ഇ​ടു​ക്കി​യി​ലെ​ ഫാ​ക്ട​റി​ക​ളി​ലേ​ക്ക് ത​മി​ഴ്നാ​ട്ടി​ൽ​നി​ന്ന്​ ഗു​ണ​നി​ല​വാ​രം കു​റ​ഞ്ഞ പ​ച്ച​ക്കൊ​ളു​ന്ത്

കട്ടപ്പന: തമിഴ്നാട്ടിൽനിന്ന് ഗുണനിലവാരം കുറഞ്ഞ തേയില പച്ചക്കൊളുന്ത് ഇടുക്കിയിലെ ഫാക്ടറികളിലേക്ക് ഒഴുകുന്നത് ജില്ലയിലെ തേയിലക്കുണ്ടായിരുന്ന ഡിമാൻഡ് കുറക്കാൻ ഇടയാക്കുന്നു. തേയിലയുടെ ഉൽപാദനം വൻതോതിൽ വർധിച്ച സാഹചര്യത്തിലാണ് അന്യസംസ്ഥാനങ്ങളിൽനിന്ന് ജില്ലയിലേക്ക് പച്ചക്കൊളുന്ത് ഒഴുകുന്നത്. ഇത്‌ തേയില പച്ചക്കൊളുന്ത് വിലയിടിയാൻ ഇടയാക്കും.

തമിഴ്നാട്ടിലെ ഒട്ടംചിത്രം, ഗുഡല്ലൂർ മേഖലയിൽ ഉൽപാധിപ്പിക്കുന്ന ഗുണനിലവാരം കുറഞ്ഞ പച്ചക്കൊളുന്ത് ഇടുക്കിയിലെ തേയില ഫാക്ടറികളിൽ എത്തിച്ച് ഇവിടത്തെ തേയിലയുമായി കൂട്ടിക്കലർത്തി ഉണക്കി ഇടുക്കിയിലെ തേയില എന്ന പേരിൽ കൂടിയ വിലയ്ക്ക് വിറ്റഴിക്കുകയാണ്. ഇത്‌ ഇടുക്കി തേയിലക്കുണ്ടായിരുന്ന ഡിമാൻഡ് നഷ്ടപ്പെടാൻ ഇടയാക്കുമെന്ന് ചെറുകിട തേയില കർഷകർ പറയുന്നു.

എത്തിക്കാൻ ഏജന്റുമാരും

ഇടുക്കിയിലെ ഒട്ടുമിക്ക ഫാക്ടറികളിലും ഏജന്റുമാർ തമിഴ്നാട്ടിലിൽനിന്ന് കൊണ്ടുവരുന്ന തേയില കൊളുന്ത് വിൽക്കുന്നുണ്ട്. പച്ചക്കൊളുന്തിന് കിലോക്ക് 18 രൂപവരെ ഇടുക്കിയിൽ വിലയുണ്ട്. തമിഴ്നാട്ടിൽനിന്ന് വരുന്ന ഗുണനിലവാരം കുറഞ്ഞ പച്ചക്കൊളുന്ത് കിലോക്ക് എട്ടു മുതൽ 10 രൂപക്ക് വരെ ലഭിക്കും. ഇത് നമ്മുടെ തേയിലയുമായി കൂട്ടിക്കലർത്തി വിൽക്കുന്നതോടെ കിലോക്ക് എട്ടുമുതൽ 10 രൂപ വരെ ഇടലാഭം ലഭിക്കും. ആർക്കും വേണ്ടാത്ത ഈ തേയില കൊളുന്ത്‌ പറയുന്ന വിലയ്ക്ക് ഇടുക്കിയിൽ എത്തിച്ചു കൊടുക്കാൻ ഏജന്റുമാർ ഉണ്ട്.

രണ്ടിലയും പൊൻതിരിയും

രണ്ടിലയും പൊൻതിരിയുമാണ് തേയിലയുടെ ഏറ്റവും ഗുണമേന്മ ഏറിയ ഭാഗം. സാധാരണ ഇടുക്കിയിൽ തേയിലത്തോട്ടങ്ങളിൽ കൊളുന്ത് വിളവെടുക്കുമ്പോൾ രണ്ടിലയും പൊൻതിരിയുമാണ് എടുക്കുക.

ഗുണമേന്മ ഈ പൊൻതിരിയും രണ്ടിലയും ഉണക്കി പൊടിക്കുന്നതു കൊണ്ടാണ് ഇടുക്കി തേയിലയുടെ ഡിമാൻഡ് ഉയരുന്നത്. ഇതോടൊപ്പം ഇടുക്കിയിലെ പ്രത്യേക കാലാവസ്ഥയും ഗുണമേന്മയുടെ കാരണങ്ങളിൽ പ്രധാന ഘടകമാണ്. പശ്ചിമഘട്ട മലനിരകളിൽപെട്ടെ ഇടുക്കിയിലെ തേയിലത്തോട്ടങ്ങളിൽ സമുദ്ര നിരപ്പിൽനിന്ന് 3000 മുതൽ 7000 അടി വരെ ഉയരത്തിലാണ് തേയിലത്തോട്ടങ്ങൾ. അതുകൊണ്ട് തന്നെ ഇവിടത്തെ തേയിലയുടെ ഗുണമേന്മയും ഉയർന്നതാണ്.

ന​ട​പ​ടി​ക്ക്​ നി​ർ​ദേ​ശം ന​ൽ​കി -ചെ​റു​കി​ട തേ​യി​ല ക​ർ​ഷ​ക ഫെ​ഡ​റേ​ഷ​ൻ

ത​മി​ഴ്നാ​ട്ടി​ൽ​നി​ന്ന​ട​ക്കം ഗു​ണ​നി​ല​വാ​രം കു​റ​ഞ്ഞ തേ​യി​ല കൊ​ളു​ന്ത്​ ഇ​ടു​ക്കി​യി​ലെ ഫാ​ക്ട​റി​ക​ളി​ലേ​ക്ക് വ​ൻ​തോ​തി​ൽ കൊ​ണ്ടു​വ​രു​ന്ന​താ​യി ശ്ര​ദ്ധ​യി​ൽ​പെ​ട്ടി​ട്ടു​ണ്ടെ​ന്നും ഇ​തി​നെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കാ​ൻ ആ​വി​ശ്യ​പ്പെ​ടു​മെ​ന്നും ചെ​റു​കി​ട തേ​യി​ല ക​ർ​ഷ​ക ഫെ​ഡ​റേ​ഷ​ൻ പ്ര​സി​ഡ​ന്റ് വൈ.​സി. സ്റ്റീ​ഫ​ൻ പ​റ​ഞ്ഞു. ഇ​ടു​ക്കി​യി​ലെ തേ​യി​ല​യു​ടെ ഗു​ണ​നി​ല​വാ​രം ന​ശി​പ്പി​ക്കു​ന്ന ഈ ​ന​ട​പ​ടി ഭാ​വി​യി​ൽ ഇ​ടു​ക്കി​യി​ലെ ചെ​റു​കി​ട തേ​യി​ല ക​ർ​ഷ​ക​ർ​ക്ക് തി​രി​ച്ച​ടി​യാ​കു​മെ​ന്നും അ​ദ്ദേ​ഹം പ​റ​ഞ്ഞു.