പഞ്ചായത്ത് ആറ്​ മരം വെട്ടി; 100 എണ്ണം വെക്കണമെന്ന്​ കോടതി

കു​മ​ളി: വൈ​ദ്യു​തി ലൈ​ന് ത​ട​സ്സ​മാ​കു​ന്നെ​ന്ന പേ​രി​ൽ മ​ര​ങ്ങ​ൾ ചു​വ​ടെ വെ​ട്ടി നീ​ക്കി​യ പ​ഞ്ചാ​യ​ത്ത് അ​ധി​കൃ​ത​ർ​ക്ക് കി​ട്ടി​യ​ത് എ​ട്ടി​െൻറ പ​ണി. വെ​ട്ടി​യ ആ​റു മ​ര​ത്തി​ന് പ​ക​രം 30 ദി​വ​സ​ത്തി​ന​കം 100 മ​രം ന​ട്ടു​വ​ള​ർ​ത്തി റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ലോ​ക് അ​ദാ​ല​ത്ത് ഉ​ത്ത​ര​വി​ട്ടു.

തേ​നി ജി​ല്ല​യി​ലെ ശ്രീ​രം​ഗാ​പു​രം പ​ഞ്ചാ​യ​ത്ത് അ​ധി​കൃ​ത​ർ​ക്കാ​ണ് കോ​ട​തി വി​ധി തി​രി​ച്ച​ടി​യാ​യ​ത്. ചെ​ന്നൈ​യി​ൽ ഐ.​ടി എ​ൻ​ജി​നീ​യ​റാ​യ സ​തീ​ഷ് കു​മാ​റാ​ണ്​ (29) പ​ഞ്ചാ​യ​ത്തി​െൻറ ന​ട​പ​ടി​ക്കെ​തി​രെ ലോ​ക് അ​ദാ​ല​ത്തി​നെ സ​മീ​പി​ച്ച​ത്.

സാ​മൂ​ഹ്യ സേ​വ​ന​ത്തി​െൻറ ഭാ​ഗ​മാ​യി സ​തീ​ഷും സു​ഹൃ​ത്തു​ക്ക​ളും സ്വ​ന്തം നാ​ടാ​യ ശ്രീ​രം​ഗ​പു​ര​ത്ത് ന​ട്ടു​വ​ള​ർ​ത്തി​യ വേ​മ്പ്, വാ​ക, ഞാ​വ​ൽ​മ​ര​ങ്ങ​ളാ​ണ് ക​ഴി​ഞ്ഞ ജൂ​ലൈ​യി​ൽ മു​റി​ച്ചു​നീ​ക്കി​യ​ത്. പ​ഞ്ചാ​യ​ത്തി​െൻറ ഉ​ട​മ​സ്ഥ​ത​യി​ലു​ള്ള സ്ഥ​ല​ത്ത് വ​ള​ർ​ന്ന മ​ര​ങ്ങ​ളു​ടെ ശി​ഖ​ര​ങ്ങ​ൾ വൈ​ദ്യു​തി ലൈ​നി​ൽ മു​ട്ടു​ന്ന​താ​യും മു​റി​ച്ചു​നീ​ക്ക​ണ​മെ​ന്നു​മാ​യി​രു​ന്നു വൈ​ദ്യു​തി അ​ധി​കൃ​ത​രു​ടെ ആ​വ​ശ്യം. മ​ര​ങ്ങ​ളു​ടെ ശി​ഖ​ര​ങ്ങ​ൾ മു​റി​ച്ചു​മാ​റ്റി പ്ര​ശ്നം പ​രി​ഹ​രി​ക്കു​ന്ന​തി​നു പ​ക​രം വൈ​ദ്യു​തി ലൈ​നി​ന്​ സ​മീ​പ​മു​ള്ള ആ​റ്​ മ​ര​ങ്ങ​ളും പ​ഞ്ചാ​യ​ത്ത് അ​ധി​കൃ​ത​ർ വെ​ട്ടി​നീ​ക്കി.

ഇ​തി​നെ​തി​രെ പ​ഞ്ചാ​യ​ത്തി​ലും തേ​നി എ​സ്.​പി​ക്കും പ​രാ​തി ന​ൽ​കി​യെ​ങ്കി​ലും ഫ​ല​മി​ല്ലാ​താ​യ​തോ​ടെ​യാ​ണ് സ​തീ​ഷ് കു​മാ​ർ ലോ​ക് അ​ദാ​ല​ത്തി​നെ സ​മീ​പി​ച്ച​ത്. പ​ഞ്ചാ​യ​ത്ത്, പൊ​ലീ​സ്, വൈ​ദ്യു​തി, റ​വ​ന്യൂ ഉ​ദ്യോ​ഗ​സ്ഥ​രെ വി​ളി​ച്ചു വ​രു​ത്തി വി​ശ​ദീ​ക​ര​ണം തേ​ടി​യ കോ​ട​തി മു​റി​ച്ച മ​ര​ങ്ങ​ൾ​ക്ക്​ പ​ക​രം 100 മ​ര​ങ്ങ​ൾ ന​ട്ടു​വ​ള​ർ​ത്തി പ​രി​പാ​ലി​ക്കാ​ൻ ഉ​ത്ത​ര​വി​ട്ട​തി​നൊ​പ്പം കൃ​ത്യ​മാ​യി കാ​ര​ണ​ങ്ങ​ളി​ല്ലാ​തെ മ​രം​മു​റി​ക്ക​രു​തെ​ന്ന് ക​ർ​ശ​ന നി​ർ​ദേ​ശ​വും ന​ൽ​കി.