തേനിയിൽ മഴ ശക്തം: അണക്കെട്ടുകൾ തുറന്നു

കു​മ​ളി: സം​സ്ഥാ​ന അ​തി​ർ​ത്തി​യി​ലെ തേ​നി ജി​ല്ല​യി​ൽ മ​ഴ ശ​ക്ത​മാ​യ​തോ​ടെ നി​റ​ഞ്ഞു​തു​ട​ങ്ങി​യ അ​ണ​ക്കെ​ട്ടു​ക​ൾ ജ​ല​നി​ര​പ്പ് താ​ഴ്ത്താ​നാ​യി തു​റ​ന്നു. ജി​ല്ല​യി​ൽ ക​ഴി​ഞ്ഞ​ദി​വ​സം 320.4 മി​ല്ലി​മീ​റ്റ​ർ മ​ഴ​യാ​ണ് രേ​ഖ​പ്പെ​ടു​ത്തി​യ​ത്. മ​ഞ്ഞ​ളാ​ർ, വൈ​ഗ അ​ണ​ക്കെ​ട്ടു​ക​ളാ​ണ്​ തു​റ​ന്ന​ത്.

മു​ല്ല​പ്പെ​രി​യാ​റി​ൽ​നി​ന്നു​ള്ള ജ​ലം സം​ഭ​രി​ക്കു​ന്ന വൈ​ഗ അ​ണ​ക്കെ​ട്ടി​ൽ നി​ല​വി​ൽ 67.78 അ​ടി​യാ​ണ് ജ​ല​നി​ര​പ്പ്. 71 അ​ടി​യാ​ണ് സം​ഭ​ര​ണ​ശേ​ഷി.

അ​ണ​ക്കെ​ട്ടി​ൽ​നി​ന്ന്​ മ​ധു​ര​യി​ലേ​ക്ക് സെ​ക്ക​ൻ​ഡി​ൽ 969 ഘ​ന അ​ടി ജ​ല​മാ​ണ് തു​റ​ന്നു വി​ട്ട​ത്. മ​ഴ​യെ​ത്തു​ട​ർ​ന്ന് വൈ​ഗ​യി​ലേ​ക്ക് സെ​ക്ക​ൻ​ഡി​ൽ 935 ഘ​ന അ​ടി ജ​ലം ഒ​ഴു​കി​യെ​ത്തു​ന്നു​ണ്ട്. മു​ല്ല​പ്പെ​രി​യാ​റി​ൽ 131 അ​ടി ജ​ല​മാ​ണു​ള്ള​ത്. ഇ​വി​ടേ​ക്ക്​ സെ​ക്ക​ൻ​ഡി​ൽ 2534 ഘ​ന അ​ടി ജ​ലം ഒ​ഴു​കി​യെ​ത്തു​മ്പോ​ൾ 900 ഘ​ന അ​ടി ജ​ല​മാ​ണ് ത​മി​ഴ്നാ​ട്ടി​ലേ​ക്ക് തു​റ​ന്നു​വി​ട്ടി​ട്ടു​ള്ള​ത്. മ​ഴ​യെ​ത്തു​ട​ർ​ന്ന് നി​റ​ഞ്ഞ പെ​രി​യ​കു​ള​ത്തി​ന്​ സ​മീ​പ​ത്തെ മ​ഞ്ഞ​ളാ​ർ ഡാ​മി​ൽ​നി​ന്ന്​ 800 ഘ​ന അ​ടി ജ​ല​മാ​ണ് തു​റ​ന്നു​വി​ട്ട​ത്. 57 അ​ടി സം​ഭ​ര​ണ ശേ​ഷി​യു​ള്ള അ​ണ​ക്കെ​ട്ടി​ൽ 55 അ​ടി ജ​ല​മാ​ണ് ഇ​പ്പോ​ഴു​ള്ള​ത്. ജി​ല്ല​യി​ലെ ചോ​ത്തു​പാ​റ അ​ണ​ക്കെ​ട്ടി​ൽ 100.50 അ​ടി ജ​ലം ഉ​ണ്ട്. 126.28 അ​ടി​യാ​ണ് സം​ഭ​ര​ണ​ശേ​ഷി. 52.55 അ​ടി ശേ​ഷി​യു​ള്ള ഷ​ൺ​മു​ഖാ​ന​ദി അ​ണ​ക്കെ​ട്ടി​ൽ നി​ല​വി​ൽ 42.50 അ​ടി ജ​ല​മാ​ണു​ള്ള​ത്.

തേ​നി ജി​ല്ല​യി​ലെ അ​ണ​ക്കെ​ട്ടു​ക​ൾ നി​റ​ഞ്ഞ​ത് മ​ധു​ര, ദി​ണ്ടു​ഗ​ൽ, ശി​വ​ഗം​ഗ, രാ​മ​നാ​ഥ​പു​രം ജി​ല്ല​ക​ളി​ൽ കൃ​ഷി, കു​ടി​വെ​ള്ള പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കും.