ഓട്ടോറിക്ഷയും കാറും കൂട്ടിയിടിച്ച് രണ്ടുപേർക്ക് പരിക്ക്

മറയൂർ: ഓട്ടോറിക്ഷയും കാറും കൂട്ടിയിടിച്ച് രണ്ടുപേർക്ക് പരിക്ക്. ഓട്ടോറിക്ഷയിൽ ഉണ്ടായിരുന്ന വാഗുവര സ്വദേശികളായ ഡ്രൈവർ സഞ്ജയ് (20) യാത്രക്കാരനായ പളനിവേൽ (60) എന്നിവർക്കാണ് പരിക്കേറ്റത്. ഇതിൽ സഞ്ജയ് മൂന്നാറിലെ ആശുപത്രിയിലും ഗുരുതര പരിക്കേറ്റ പളനിവേലുവിനെ തേനി മെഡിക്കൽ കോളജിലും പ്രവേശിപ്പിച്ചു.

വെള്ളിയാഴ്ച ഉച്ചയോടെയാണ് സംഭവം. വാഗുവരയിൽനിന്ന് മറയൂരിലേക്കുവന്ന ഓട്ടോറിക്ഷയും മൂന്നാർ ഭാഗത്തേക്കുപോയ കാറും ലക്കം വെള്ളച്ചാട്ടന് സമീപം കൂട്ടിയിടിക്കുകയായിരുന്നു.