തേക്കടി ചുറ്റി മന്ത്രി സജി ചെറിയാൻ, ഒന്നും മിണ്ടാതെ മുഖ്യമന്ത്രി

കു​മ​ളി: വ​ണ്ടി​പ്പെ​രി​യാ​റി​ൽ ന​ട​ന്ന ന​വ​കേ​ര​ള സ​ദ​സ്സി​ൽ പ​ങ്കെ​ടു​ക്കാ​ൻ തി​ങ്ക​ളാ​ഴ്ച രാ​ത്രി തേ​ക്ക​ടി​യി​ലെ​ത്തി​യ മ​ന്ത്രി​മാ​രു​ടെ സം​ഘം ചൊ​വ്വാ​ഴ്ച ഉ​ച്ച​ക്ക്​ 12ഓ​ടെ തേ​ക്ക​ടി​യി​ൽ​നി​ന്ന്​ മ​ട​ങ്ങി. തേ​ക്ക​ടി​യി​ലെ കെ.​ടി.​ഡി.​സി ഹോ​ട്ട​ലു​ക​ളാ​യ ആ​ര​ണ്യ നി​വാ​സ്, പെ​രി​യാ​ർ ഹൗ​സ് എ​ന്നി​വി​ട​ങ്ങ​ളി​ലാ​ണ് മ​ന്ത്രി​മാ​ർ താ​മ​സി​ച്ച​ത്. രാ​വി​ലെ മ​ന്ത്രി സ​ജി ചെ​റി​യാ​ൻ സ്പീ​ഡ് ബോ​ട്ടി​ൽ അ​ല്പ​സ​മ​യം ത​ടാ​കം ചു​റ്റി​യ​തൊ​ഴി​ച്ചാ​ൽ മ​ന്ത്രി​മാ​രാ​രും തേ​ക്ക​ടി​യി​ലെ കാ​ഴ്ച​കാ​ണാ​ൻ പു​റ​ത്തി​റ​ങ്ങി​യി​ല്ല.

തേ​ക്ക​ടി ബാം​ബൂ ഗ്രോ​വി​ൽ മ​ന്ത്രി​സ​ഭ യോ​ഗം ചേ​ർ​ന്നെ​ങ്കി​ലും മു​ൻ നി​ശ്ച​യി​ച്ച അ​ജ​ണ്ട​ക​ൾ മാ​ത്ര​മാ​ണ് ച​ർ​ച്ച ചെ​യ്ത​തെ​ന്നാ​ണ് വി​വ​രം. തേ​ക്ക​ടി​യു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ,​ പ്ര​ത്യേ​ക പാ​ക്കേ​ജ്, കൂ​ടു​ത​ൽ ബോ​ട്ടി​ങ്​ സൗ​ക​ര്യം എ​ന്നി​ങ്ങ​നെ വി​നോ​ദ​സ​ഞ്ചാ​ര മേ​ഖ​ല ഉ​റ്റു​നോ​ക്കി​യ പ്ര​ശ്ന​ങ്ങ​ൾ​ക്കൊ​ന്നും മ​റു​പ​ടി പ​റ​യാ​തെ​യാ​ണ് മു​ഖ്യ​മ​ന്ത്രി​യും മ​ന്ത്രി​മാ​രും തേ​ക്ക​ടി വി​ട്ട​ത്.

തേ​ക്ക​ടി​യി​ലെ താ​മ​സ​സ്ഥ​ല​ത്തു​നി​ന്ന്​ മു​ഖ്യ​മ​ന്ത്രി ഉ​ൾ​പ്പെ​ടെ മ​ന്ത്രി​മാ​ർ പ്ര​ത്യേ​ക വാ​ഹ​ന​ങ്ങ​ളി​ലാ​ണ് മ​ന്ത്രി​സ​ഭ യോ​ഗം ചേ​ർ​ന്ന ബാം​ബൂ ഗ്രോ​വി​ൽ എ​ത്തി​യ​ത്. യോ​ഗ​ത്തി​നു​ശേ​ഷം ശ​ബ​രി​മ​ല പ്ര​ത്യേ​ക അ​വ​ലോ​ക ന​യോ​ഗ​വും ബാം​ബൂഗ്രോ​വി​ൽ ന​ട​ന്നു.

യോ​ഗ​ങ്ങ​ൾ​ക്കു​ശേ​ഷം പു​റ​ത്തു​വ​ന്ന മു​ഖ്യ​മ​ന്ത്രി മാ​ധ്യ​മ​ങ്ങ​ളോ​ട് പ്ര​തി​ക​രി​ക്കാ​തെ തി​രി​കെ താ​മ​സ​സ്ഥ​ല​ത്തേ​ക്ക് പോ​കു​ക​യാ​യി​രു​ന്നു. 12 മ​ണി​യോ​ടെ​യാ​ണ്​ സം​ഘം പ്ര​ത്യേ​ക ബ​സി​ൽ വ​ണ്ടി​പ്പെ​രി​യാ​റ്റി​ലേ​ക്ക് പു​റ​പ്പെ​ട്ട​ത്. മ​ന്ത്രി​സ​ഭ യോ​ഗ​ത്തി​ൽ തേ​ക്ക​ടി കാ​ത്തി​രു​ന്ന പ്ര​ശ്ന​ങ്ങ​ൾ​ക്ക് പ​രി​ഹാ​ര​മി​ല്ലാ​തെ മ​ന്ത്രി​മാ​ർ മ​ട​ങ്ങി​യ​ത് വി​നോ​ദ​സ​ഞ്ചാ​ര മേ​ഖ​ല​യെ വ​ലി​യ നി​രാ​ശ​യി​ലാ​ക്കി​യി​ട്ടു​ണ്ട്.