ഉറക്കം നഷ്​ടപ്പെട്ട്​ നാട്​: കല്ലാര്‍ ഡാമി​െൻറ സംഭരണശേഷി പുനഃസ്ഥാപിക്കണം

നെ​ടു​ങ്ക​ണ്ടം: ക​ല്ലാ​ര്‍ ഡാ​മി​െൻറ ഒ​രു​വ​ശ​ത്ത് വെ​ള്ള​പ്പൊ​ക്ക ഭീ​ഷ​ണി​യും മ​റു​വ​ശ​ത്ത് വെ​ള്ള​പ്പാ​ച്ചി​ല്‍ ഭീ​ഷ​ണി​യും ജ​ന​ങ്ങ​ളു​ടെ ഉ​റ​ക്കം കെ​ടു​ത്തു​ന്നു. മ​ഴ​ക്കാ​ലം എ​ത്തു​ന്ന​തോ​ടെ തൂ​ക്കു​പാ​ലം മു​ത​ല്‍ പെ​രി​ഞ്ചാം​കു​ട്ടി വ​രെ പ്ര​ദേ​ശ​ങ്ങ​ളാ​ണ് ഒ​രേ​സ​മ​യം വെ​ള്ള​പ്പൊ​ക്ക ഭീ​ഷ​ണി​യി​ലും വെ​ള്ള​പ്പാ​ച്ചി​ല്‍ ഭീ​തി​യി​ലു​മാ​കു​ന്ന​ത്.

ഇ​ടു​ക്കി ജ​ല​വൈ​ദ്യു​തി പ​ദ്ധ​തി​യു​ടെ ഡൈ​വേ​ര്‍ഷ​ന്‍ ഡാ​മാ​യ നെ​ടു​ങ്ക​ണ്ട​ത്തെ ക​ല്ലാ​ര്‍ ഡാം 2018​ലെ പ്ര​ള​യ​ത്തി​നു​​ശേ​ഷം വ​ര്‍ഷ​ത്തി​ല്‍ കു​റ​ഞ്ഞ​ത് ര​ണ്ടു​ത​വ​ണ​യെ​ങ്കി​ലും തു​റ​ന്നു​വി​ടേ​ണ്ടി​വ​രു​ന്നു. ഈ​സ​മ​യം കു​ത്തി​യൊ​ഴു​കി എ​ത്തു​ന്ന ജ​ലം ത​ക​ര്‍ത്തെ​റി​യു​ന്ന​ത് റോ​ഡു​ക​ളും പാ​ല​ങ്ങ​ളും ഹെ​ക്ട​റു​ക​ണ​ക്കി​ന് കൃ​ഷി​യി​ട​ങ്ങ​ളു​മാ​ണ്.

ക​ല്ലാ​ര്‍ ഡൈ​വേ​ര്‍ഷ​ന്‍ ഡാ​മി​ല്‍ മ​ണ​ലും ച​ളി​യും അ​ടി​ഞ്ഞു​കൂ​ടി സ്വാ​ഭാ​വി​ക സം​ഭ​ര​ണ​ശേ​ഷി ന​ഷ്​​ട​പ്പെ​ട്ടി​ട്ട് വ​ര്‍ഷ​ങ്ങ​ള്‍ ക​ഴി​ഞ്ഞു. നി​ര്‍മി​ച്ച​ശേ​ഷം ഇ​തു​വ​രെ ഡാ​മി​ലെ​യോ കാ​ച്ച്‌​മെൻറ്​ ഏ​രി​യ​യി​ലെ​യോ ത​ട​സ്സ​ങ്ങ​ള്‍ നീ​ക്കി​യി​ട്ടി​ല്ല. 2018ലെ​യും 19 ലെ​യും പ്ര​ള​യ​ത്തി​ല്‍ വ​ന്‍തോ​തി​ല്‍ എ​ക്ക​ല്‍ അ​ടി​ഞ്ഞ​തോ​ടെ​യാ​ണ് പ്ര​ശ്‌​ന​ങ്ങ​ളു​ടെ തു​ട​ക്കം. ര​ണ്ടു​ദി​വ​സം അ​ടു​പ്പി​ച്ച് മ​ഴ​പെ​യ്താ​ല്‍ ക​ല്ലാ​ര്‍ ടൗ​ണ്‍ മു​ത​ല്‍ താ​ന്നി​മൂ​ട് മു​ണ്ടി​യെ​രു​മ, തൂ​ക്കു​പാ​ലം ടൗ​ണ്‍വ​രെ പ്ര​ദേ​ശ​ങ്ങ​ളി​ലെ പു​ഴ​യു​ടെ ഇ​രു​വ​ശ​ങ്ങ​ളും വെ​ള്ള​ത്തി​ന​ടി​യി​ലാ​കും. വീ​ടു​ക​ളും കൃ​ഷി​യി​ട​ങ്ങ​ളും വെ​ള്ളം​ക​യ​റി ന​ശി​ക്കും.

ക​ഴി​ഞ്ഞ​വ​ര്‍ഷം ഏ​ക്ക​ര്‍ ക​ണ​ക്കി​ന് സ്ഥ​ല​ത്തെ കൃ​ഷി​യാ​ണ് ന​ശി​ച്ച​ത്. സം​ഭ​ര​ണ ശേ​ഷി​യി​ലെ മാ​റ്റം മേ​ഖ​ല​യി​ലെ നൂ​റൂ​ക​ണ​ക്കി​ന് കു​ടും​ബ​ങ്ങ​ളെ​യാ​ണ് ഭീ​തി​യി​ലാ​ക്കു​ന്ന​ത്. ഡാ​മി​ല്‍ അ​ടി​ഞ്ഞു​കൂ​ടി​യ മ​ണ്ണും മ​ണ​ലും എ​ക്ക​ലും നീ​ക്കി സം​ഭ​ര​ണ ശേ​ഷി പു​നഃ​സ്ഥാ​പി​ക്ക​ണ​മെ​ന്ന ആ​വ​ശ്യ​ത്തോ​ട് അ​ധി​കൃ​ത​ര്‍ പു​റം​തി​രി​ഞ്ഞു നി​ല്‍ക്കു​ക​യാ​ണെ​ന്നാ​ണ് പ്ര​ദേ​ശ​വാ​സി​ക​ള്‍ പ​റ​യു​ന്ന​ത്.