെട്ട് ഓണക്കിറ്റ്, അരവണ നിര്‍മാണം പോലുള്ള ആവശ്യങ്ങള്‍ക്ക് സംഭരിക്കണമെന്ന ആവശ്യം ശക്തമായിരിക്കുന്നത്.

Show Full Article
TAGS:Jaggery marayur 
Next Story