പുതുവർഷത്തെ വരവേറ്റ് ഇടുക്കി

ആ​ഘോ​ഷ​ങ്ങ​ളി​ൽ നൂ​റു​ക​ണ​ക്കി​നാ​ളു​ക​ൾ

തൊ​ടു​പു​ഴ: പു​ത്ത​ൻ പ്ര​തീ​ക്ഷ​യു​മാ​യി പു​തു​വ​ർ​ഷ​ത്തെ ആ​വേ​ശ​ത്തോ​ടെ വ​ര​വേ​റ്റ് ഇ​ടു​ക്കി. ആ​ടി​യും പാ​ടി​യും പ​ട​ക്കം പൊ​ട്ടി​ച്ചും ആ​ശം​സ​ക​ൾ നേ​ർ​ന്നും മ​ല​യോ​ര ജ​ന​ത പു​തു​വ​ർ​ഷ​ത്തെ ഹൃ​ദ​യ​ത്തോ​ട്​ ചേ​ർ​ത്ത് വ​ര​വേ​റ്റു.

2024 പി​റ​ന്ന​പ്പോ​ൾ എ​ങ്ങും ആ​ഹ്ലാ​ദാ​ര​വ​ങ്ങ​ൾ ഉ​യ​ർ​ന്നു. ക്ല​ബു​ക​ളു​ടെ​യും റെ​സി​ഡ​ന്റ്സ് അ​സോ​സി​യേ​ഷ​നു​ക​ളു​ടെ​യും മ​റ്റും നേ​തൃ​ത്വ​ത്തി​ൽ ആ​ഘോ​ഷ പ​രി​പാ​ടി​ക​ളും ന​ട​ന്നു. വി​ദേ​ശി​ക​ളും സ്വ​ദേ​ശി​ക​ളു​മാ​യ നൂ​റു​ക​ണ​ക്കി​നാ​ളു​ക​ൾ ജി​ല്ല​യി​ലെ ആ​ഘോ​ഷ​ങ്ങ​ളി​ൽ പ​ങ്കു​ചേ​ർ​ന്ന​ത്.

ഞാ​യ​റാ​ഴ്ച വൈ​കീ​ട്ടോ​ടെ വി​വി​ധ സ്ഥ​ല​ങ്ങ​ളി​ലും ഹോ​ട്ട​ലു​ക​ളി​ലും ആ​ഘോ​ഷ​പ​രി​പാ​ടി​ക​ൾ തു​ട​ങ്ങി. സം​ഗീ​ത​നി​ശ ഉ​ൾ​പ്പെ​ടെ ക​ലാ​പ​രി​പാ​ടി​ക​ളും അ​ര​ങ്ങേ​റി. വ​ൻ​കി​ട റി​സോ​ർ​ട്ടു​ക​ളി​ലും പു​തു​വ​ത്സ​രാ​ഘോ​ഷ​ങ്ങ​ൾ ന​ട​ന്നു. പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലെ​ല്ലാം തി​ര​ക്ക് അ​നു​ഭ​വ​പ്പെ​ട്ടു.

ദൂ​രെ സ്ഥ​ല​ങ്ങ​ളി​ൽ​നി​ന്നു​വ​രെ ഒ​ട്ടേ​റെ​പ്പേ​ർ പു​തു​വ​ർ​ഷം ആ​ഘോ​ഷി​ക്കാ​ൻ ഇ​ടു​ക്കി​യി​ലേ​ക്ക് എ​ത്തി​യി​രു​ന്നു. ഇ​തു​ക​ണ​ക്കി​ലെ​ടു​ത്ത് വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ പൊ​ലീ​സ് ശ​ക്ത​മാ​യ സു​ര​ക്ഷാ ക്ര​മീ​ക​ര​ണ​മാ​ണ്​ ഒ​രു​ക്കി​യ​ത്.

തി​ങ്ക​ളാ​ഴ്ച പു​ല​ർ​ച്ച​വ​രെ പ്ര​ത്യേ​ക നി​രീ​ക്ഷ​ണ​വും പ​ട്രോ​ളി​ങ്ങും തു​ട​ർ​ച്ച​യാ​യ വാ​ഹ​ന​പ​രി​ശോ​ധ​ന​യും ജി​ല്ല​യി​ൽ പൊ​ലീ​സ് ന​ട​ത്തി. മോ​ട്ടോ​ർ വാ​ഹ​ന വ​കു​പ്പും രാ​ത്രി വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കി​യി​രു​ന്നു. വ്യാ​ജ​മ​ദ്യ–​ല​ഹ​രി മ​രു​ന്ന് ക​ട​ത്തും വി​ൽ​പ​ന​യും ത​ട​യാ​ൻ എ​ക്സൈ​സും ജാ​ഗ്ര​ത പു​ല​ർ​ത്തി.

മ​നം നി​റ​ച്ച്​ വി​നോ​ദ​സ​ഞ്ചാ​ര ​കേ​ന്ദ്ര​ങ്ങ​ൾ

തൊ​ടു​പു​ഴ: ക്രി​സ്​​മ​സ്, പു​തു​വ​ർ​ഷം ആ​ഘോ​ഷ​മാ​ക്കാ​ൻ ജി​ല്ല​യി​ലെ വി​നോ​ദ സ​ഞ്ചാ​ര കേ​ന്ദ്ര​ങ്ങ​ളി​ലെ​ത്തി​യ​ത് ര​ണ്ട്​ ല​ക്ഷ​ത്തി​ന്​ മു​ക​ളി​ൽ സ​ഞ്ചാ​രി​ക​ൾ. ഡി​സം​ബ​ർ 23 മു​ത​ൽ 31 വ​രെ​യു​ള്ള ദി​വ​സ​ങ്ങ​ളി​ലെ സ​ഞ്ചാ​രി​ക​ളു​ടെ എ​ണ്ണ​മാ​ണി​ത്. കൂ​ടു​ത​ൽ പേ​ർ എ​ത്തി​യ​ത്​ ക്രി​സ്മ​സ്​ ദി​ന​ത്തി​ലാ​ണ് ​-28,233. ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തി​യ​താ​ക​ട്ടെ വാ​ഗ​മ​ൺ കാ​ണാ​നാ​ണ്.

ക്രി​സ്മ​സ്​-​പു​തു​വ​ർ​ഷ​വു​മാ​യി ബ​ന്ധ​പ്പെ​ട്ട്​ തു​ട​ർ​ച്ച​യാ​യി കി​ട്ടി​യ ര​ണ്ട് അ​വ​ധി ആ​ഘോ​ഷ​മാ​ക്കാ​ൻ സ​ഞ്ചാ​രി​ക​ൾ ഇ​ടു​ക്കി തെ​ര​ഞ്ഞെ​ടു​ത്ത​തോ​ടെ​ ജി​ല്ല​യി​ലെ ടൂ​റി​സ്റ്റ് കേ​ന്ദ്ര​ങ്ങ​ളും റി​സോ​ർ​ട്ടു​ക​ളു​മെ​ല്ലാം സ​ജീ​വ​മാ​യി. വാ​ഗ​മ​ണ്ണും മൂ​ന്നാ​റും തേ​ക്ക​ടി​യും രാ​മ​ക്ക​ൽ​മേ​ടു​മ​ട​ക്ക​മു​ള്ള കേ​ന്ദ്ര​ങ്ങ​ളി​ൽ വ​ലി​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്.

ത​മി​ഴ്‌​നാ​ട്, ക​ർ​ണാ​ട​ക, മ​ഹാ​രാ​ഷ്ട്ര എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​രും ഇ​ടു​ക്കി​യു​ടെ സൗ​ന്ദ​ര്യം ആ​സ്വ​ദി​ക്കാ​നെ​ത്തി. മൂ​ന്നാ​ർ, വാ​ഗ​മ​ൺ, തേ​ക്ക​ടി എ​ന്നി​വി​ട​ങ്ങ​ളി​ൽ വി​ര​ലി​ലെ​ണ്ണാ​വു​ന്ന ഹോ​ട്ട​ലു​ക​ളും റി​സോ​ർ​ട്ടു​ക​ളും മാ​ത്ര​മാ​ണ് ഒ​ഴി​വു​ണ്ടാ​യി​രു​ന്ന​ത്.

അ​ടി​മാ​ലി-​മൂ​ന്നാ​ർ റോ​ഡ്, കു​മ​ളി-​തേ​ക്ക​ടി റോ​ഡ്, കോ​ട്ട​യം-​വാ​ഗ​മ​ൺ റോ​ഡ് എ​ന്നി​വി​ട​ങ്ങ​ളി​ൽ ഗ​താ​ഗ​ത​ക്കു​രു​ക്കും അ​നു​ഭ​വ​പ്പെ​ട്ടു. വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലെ ഉ​ണ​ർ​വ് വ്യാ​പാ​ര​മ​ട​ക്ക​മു​ള്ള അ​നു​ബ​ന്ധ മേ​ഖ​ല​ക​ളെ​യും സ​ജീ​വ​മാ​ക്കി.

സന്തോഷം നിറച്ച് തേക്കടി

കു​മ​ളി: കോ​വി​ഡ് കാ​ല​ത്തി​നു​ശേ​ഷം വി​നോ​ദ​സ​ഞ്ചാ​ര മേ​ഖ​ല​യു​ടെ വ​ൻ തി​രി​ച്ചു​വ​ര​വി​ന് സാ​ക്ഷ്യം വ​ഹി​ച്ച് ​​തേ​ക്ക​ടി. പു​തു​വ​ർ​ഷം ആ​ഘോ​ഷി​ക്കാ​നെ​ത്തി​യ വി​നോ​ദ സ​ഞ്ചാ​രി​ക​ളെ​ക്കൊ​ണ്ട് തേ​ക്ക​ടി​യും കു​മ​ളി​യും നി​റ​ഞ്ഞു.

ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രും വ​ട​ക്കേ ഇ​ന്ത്യ​യി​ൽ​നി​ന്നു​ള്ള​വ​രു​മാ​ണ്​ തേ​ക്ക​ടി​യി​ലേ​ക്ക് എ​ത്തി​യ​ത്. ഇ​തി​നു പു​റ​മെ വി​ദേ​ശി​ക​ളും എ​ത്തി​യ​ത് ഈ ​രം​ഗ​ത്തെ നി​ക്ഷേ​പ​ക​ർ​ക്ക് ഇ​ര​ട്ടി സ​ന്തോ​ഷ​ത്തി​ന് വ​ഴി​യൊ​രു​ക്കി. തേ​ക്ക​ടി​ക്കു പു​റ​മെ കു​മ​ളി ടൗ​ണി​ലെ​യും പ​രി​സ​ര​ത്തെ​യും ഹോ​ട്ട​ലു​ക​ൾ, ഹോം ​സ്റ്റേ​ക​ൾ, റി​സോ​ർ​ട്ടു​ക​ൾ എ​ന്നി​വ​യെ​ല്ലാം സ​ഞ്ചാ​രി​ക​ളെ​ക്കൊ​ണ്ട് നി​റ​ഞ്ഞു. തി​ര​ക്ക് ഈ ​മാ​സം പ​കു​തി​വ​രെ തു​ട​രു​മെ​ന്നാ​ണ് വി​വ​രം.

പു​തു​വ​ർ​ഷ​ത്തെ വ​ര​വേ​ൽ​ക്കാ​ൻ ഹോ​ട്ട​ലു​ക​ൾ, റി​സോ​ർ​ട്ടു​ക​ൾ എ​ന്നി​വി​ട​ങ്ങ​ളി​ൽ വി​പു​ല​മാ​യ സൗ​ക​ര്യ​മാ​ണ് ഒ​രു​ക്കി​യ​ത്. നാ​ട​ൻ ക​ലാ​രൂ​പ​ങ്ങ​ൾ, ക​ഥ​ക​ളി, നൃ​ത്തം തു​ട​ങ്ങി​യ​വ​യെ​ല്ലാം സ​ഞ്ചാ​രി​ക​ൾ ആ​സ്വ​ദി​ച്ചു. ഇ​തോ​ടൊ​പ്പം ഭ​ക്ഷ​ണ​പ്രി​യ​ർ​ക്കാ​യി വി​വി​ധ​ത​രം ഭ​ക്ഷ​ണ​ങ്ങ​ൾ ഒ​രു​ക്കി ന​ൽ​കു​ന്ന​തി​ലും സ്ഥാ​പ​ന​ങ്ങ​ൾ മ​ത്സ​രി​ച്ച​താ​യി ഈ ​രം​ഗ​ത്തു​ള്ള​വ​ർ പ​റ​യു​ന്നു.

തേ​ക്ക​ടി, കു​മ​ളി മേ​ഖ​ല​യി​ലെ രാ​ത്രി​ത​ണു​പ്പും മ​ഞ്ഞും പ​ക​ലി​ലെ തെ​ളി​ഞ്ഞ കാ​ലാ​വ​സ്ഥ​യും സ​ഞ്ചാ​രി​ക​ളെ ആ​ക​ർ​ഷി​ച്ചു. തേ​ക്ക​ടി ത​ടാ​ക​ത്തി​ലൂ​ടെ​യു​ള്ള ബോ​ട്ട് സ​വാ​രി​യും ആ​സ്വ​ദി​ച്ചാ​ണ് പു​തു​വ​ർ​ഷം ആ​ഘോ​ഷി​ക്കാ​നെ​ത്തി​യ​വ​രി​ൽ പ​ല​രും മ​ട​ങ്ങി​യ​ത്.