ആറ് കിലോ കഞ്ചാവുമായി ഏഴുപേർ പിടിയിൽ

കുമളി: വിൽപനക്ക് സൂക്ഷിച്ച കഞ്ചാവുമായി ഒരു കുടുംബത്തിലെ നാലുപേർ ഉൾപ്പടെ ഏഴു പേർ പൊലീസ് പിടിയിൽ. തേനി ജില്ലയിലെ ഗൂഡല്ലൂരിലാണ് സംഭവം.

ഗൂഡല്ലൂർ വടക്ക് വീഥിയിൽ മുരുകേശ്വരി ( 50 ), മകൻ രഞ്ജിത് കുമാർ (24), മകൾ രഞ്ജിത (27), മരുമകൾ ശിവരഞ്ജിനി (23), കഞ്ചാവ് കച്ചവടത്തിന്‍റെ ഇടനിലക്കാരനായ പ്രഭു (38), കഞ്ചാവ് വാങ്ങാനെത്തിയ അരുൺ പാണ്ഡ്യൻ (26) , ശബരിമണി (25) എന്നിവരെയാണ് അറസ്റ്റ് ചെയ്തത്. ഇവരുടെ പക്കൽനിന്ന് ആറു കിലോ കഞ്ചാവും ബൈക്കും 26,000 രൂപയും പിടിച്ചെടുത്തു.

മുമ്പ്, കുമളിവഴി കഞ്ചാവ് കടത്താൻ ശ്രമിക്കുന്നതിനിടെ 10 കിലോ കഞ്ചാവുമായി തമിഴ്നാട്ടിൽ പിടിയിലായ ആളാണ് മുരുകേശ്വരി.