മലങ്കര ജലനിരപ്പ് താഴുന്നു; ആശങ്കയിൽ ആറ് പഞ്ചായത്തുകൾ

മു​ട്ടം: മൂ​ല​മ​റ്റം വൈ​ദ്യു​തി നി​ല​യ​ത്തി​ലെ ഉ​ൽ​പാ​ദ​നം കു​റ​ഞ്ഞ​തും മ​ഴ ശ​ക്തി​യാ​ർ​ജി​ക്കാ​ത്ത​തും മൂ​ലം മ​ല​ങ്ക​ര ജ​ലാ​ശ​യ​ത്തി​ലെ ജ​ല​നി​ര​പ്പ് താ​ഴ്ന്ന് തു​ട​ങ്ങി. ജ​ല​നി​ര​പ്പ് താ​ഴു​ന്ന​ത് ആ​റ്​ പ​ഞ്ചാ​യ​ത്തു​ക​ളെ ആ​ശ​ങ്ക​യി​ലാ​ക്കു​ക​യാ​ണ്. ജ​ല​വ​കു​പ്പി​ന്‍റെ​യും അ​ല്ലാ​ത്ത​തു​മാ​യ നി​ര​വ​ധി കു​ടി​വെ​ള്ള പദ്ധതി​ക​ളാ​ണ്​ മ​ല​ങ്ക​ര ജ​ലാ​ശ​യ​ത്തെ ആ​ശ്ര​യി​ച്ചു​ള്ള​ത്.

ജ​ല​നി​ര​പ്പ് ഇ​നി​യും താ​ഴ്ന്നാ​ൽ മു​ട്ടം, അ​റ​ക്കു​ളം, കു​ട​യ​ത്തൂ​ർ, ക​രി​ങ്കു​ന്നം, ആ​ല​ക്കോ​ട്, ഉ​ടു​മ്പ​ന്നൂ​ർ, വെ​ള്ളി​യാ​മ​റ്റം ഉ​ൾ​പ്പെ​ടെ പ​ഞ്ചാ​യ​ത്തു​ക​ളി​ലെ കു​ടി​വെ​ള്ള വി​ത​ര​ണം പ്ര​തി​സ​ന്ധി​യി​ലാ​കും. ഈ ​സ്ഥി​തി വീ​ണ്ടും തു​ട​ർ​ന്നാ​ൽ മി​ക്ക സ്വ​കാ​ര്യ ജ​ലസ്രോ​ത​സ്സു​ക​ളും വ​റ്റു​മെ​ന്നു​റ​പ്പാ​ണ്. ക​ഴി​ഞ്ഞ വ​ർ​ഷ​ങ്ങ​ളി​ൽ മ​ഴ​ക്കാ​ല​ത്ത് മൂ​വാ​റ്റു​പു​ഴ​യി​ലെ വി​വി​ധ പ്ര​ദേ​ശ​ങ്ങ​ളി​ൽ വെ​ള്ളം ക​യ​റി​യി​രു​ന്നു. ഇ​തി​നൊ​പ്പം മ​ല​ങ്ക​ര ഡാ​മി​ലെ ഷ​ട്ട​റു​ക​ൾ കൂ​ടി ഉ​യ​ർ​ത്തി​യ​തോ​ടെ അ​ന​വ​ധി വീ​ടു​ക​ൾ വെ​ള്ള​ത്തി​ലാ​കു​ക​യും ചെ​യ്തി​രു​ന്നു.

മൂ​വാ​റ്റു​പു​ഴ എം.​എ​ൽ.​എ മാ​ത്യു കു​ഴ​ൽ​നാ​ട​ന്‍റെ നേ​തൃ​ത്വ​ത്തി​ൽ വ​കു​പ്പ് മേ​ധാ​വി​ക​ളു​ടെ യോ​ഗം ചേ​ർ​ന്ന് മ​ഴ​ക്കാ​ല​ത്ത് മ​ല​ങ്ക​ര ഡാ​മി​ലെ ജ​ല​നി​ര​പ്പ് താ​ഴ്ത്തി ക്ര​മീ​ക​രി​ക്ക​ണ​മെ​ന്ന് തീ​രു​മാ​നം എ​ടു​ത്തി​രു​ന്നു.എ​ന്നാ​ൽ, നി​ല​വി​ലെ സ്ഥി​തി അ​ത​ല്ല. ജ​ല​നി​ര​പ്പ് ഉ​യ​രു​ന്നി​ല്ല. മ​ഴ​യു​ടെ കു​റ​വ് തു​ട​ർ​ന്നാ​ൽ മൂ​ല​മ​റ്റം വൈ​ദ്യു​തി നി​ല​യ​ത്തി​ലെ ഉ​ൽ​പാ​ദ​നം വ​ർ​ധി​പ്പി​ക്കു​ക മാ​ത്ര​മാ​ണ് ഏ​ക പോം​വ​ഴി.

ബു​ധ​നാ​ഴ്ച മൂ​ല​മ​റ്റം നി​ല​യ​ത്തി​ലെ വൈ​ദ്യു​തി ഉ​ൽ​പാ​ദ​നം 3.22 ദ​ശ​ല​ക്ഷം യൂ​നി​റ്റ് മാ​ത്ര​മാ​ണ്. ഇ​ടു​ക്കി അ​ണ​ക്കെ​ട്ടി​ലും ക​ഴി​ഞ്ഞ വ​ർ​ഷ​ങ്ങ​ളെ അ​പേ​ക്ഷി​ച്ച്‌ ജ​ല​നി​ര​പ്പ് കു​റ​വാ​ണ്. ഇ​തും വൈ​ദ്യു​തി ഉ​ൽ​പാ​ദ​നം ക്ര​മീ​ക​രി​ക്കാ​ൻ കാ​ര​ണ​മാ​ണ്.