മലങ്കര ഡാം ഷട്ടർ അറ്റകുറ്റപ്പണി; ജലനിരപ്പ് താഴ്ത്തി പരിശോധന

മു​ട്ടം: മ​ല​ങ്ക​ര ഡാ​മി​ന്‍റെ ഷ​ട്ട​ർ അ​റ്റ​കു​റ്റ​പ്പ​ണി​ക്ക് വേ​ണ്ടി ജ​ല​നി​ര​പ്പ് താ​ഴ്ത്തി പ​രി​ശോ​ധ​ന ന​ട​ത്തി. ഡി​സം​ബ​റി​ൽ ന​ട​ത്താ​നു​​ദ്ദേ​ശി​ക്കു​ന്ന അ​റ്റ​കു​റ്റ​പ്പ​ണി​ക്ക് മു​ന്നോ​ടി​യാ​യി​രു​ന്നു പ​രി​ശോ​ധ​ന. ഒ​രാ​ഴ്ച വേ​ണ്ടി​വ​രു​ന്ന അ​റ്റ​കു​റ്റ​പ്പ​ണി​യി​ൽ എ​ന്തെ​ല്ലാം മാ​റ്റി സ്ഥാ​പി​ക്ക​ണ​മെ​ന്നും ഏ​തി​നെ​ല്ലാം തേ​യ്മാ​നം വ​ന്നി​ട്ടു​ണ്ടെ​ന്നു​മാ​ണ്​ പ​രി​ശോ​ധി​ച്ച​ത്.

മൂ​ന്ന് മ​ണി​ക്കൂ​ർ മാ​ത്ര​മാ​യി​രു​ന്നു പ​രി​ശോ​ധ​ന. എ​ങ്കി​ലും ജ​ല​നി​ര​പ്പ് 37 മീ​റ്റ​റി​ലേ​ക്ക് താ​ഴ​ത്തേ​ണ്ടി​വ​ന്നു.

ഇ​തോ​ടെ, കു​ടി​വെ​ള്ള​ത്തി​നാ​യി മ​ല​ങ്ക​ര ജ​ലാ​ശ​യ​ത്തെ ആ​ശ്ര​യി​ക്കു​ന്ന മു​ട്ടം, അ​റ​ക്കു​ളം, കു​ട​യ​ത്തൂ​ർ, വെ​ള്ളി​യാ​മ​റ്റം പ​ഞ്ചാ​യ​ത്തു​ക​ളി​ൽ പ​മ്പി​ങ് മു​ട​ങ്ങി. മൂ​ല​മ​റ്റം വൈ​ദ്യു​തി നി​ല​യ​ത്തി​ലെ ഉ​ൽ​പാ​ദ​നം പ​ര​മാ​വ​ധി കു​റ​ച്ചാ​ലേ മ​ല​ങ്ക​ര ഡാം ​അ​റ്റ​കു​റ്റ​പ്പ​ണി സാ​ധ്യ​മാ​കൂ. അ​തി​നാ​ൽ മൂ​ല​മ​റ്റം വൈ​ദ്യു​തി നി​ല​യ​ത്തി​ന്‍റേ​ത്​ ഉ​ൾ​പ്പെ​ടെ അ​നു​മ​തി ല​ഭി​ക്കേ​ണ്ട​തു​ണ്ട്. അ​പേ​ക്ഷ ന​ൽ​കി​യെ​ങ്കി​ലും ഇ​തു​വ​രെ അ​നു​മ​തി ല​ഭി​ച്ചി​ട്ടി​ല്ല. മൂ​ല​മ​റ്റം നി​ല​യ​ത്തി​ലെ വൈ​ദ്യു​തി ഉ​ൽ​പാ​ദ​നം നി​യ​ന്ത്രി​ക്കു​ന്ന​ത് ക​ള​മ​ശ്ശേ​രി ലോ​ഡ് ഡെ​സ്പാ​ച്ച്​ സെ​ന്‍റ​റി​ൽ​നി​ന്നാ​ണ്. സം​സ്ഥാ​ന​ത്തെ വൈ​ദ്യു​തി ല​ഭ്യ​ത​ക്ക​നു​സ​രി​ച്ചാ​ണ് മൂ​ല​മ​റ്റ​ത്തെ​തു​ൾ​പ്പെ​ടെ പ്ര​വ​ർ​ത്ത​നം നി​യ​ന്ത്രി​ക്കു​ന്ന​ത്. അ​തി​നാ​ൽ അ​നു​മ​തി ല​ഭി​ക്കാ​ൻ കാ​ല​താ​മ​സം നേ​രി​ട്ടേ​ക്കും. ഡി​സം​ബ​ർ പ​കു​തി​യോ​ടെ അ​റ്റ​കു​റ്റ​പ്പ​ണി​ക്ക്​ അ​നു​മ​തി ല​ഭി​ക്കു​മെ​ന്നാ​ണ് എം.​വി.​ഐ.​പി അ​ധി​കൃ​ത​രു​ടെ പ്ര​തീ​ക്ഷ.