തേക്കടി വറ്റുന്നു; ബോട്ട് സവാരി പ്രതിസന്ധിയിലേക്ക്

കു​മ​ളി: ക​ടു​ത്ത വേ​ന​ൽ​ചൂ​ടി​ൽ തേ​ക്ക​ടി ത​ടാ​കം വ​റ്റു​ന്നു. കാ​ട്ടി​ലെ ജ​ല​സ്രോ​ത​സ്സു​ക​ൾ മു​ഴു​വ​ൻ വ​റ്റി​വ​ര​ണ്ട​തോ​ടെ ജീ​വി​ക​ൾ കൂ​ട്ട​ത്തോ​ടെ ത​ടാ​ക​തീ​രം തേ​ടി​യെ​ത്തി​യ​ത് സ​ഞ്ചാ​രി​ക​ളെ സ​ന്തോ​ഷി​പ്പി​ക്കു​ന്നു​ണ്ടെ​ങ്കി​ലും ജ​ല​നി​ര​പ്പ് താ​ഴ്ന്ന​ത് ബോ​ട്ട് സ​വാ​രി​യെ വ​ലി​യ പ്ര​തി​സ​ന്ധി​യി​ലാ​ക്കി.

മു​ല്ല​പ്പെ​രി​യാ​ർ അ​ണ​ക്കെ​ട്ടി​ലെ ജ​ല​നി​ര​പ്പ് 115.25 അ​ടി​യാ​യി കു​റ​ഞ്ഞ​തോ​ടെ​യാ​ണ് തേ​ക്ക​ടി ത​ടാ​ക​ത്തി​ലെ ജ​ല​നി​ര​പ്പും താ​ഴ്ന്ന​ത്. ത​മി​ഴ്നാ​ട്ടി​ലേ​ക്ക് വ​ലി​യ തോ​തി​ൽ ജ​ലം കൊ​ണ്ടു​പോ​യ​തോ​ടെ​യാ​ണ് തീ​ര​ങ്ങ​ൾ മു​ങ്ങി​ക്കി​ട​ന്നി​രു​ന്ന തേ​ക്ക​ടി ത​ടാ​കം ശോ​ഷി​ച്ച നി​ല​യി​ലാ​യ​ത്.

ത​മി​ഴ്നാ​ട് അ​ണ​ക്കെ​ട്ടി​ൽ​നി​ന്ന്​ ജ​ലം എ​ടു​ക്കു​ന്ന​ത് തു​ട​ർ​ന്നാ​ൽ തേ​ക്ക​ടി ത​ടാ​ക​ത്തി​ന്‍റെ സ്ഥി​തി കൂ​ടു​ത​ൽ ദ​യ​നീ​യ​മാ​കും. മ​ര​ക്കു​റ്റി​ക​ൾ നി​റ​ഞ്ഞ തേ​ക്ക​ടി ത​ടാ​ക​ത്തി​ലൂ​ടെ വെ​ള്ളം കു​റ​ഞ്ഞ ഘ​ട്ട​ത്തി​ൽ ബോ​ട്ട് ഓ​ടി​ക്കു​ന്ന​ത് ഏ​റെ ശ്ര​മ​ക​ര​മാ​കും.

ഇ​ത് സീ​സ​ണി​ൽ ബോ​ട്ട് സ​വാ​രി ത​ട​സ്സ​പ്പെ​ടാ​ൻ ഇ​ട​യാ​ക്കു​മെ​ന്നാ​ണ് പ​റ​യു​ന്ന​ത്. സം​സ്ഥാ​ന​ത്തി​ന്‍റെ മി​ക്ക ഭാ​ഗ​ത്തും വേ​ന​ൽ​മ​ഴ പെ​യ്തെ​ങ്കി​ലും കു​മ​ളി, തേ​ക്ക​ടി മേ​ഖ​ല​യി​ൽ മ​ഴ പെ​യ്യാ​തി​രു​ന്ന​ത്​ പ്ര​തി​സ​ന്ധി രൂ​ക്ഷ​മാ​ക്കു​ന്നു. കാ​ട്ടി​നു​ള്ളി​ൽ മി​ക്ക സ്ഥ​ല​ത്തും വെ​ള്ള​മി​ല്ലാ​താ​യ​തോ​ടെ ആ​ന​ക​ൾ, കാ​ട്ടു​പോ​ത്ത്, മ്ലാ​വ്, പ​ന്നി എ​ന്നി​വ​ക്ക്​ പു​റ​മെ ക​ടു​വ​യും ക​ര​ടി​യും പു​ലി​യു​മെ​ല്ലാം വെ​ള്ളം​തേ​ടി ത​ടാ​ക​തീ​ര​ത്ത് വ​രു​ന്ന കാ​ഴ്ച​യാ​ണ് ഇ​പ്പോ​ഴു​ള്ള​ത്. ക​ഴി​ഞ്ഞ ദി​വ​സ​ങ്ങ​ളി​ൽ ബോ​ട്ട് സ​വാ​രി​ക്കെ​ത്തി​യ മി​ക്ക സ​ഞ്ചാ​രി​ക​ൾ​ക്കും ക​ടു​വ ഉ​ൾ​പ്പെ​ടെ വ​ന്യ​ജീ​വി​ക​ളെ ത​ടാ​ക​തീ​ര​ത്ത് കാ​ണാ​ൻ സാ​ധി​ച്ചി​രു​ന്നു.

എ​ന്നാ​ൽ, ത​മി​ഴ്നാ​ട് നി​യ​ന്ത്ര​ണ​മി​ല്ലാ​തെ ജ​ലം എ​ടു​ക്കു​ന്ന​തു​മൂ​ലം ബോ​ട്ട് സ​വാ​രി ത​ട​സ്സ​പ്പെ​ടു​ന്ന സാ​ഹ​ച​ര്യം എ​ത്തി​യ​ത് വി​നോ​ദ സ​ഞ്ചാ​ര മേ​ഖ​ല​യി​ൽ വ​ലി​യ ആ​ശ​ങ്ക​യാ​ണ് സൃ​ഷ്ടി​ച്ചി​രി​ക്കു​ന്ന​ത്.