ആ​ശു​പ​ത്രി​യി​ലേ​ക്ക്​ ന​ട​ക്ക​ണം, 12 കി​ലോ​മീ​റ്റ​ർ

ഇ​ടു​ക്കി വ​ന്യ​ജീ​വി സാ​ങ്കേ​ത​ത്തി​ലെ അ​ഞ്ചു​രു​ളി, മേ​മാ​രി ആ​ദി​വാ​സി കു​ടി​ക​ളി​ൽ ജീ​വി​തം ദു​രി​ത​പൂ​ർ​ണ​മാ​ണ്. ക​യ​റി​ക്കി​ട​ക്കാ​ൻ വീ​ടോ ചി​കി​ത്സി​ക്കാ​ൻ ആ​ശു​പ​ത്രി​യോ ഗ​താ​ഗ​ത​യോ​ഗ്യ​മാ​യ റോ​ഡോ ഇ​ല്ല. മേ​മാ​രി​യി​ൽ 15 കു​ടും​ബ​ങ്ങ​ൾ​ക്കാ​ണ്​ ഇ​പ്പോ​ഴും വീ​ടി​ല്ലാ​ത്ത​ത്. ബ്ലോ​ക്കി​ന്‍റെ​യും ആ​ദി​വാ​സി ഭ​വ​ന​പ​ദ്ധ​തി​യി​ലും നി​ർ​മി​ച്ച വീ​ടു​ക​ളാ​ക​ട്ടെ ചോ​ർ​ന്നൊ​ലി​ക്കു​ന്നു. പ​ദ്ധ​തി​ക​ൾ പ​ല​ത്​ ന​ട​പ്പാ​ക്കി​യി​ട്ടും ഇ​ടു​ക്കി വ​ന്യ​ജീ​വി സ​ങ്കേ​ത​ത്തി​ൽ ഒ​റ്റ​പ്പെ​ട്ട് സ്ഥി​തി​ചെ​യ്യു​ന്ന അ​ഞ്ചു​രു​ളി​യി​ലെ​യും മേ​മാ​രി​യി​ലെ​യും ആ​ദി​വാ​സി​ക​ളു​ടെ ദു​രി​ത​ത്തി​ന് പ​രി​ഹാ​ര​മി​ല്ല.

മ​ന്നാ​ന്‍, ഊ​രാ​ളി വി​ഭാ​ഗ​ങ്ങ​ളി​ല്‍പെ​ട്ട 40ഓ​ളം കു​ടും​ബ​ങ്ങ​ളാ​ണ്​ അ​ഞ്ചു​രു​ളി ആ​ദി​വാ​സി​ക്കു​ടി​യി​ലു​ള്ള​ത്. ഇ​തി​ല്‍ 13 കു​ടും​ബ​ങ്ങ​ള്‍ക്ക് വാ​സ​യോ​ഗ്യ​മാ​യ വീ​ട് ഉ​ണ്ടാ​യി​രു​ന്നി​ല്ല കാ​ഞ്ചി​യാ​ർ പ​ഞ്ചാ​യ​ത്തി​ന്‍റെ ലൈ​ഫ് ഭ​വ​ന​പ​ദ്ധ​തി​യി​ൽ​പെ​ടു​ത്തി ഇ​വ​ർ​ക്ക് വീ​ട് നി​ർ​മി​ച്ചെ​ങ്കി​ലും അ​ഴി​മ​തി ആ​രോ​പ​ണം ഉ​യ​ർ​ന്നു. കാ​ഞ്ചി​യാ​ര്‍ പ​ഞ്ചാ​യ​ത്തി​ല്‍ കോ​ടാ​ലി​പ്പാ​റ, പാ​മ്പാ​ടി​ക്കു​ഴി, മു​രി​ക്കാ​ട്ടു​കു​ടി, അ​ഞ്ചു​രു​ളി, കോ​വി​ല്‍മ​ല എ​ന്നീ ആ​ദി​വാ​സി കു​ടി​ക​ൾ കൂ​ടി​യു​ണ്ട്. അ​ഞ്ചു​രു​ളി വ​ന​ത്തി​ലെ ആ​ദി​വാ​സി​ക്കു​ടി​യി​ലേ​ക്ക്​ കാ​ഞ്ചി​യാ​ര്‍ ക​ക്കാ​ട്ടു​ക​ട​യി​ല്‍നി​ന്ന്​ ഏ​ഴു​കി​ലോ​മീ​റ്റ​ര്‍ ദൂ​ര​മു​ണ്ട്.

ഇ​ട​തൂ​ര്‍ന്ന വ​ന​പാ​ത​യി​ൽ ഉ​രു​ള​ന്‍ ക​ല്ലു​ക​ൾ​ക്ക്​ മു​ക​ളി​ലൂ​ടെ ഏ​റെ ക​ഷ്ട​പ്പെ​ട്ടാ​ണ് ആ​ദി​വാ​സി​ക​ൾ സ​ഞ്ച​രി​ക്കു​ന്ന​ത്. വേ​ന​ല്‍ ക​ടു​ത്ത​തോ​ടെ കു​ടി​വെ​ള്ള ക്ഷാ​മ​വും രൂ​ക്ഷ​മാ​ണ്. പ​ല വീ​ടു​ക​ളും പ്ലാ​സ്റ്റി​ക് ഷീ​റ്റു​ക​ള്‍ വ​ലി​ച്ചു​കെ​ട്ടി​യ നി​ല​യി​ലാ​ണ്. വി​റ​കു​ക​ള്‍ അ​ടു​ക്കി​യു​ണ്ടാ​ക്കി​യ ക​ട്ടി​ലി​ലാ​ണ് അ​ന്തി​യു​റ​ക്കം. കു​റു​മ്പു​ല്ലും കാ​ട്ടു​തേ​നു​മാ​ണ് പ്ര​ധാ​ന ഭ​ക്ഷ​ണം. മ​ഴ​ക്കാ​ല​ത്ത്​ കൂ​ര​ക​ള്‍ ത​ക​ര്‍ന്നു​വീ​ഴു​ന്ന​ത് പ​തി​വാ​ണ്. അ​ഞ്ചു​രു​ളി ജ​ലാ​ശ​യ​ത്തി​ലെ മീ​ൻ​പി​ടി​ത്ത​വും കൂ​ലി​പ്പ​ണി​യു​മാ​ണ്​ ഉ​പ​ജീ​വ​ന​മാ​ർ​ഗം. ഇ​വ​ര്‍ പി​ടി​ക്കു​ന്ന മ​ത്സ്യ​ങ്ങ​ളും ശേ​ഖ​രി​ക്കു​ന്ന വ​ന​വി​ഭ​വ​ങ്ങ​ളും നാ​ട്ടു​കാ​ർ ചു​ളു​വി​ല​ക്ക് ത​ട്ടി​യെ​ടു​ക്കു​ന്ന​ത്​ പ​തി​വാ​ണ്.

ഇ​വ​ര്‍ ന​ട​ത്തു​ന്ന കൃ​ഷി​യി​ല്‍നി​ന്നു​ള്ള ആ​ദാ​യം പു​റ​ത്തു​നി​ന്നെ​ത്തു​ന്ന​വ​ര്‍ കു​റ​ഞ്ഞ വി​ല​യ്​​ക്ക്​ കൈ​ക്ക​ലാ​ക്കു​ന്ന​താ​യും ആ​ക്ഷേ​പ​മു​ണ്ട്. റേ​ഷ​ന്‍ക​ട​ക​ളി​ല്‍നി​ന്ന്​ പ​ല​പ്പോ​ഴും സാ​ധ​ങ്ങ​ള്‍ ന​ല്‍കാ​തെ ഇ​വ​രെ തി​രി​ച്ച​യ​ക്കു​ന്ന​താ​യും പ​റ​യു​ന്നു. അ​ഞ്ചു​രു​ളി കു​ടി​യി​ല്‍നി​ന്ന്​ ഗ​താ​ഗ​ത​യോ​ഗ്യ​മാ​യ റോ​ഡി​ല്ലാ​ത്ത​തി​നാ​ല്‍ രോ​ഗി​ക​ളെ​യും ഗ​ര്‍ഭി​ണി​ക​ളെ​യും ചാ​ക്കി​ല്‍കി​ട​ത്തി എ​ടു​ത്തു​കൊ​ണ്ടു​പോ​വു​ക​യാ​ണ് പ​തി​വ്. 12 കി​ലോ​മീ​റ്റ​ര്‍ സ​ഞ്ച​രി​ച്ചു​വേ​ണം ഇ​വ​ര്‍ക്ക് തൊ​ട്ട​ടു​ത്ത ല​ബ്ബ​ക്ക​ട പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ​ത്താ​ന്‍.

ഇ​നി​യും വൈ​ദ്യു​തി എ​ത്താ​ത്ത നി​ര​വ​ധി വീ​ടു​ക​ൾ മേ​മാ​രി കു​ടി​യി​ലു​ണ്ട്. എം.​എം. മ​ണി മ​ന്ത്രി​യാ​യി​രു​ന്ന​പ്പോ​ഴാ​ണ് ഇ​വി​ടെ ആ​ദ്യ​മാ​യി വൈ​ദ്യു​തി എ​ത്തി​യ​ത്. 90 കു​ടും​ബ​ങ്ങ​ളാ​ണ് ഇ​വി​ടെ താ​മ​സി​ക്കു​ന്ന​ത്. ക​ണ്ണം​പ​ടി-​മേ​മാ​രി വ​ന​പാ​ത ത​ക​ർ​ന്ന​താ​ണ് മേ​മാ​രി കു​ടി​യി​ലെ ആ​ദി​വാ​സി​ക​ൾ നേ​രി​ടു​ന്ന പ്ര​ധാ​ന പ്ര​​ശ്നം.

റോ​ഡി​ൽ നി​ര​വ​ധി സ്ഥ​ല​ങ്ങ​ളി​ൽ മ​ണ്ണി​ടി​ഞ്ഞ്​ അ​ഗാ​ധ ഗ​ർ​ത്ത​ങ്ങ​ൾ രൂ​പ​പ്പെ​ട്ട​തോ​ടെ വാ​ഹ​ന ഗ​താ​ഗ​തം ദു​ഷ്‌​ക​ര​മാ​യി. മേ​മാ​രി​യി​ലെ ആ​ദി​വാ​സി​ക​ൾ ചി​കി​ത്സ​ക്ക് ആ​ശ്ര​യി​ക്കു​ന്ന​ത് കി​ഴു​കാ​നം ആ​രോ​ഗ്യ​കേ​ന്ദ്ര​ത്തെ​യാ​ണ്. പ്രാ​യ​മാ​യ​വ​ർ​ക്കും രോ​ഗി​ക​ൾ​ക്കും ഇ​വി​ടെ ന​ട​ന്നെ​ത്തു​ക പ്ര​യാ​സ​മാ​ണ്. അ​തി​നാ​ൽ മാ​സ​ത്തി​ലൊ​രി​ക്ക​ൽ ആ​രോ​ഗ്യ​വ​കു​പ്പി​ന്‍റെ മൊ​ബൈ​ൽ വി​ഭാ​ഗം മേ​മാ​രി​യി​ൽ എ​ത്തി ചി​കി​ത്സ ല​ഭ്യ​മാ​ക്ക​ണ​മെ​ന്ന് ജി​ല്ല ആ​രോ​ഗ്യ​വി​ഭാ​ഗ​ത്തോ​ട് അ​വ​ശ്യ​പ്പെ​ടു​മെ​ന്ന് കു​ടി​യി​ലെ മു​പ്പ​ൻ ഷാ​ജി പ​റ​ഞ്ഞു.

(തുടരും)