കുറിഞ്ഞിപ്പൂക്കൾ കണ്ടാസ്വദിക്കാം; തൊട്ടാൽ പണി

തൊടുപുഴ: നീലക്കുറിഞ്ഞി വസന്തം കാണാൻ മൂന്നാറിലേക്കെത്തുന്ന സഞ്ചാരികൾ പലപ്പോഴും സംരക്ഷിത സസ്യമായ നീലക്കുറിഞ്ഞിയുടെ പ്രാധാന്യത്തെക്കുറിച്ച് അത്ര ബോധവാന്മാരല്ല. കുറിഞ്ഞി പറിച്ചെടുക്കുകയോ നശിപ്പിക്കുകയോ ചെയ്യുന്നത് വന്യജീവി സംരക്ഷണ നിയമപ്രകാരം തടവും പിഴയും വരെ ലഭിക്കാവുന്ന കുറ്റമാണ്. സഞ്ചാരികൾ കർശനമായും പാലിക്കേണ്ടവയാണ് കുറിഞ്ഞിച്ചെടികൾ പറിക്കരുത് എന്നുള്ള നിർദേശമെന്ന് വനം വകുപ്പധികൃതർ ചൂണ്ടിക്കാട്ടുന്നു.

അപൂർവസസ്യമായ നീലക്കുറിഞ്ഞിയുടെ സംരക്ഷണം ലക്ഷ്യമിട്ടുകൊണ്ടാണ് ഈ വിലക്ക് ഏർപ്പെടുത്തിയിട്ടുള്ളത്. പരിസ്ഥിതി പ്രവർത്തകരുടെ അടക്കം ദീർഘകാലത്തെ ആവശ്യം അംഗീകരിച്ചുകൊണ്ടാണ് കേന്ദ്രസർക്കാർ സംരക്ഷിത സസ്യങ്ങളുടെ പട്ടികയിൽ നീലക്കുറിഞ്ഞിയെ ഉൾപ്പെടുത്തിയത്. സ്ട്രോബിലിയാന്തിസ് ജനുസിലെ സസ്യങ്ങൾക്ക് പൂവിടൽ കാലങ്ങൾ തമ്മിൽ വേറിട്ട ഇടവേളകളാണുള്ളത്. ഇതിൽ നീലക്കുറിഞ്ഞിക്കാണ് ഏറ്റവും ദൈർഘ്യമേറിയ ഇടവേള. 12 വർഷത്തിലൊരിക്കൽ മാത്രം മൂന്നാറിലെ ഷോലവനങ്ങൾക്കിടയിലെ പുൽമേടുകളിൽ ഇളം വയലറ്റ് നിറത്തിൽ കുറിഞ്ഞിച്ചെടികൾ പൂവിടുന്നു. പൂക്കാലം അവസാനിക്കുന്നതോടെ വിത്തുകൾ മണ്ണിൽ നിക്ഷേപിച്ച് കുറിഞ്ഞിച്ചെടികൾ ജീവചക്രം പൂർത്തിയാക്കും. വിത്തുകൾ മുളച്ചു വളർന്നാൽ മാത്രമേ 12 വർഷത്തിനപ്പുറം വീണ്ടുമൊരു നീലക്കുറിഞ്ഞി വസന്തം സാധ്യമാകൂ.

കുറിഞ്ഞിപ്പൂക്കൾ പറിക്കരുത് എന്ന് പറയുന്നതിന്റെ ശാസ്ത്രീയവശം ഇതാണ്. 1972ലെ വന്യജീവി സംരക്ഷണ നിയമത്തിൽ മൂന്നാം പട്ടികയിലെ ആദ്യ പേരുകാരിയാണ് നീലക്കുറിഞ്ഞി. സെക്ഷൻ 17 എ പ്രകാരം കുറിഞ്ഞിപ്പൂക്കൾ പറിക്കുകയോ നശിപ്പിക്കുകയോ ചെയ്താൽ മൂന്നുവർഷം വരെ തടവുശിക്ഷയോ 25,000 രൂപ പിഴയോ അല്ലെങ്കിൽ രണ്ടും കൂടിയോ ലഭിക്കാവുന്നതാണ്. നീലക്കുറിഞ്ഞി കാണാനെത്തുന്ന സഞ്ചാരികളെ വനം വകുപ്പ് വേണ്ടവിധത്തിൽ ബോധവത്കരിക്കുന്നില്ലെന്ന പരാതി നിലനിൽക്കുന്നുണ്ട്.

അ​ൽ​പം നീ​ല​ക്കു​റി​ഞ്ഞി​ക്കാ​ര്യം...

പ​ഴ​യ കു​റ​ഞ്ഞി​പ്പൂ​ക്കാ​ല​ത്തെ ഓ​ർ​ത്തെ​ടു​ക്കു​ക​യാ​ണ്​ മു​ൻ ജി​ല്ല പ​ഞ്ചാ​യ​ത്തം​ഗ​മാ​യ സ്വാ​മി​യാ​റ​ള കു​ടി​യി​ലെ സി. ​രാ​ജേ​ന്ദ്ര​ൻ: ര​ണ്ടാ​ൾ പൊ​ക്ക​ത്തി​ലും കൂ​ടു​ത​ൽ വ​ള​രു​ന്ന പെ​രും കു​റി​ഞ്ഞി​പ്പൂ​വാ​ണ്​ വ​ട്ട​വ​ട സ്വാ​മി​യാ​ര​ല​ക്കു​ടി​യി​ൽ പൂ​വി​ട്ടി​രു​ന്ന​ത്. പൂ ​ഉ​ണ​ങ്ങി വി​ത്ത് പൊ​ട്ടി മ​ണ്ണി​ൽ വീ​ണ​തി​ന് ശേ​ഷം കു​റി​ഞ്ഞി​ച്ചെ​ടി ഉ​ണ​ങ്ങി​പ്പോ​കും. പൂ​വു​ള്ള​പ്പോ​ൾ നീ​ല​നി​റ​മാ​ണെ​ങ്കി​ൽ ചെ​ടി ഉ​ണ​ങ്ങി​യ ശേ​ഷം മ​ല ക​റു​ത്ത നി​റ​മാ​കും. അ​ന്ന് ഞ​ങ്ങ​ളു​ടെ ആ​ളു​ക​ൾ മ​ല​മു​ക​ളി​ൽ പൂ​ജ ചെ​യ്യു​മാ​യി​രു​ന്നു. വി​ത്ത് പൊ​ട്ടി വീ​ണ്​ ബാ​ക്കി​യാ​യ ചെ​ടി ഉ​ണ​ങ്ങി​ക്ക​ഴി​ഞ്ഞാ​ൽ വി​റ​കി​നും ബീ​ൻ​സി​ന്​ വ​ള്ളി​പി​ടി​ക്കാ​നു​ള്ള താ​ങ്ങാ​യും ഇ​വ ഉ​പ​യോ​ഗി​ക്കും.

വ​ലി​യ അ​നു​ഗ്ര​ഹ​മാ​യി​രു​ന്നു കു​റി​ഞ്ഞി​പ്പൂ​ക്കാ​ലം. കു​റി​ഞ്ഞി പൂ​ക്കു​ന്ന കൊ​ല്ലം വ​ള​രെ സ​വി​ശേ​ഷ​ത​യു​ള്ള​ത് പ്ര​ദേ​ശ​ത്തെ തേ​നി​നാ​ണ്. ന​ല്ല ചു​വ​ന്ന നി​റ​ത്തി​ലാ​ണ് പ​ല തേ​നീ​ച്ച​ക്കൂ​ടു​ക​ളി​ൽ​നി​ന്നും തേ​ൻ ല​ഭി​ക്കു​ക. 2002ലോ 2006​ലോ ആ​ർ​ക്കും വേ​ണ്ടാ​യി​രു​ന്നു ഈ ​നീ​ല​ക്കു​റി​ഞ്ഞി വ​സ​ന്തം. 2014ൽ ​ചെ​റി​യ അ​ള​വി​ൽ പ്ര​ശ​സ്തി നേ​ടി. 2006ൽ ​കു​റി​ഞ്ഞി പൂ​ക്കു​മ്പോ​ൾ ഇ​ന്ന​ത്തെ ഇ​ര​വി​കു​ള​ത്തു​പോ​ലും വ​നം വ​കു​പ്പി​ന്റെ നി​യ​ന്ത്ര​ണ​ങ്ങ​ളു​ണ്ടാ​യി​രു​ന്നു.

പ്ര​ദേ​ശി​ക​മാ​യി പൂ​വു​ക​ൾ വ്യ​ത്യാ​സ​പ്പെ​ടു​ന്നു​ണ്ടെ​ങ്കി​ലും പൂ​ക്കു​ന്ന സ​മ​യം 12 വ​ർ​ഷം ത​ന്നെ​യാ​ണ്. ഇ​തി​നി​ട​യി​ൽ ചെ​റു​താ​യി പൂ​ക്കു​ന്ന​വ​യെ ക​ള്ള​പ്പൂ​വെ​ന്ന് ഞ​ങ്ങ​ളു​ടെ ഗോ​ത്ര​ത്തി​ലെ മു​തി​ർ​ന്ന ആ​ളു​ക​ൾ പ​റ​യും. പ്ര​കൃ​തി​യു​ടെ ഈ ​വ​ലി​യ വി​സ്മ​യം കാ​ണു​വാ​ൻ വ​രും ത​ല​മു​റ​ക്ക് ക​ഴി​യ​ണ​മെ​ങ്കി​ൽ ഈ ​പ്ര​ദേ​ശ​ങ്ങ​ളി​ലെ അ​ധി​നി​വേ​ശ​സ​സ്യ​ങ്ങ​ളെ ഇ​ല്ലാ​താ​ക്ക​ണം. നീ​ല​ക്കു​റി​ഞ്ഞി​യു​ടെ കൊ​ല​യാ​ളി​ക​ളാ​ണി​വ. അ​വ​യെ മു​ഴു​വ​ൻ ഉ​ന്മൂ​ല​നം ചെ​യ്തെ​ങ്കി​ലേ ഇ​വി​ടെ പ്ര​കൃ​തി​യും കു​റി​ഞ്ഞി​യും നി​ല​നി​ൽ​ക്കൂ​വെ​ന്നും രാ​ജേ​ന്ദ്ര​ൻ ചൂ​ണ്ടി​ക്കാ​ട്ടു​ന്നു.