കാട്ടിൽ ഇവർ ചങ്ങാത്തത്തിലാണ്

കു​മ​ളി: കൊ​റോ​ണ വൈ​റ​സി​നെ ഭ​യ​ന്ന് ജ​നം അ​ട​ച്ചു​പൂ​ട്ടി വീ​ട്ടി​ലി​രി​ക്കു​മ്പോ​ൾ പ്ര​കൃ​തി​യു​മാ​യി സൗ​ഹൃ​ദ​ത്തി​ൽ ജീ​വി​ക്കു​ന്ന​വ​ർ​ക്ക് കാ​ട്ടി​ൽ എ​ല്ലാം പ​ഴ​യ​തു​പോ​ലെ. പ​തി​വാ​യി രാ​വി​ലെ എ​ത്തി കൊ​മ്പു​കൊ​ണ്ട് ക്വാ​ർ​​ട്ടേ​ഴ്​​സി​െൻറ മു​ൻ​വാ​തി​ലി​ൽ ത​ട്ടി ശ​ബ്​​ദ​മു​ണ്ടാ​ക്കി ഭ​ക്ഷ​ണം ചോ​ദി​ക്കു​ന്ന മ്ലാ​വു​മു​ത​ൽ താ​മ​സ​സ്ഥ​ല​ത്തി​ന് പി​ന്നി​ലെ​ത്തി ഭ​ക്ഷ​ണം തേ​ടു​ന്ന കേ​ഴ​യും കാ​ട്ടു​കോ​ഴി​യും കു​ര​ങ്ങു​മെ​ല്ലാം ഇ​വി​ടെ മ​നു​ഷ്യ​നു​മാ​യി ച​ങ്ങാ​ത്ത​ത്തി​ലാ​ണ്. പെ​രി​യാ​ർ ക​ടു​വ​സ​ങ്കേ​ത​ത്തി​ലെ ത​മി​ഴ്​​നാ​ട്​ ജീ​വ​ന​ക്കാ​രു​ടെ താ​മ​സ​സ്ഥ​ല​ത്ത്​ എ​ല്ലാം പ​തി​വു​പോ​ലെ.

രോ​ഗ​ഭീ​തി​യെ​ത്തു​ട​ർ​ന്ന് ത​നി​ച്ചി​രി​പ്പ്​ മ​നു​ഷ്യ​ന് വി​ധി​ക്ക​പ്പെ​ട്ട​തോ​ടെ പ്ര​കൃ​തി മാ​ത്ര​മാ​യി പ​ല​ർ​ക്കും കൂ​ട്ട്. കാ​ട്ടി​ൽ സ​ന്ദ​ർ​ശ​ക​ർ​ക്ക് വി​ല​ക്ക് വ​ന്ന​തോ​ടെ സ​ഞ്ചാ​രി​ക​ൾ ന​ട​ന്ന വ​ഴി​ക​ൾ ഇ​പ്പോ​ൾ ജീ​വി​ക​ൾ​ക്ക് സ്വ​ന്തം.

പ​തി​വാ​യി ആ​ളും ബ​ഹ​ള​വും ക​ണ്ട് ശീ​ലി​ച്ച വ​ന്യ​ജീ​വി​ക​ൾ ഇ​പ്പോ​ൾ കാ​ടി​െൻറ നി​ശ്ശ​ബ്​​ദ​ത​യി​ൽ ഇ​വി​ടു​ള്ള ജീ​വ​ന​ക്കാ​രു​മാ​യി സൗ​ഹൃ​ദം സ്ഥാ​പി​ച്ച് സ്വ​ത​ന്ത്ര​മാ​യി ചു​റ്റു​ന്നു. പ​തി​വാ​യി ജീ​വ​ന​ക്കാ​രു​ടെ ക്വാ​ർ​​ട്ടേ​ഴ്​​സു​ക​ൾ​ക്ക്​ സ​മീ​പ​മെ​ത്തു​ന്ന ജീ​വി​ക​ൾ കു​ടും​ബാം​ഗ​ങ്ങ​ൾ ന​ൽ​കു​ന്ന പ​ഴ​ങ്ങ​ളും ഭ​ക്ഷ​ണ​സാ​ധ​ന​ങ്ങ​ളും ക​ഴി​ച്ച് ന​ന്ദി​പൂ​ർ​വം ത​ല​യാ​ട്ടി കാ​ട്ടി​ലേ​ക്ക്​ മ​റ​യും.

കോ​വി​ഡി​നെ​ത്തു​ട​ർ​ന്ന് മി​ക്ക​വ​രും വീ​ട്ടി​ലു​ള്ള​തി​നാ​ൽ, എ​പ്പോ​ഴെ​ത്തി​യാ​ലും എ​ന്തെ​ങ്കി​ലും ക​ഴി​ക്കാ​ൻ കി​ട്ടു​ന്ന​ത് മി​ണ്ടാ​പ്രാ​ണി​ക​ൾ​ക്കും സ​ന്തോ​ഷം. ത​നി​ച്ചി​രി​പ്പി​െൻറ വി​ര​സ​ത​യി​ൽ പ​തി​വാ​യെ​ത്തു​ന്ന ജീ​വി​ക​ൾ ജീ​വ​ന​ക്കാ​ർ​ക്കും കു​ടും​ബ​ത്തി​നും ആ​ശ്വാ​സം.