പഴമ കൈവിടാതെ ആദിവാസി കുടികളില്‍ കുറുംപുല്‍ കൃഷി

മ​റ​യൂ​ര്‍ (ഇടുക്കി): അ​ഞ്ചു​നാ​ട് മ​ല​നി​ര​ക​ളി​ലെ ആ​ദി​വാ​സി കു​ടി​ക​ളി​ൽ പ​ഴ​മ​യും പാ​ര​മ്പ​ര്യ​വും കൈ​വി​ടാ​തെ കു​റും​പു​ല്‍ (റാ​ഗി) കൃ​ഷി. തീ​ര്‍ത്ഥ​മ​ല​ക്കു​ടി, കു​ള​ച്ചു​വ​യ​ല്‍കു​ടി, ഒ​ള്ള​വ​യ​ല്‍കു​ടി, ചെ​മ്പ​ട്ടി​ക്കു​ടി, ശൂ​ശി​നി​കു​ടി ആ​ദി​വാ​സി​കു​ടി​ക​ളി​ലാ​ണ് കൂ​ടു​ത​ലാ​യും കൃ​ഷി​ചെ​യ്തു​വ​രു​ന്ന​ത്. പൂ​ര്‍വി​ക​ര്‍ ഭ​ക്ഷ​ണ​ക്ര​മ​ത്തി​ല്‍ സ്ഥി​ര​മാ​യി ഉ​ൾ​പ്പെ​ടു​ത്തി​യി​രു​ന്ന പോ​ഷ​ക സ​മ്പു​ഷ്​​ട​മാ​യ കു​റും​പു​ല്ലാ​ണ് ഇ​വി​ടെ​യു​ള്ള​വ​ര്‍ ഇ​പ്പോ​ഴും നി​ത്യേ​ന​യു​ള്ള ഭ​ക്ഷ​ണ​ത്തി​നാ​യി മ​ല​ഞ്ചെ​രു​വു​ക​ളി​ല്‍ കീ​ട​നാ​ശി​നി പ്ര​യോ​ഗ​മി​ല്ലാ​തെ കൃ​ഷി​ചെ​യ്യു​ന്ന​ത്.

വി​ത​ച്ച് മൂ​ന്നാം മാ​സം വി​ള​വെ​ടു​ക്കു​ന്ന കു​റും​പു​ല്ല് ഒ​രു വ​ര്‍ഷം വ​രെ കേ​ട് കൂ​ടാ​തെ ഉ​ണ​ക്കി സൂ​ക്ഷി​ച്ചാ​ണ് ഉ​പ​യോ​ഗി​ക്കു​ന്ന​ത്. ഔ​ഷ​ധ ഗു​ണ​ങ്ങ​ളു​ള്ള കു​റും​പു​ല്‍ ഭ​ക്ഷ​ണ​ത്തി​ല്‍ സ്ഥി​ര​മാ​യി ഉ​ള്‍പെ​ടു​ത്തു​ന്ന​തി​നാ​ല്‍ നി​ര​വ​ധി രോ​ഗ​ങ്ങ​ളെ ചെ​റു​ക്കാ​നാ​കു​ന്നു​ണ്ടെ​ന്ന്​ മു​തി​ര്‍ന്ന ആ​ദി​വാ​സി​ക​ള്‍ പ​റ​യു​ന്നു.

കാ​ന്ത​ല്ലൂ​ര്‍, മ​റ​യൂ​ര്‍ കേ​ന്ദ്രീ​ക​രി​ച്ചു​ള്ള ഗ്രാ​മ​ങ്ങ​ളി​ല്‍ മു​മ്പ്​ വ്യാ​പ​ക​മാ​യി കു​റും​പു​ല്‍ കൃ​ഷി​ചെ​യ്​​​തി​രു​ന്നെ​ങ്കി​ലും അ​രി ല​ഭ്യ​മാ​യ​തോ​ടെ​യാ​ണ് ആ​ദി​വാ​സി​ക്കു​ടി​ക​ളി​ല്‍ മാ​ത്ര​മാ​യി ഒ​തു​ങ്ങി​യ​ത്. കു​റും​പു​ല്ലി​ല്‍ കാ​ത്സ്യം, ഇ​രു​മ്പ്, പ്രോ​ട്ടീ​ന്‍, ഫൈ​ബ​ര്‍, മി​ന​റ​ല്‍സ് തു​ട​ങ്ങി​യ​വ ധാ​രാ​ള​മാ​യി അ​ട​ങ്ങി​യി​ട്ടു​ണ്ട്.