അവൾക്കായി വാതിൽ തുറന്ന് തേക്കടി; നിരീക്ഷിക്കാൻ ഉപഗ്രഹവും

കു​മ​ളി: മൂ​ന്നാ​ർ നെ​യ്​​മ​ക്കാ​ടു​നി​ന്ന് കൂ​ട്ടി​ൽ അ​ട​ച്ചെ​ത്തി​ച്ച പെ​ൺ​ക​ടു​വ ഇ​നി തേ​ക്ക​ടി കാ​ടി​ന്‍റെ സ്വ​ന്തം. പെ​രി​യാ​ർ ക​ടു​വ സ​ങ്കേ​ത​ത്തി​ന്‍റെ വി​ശാ​ല​ത​യി​ലേ​ക്ക് കൂ​ട്ടി​ൽ നി​ന്നി​റ​ങ്ങി പ​തി​യെ ക​ടു​വ ന​ട​ന്നു​നീ​ങ്ങി​യ​പ്പോ​ൾ വ​ന​പാ​ല​ക​ർ​ക്കും സ​ന്തോ​ഷം.

മൂ​ന്നാ​റി​ൽ കാ​ട്ടി​യ വി​കൃ​തി​ക​ളു​മാ​യി നാ​ട്ടി​ലേ​ക്കി​റ​ങ്ങു​മോ​യെ​ന്ന ആ​ശ​ങ്ക​ക​ൾ തീ​ർ​ക്കാ​ൻ ഉ​പ​ഗ്ര​ഹ നി​രീ​ക്ഷ​ണ​ത്തി​നാ​യി സാ​റ്റ​ലൈ​റ്റ് കോ​ള​ർ ഘ​ടി​പ്പി​ച്ചാ​ണ് ക​ടു​വ​യെ തു​റ​ന്നു​വി​ട്ട​ത്. സം​സ്ഥാ​ന​ത്ത് ആ​ദ്യ​മാ​യാ​ണ് ക​ടു​വ​ക്ക്​ സാ​റ്റ​ലൈ​റ്റ് കോ​ള​ർ ഘ​ടി​പ്പി​ച്ച് നി​രീ​ക്ഷി​ക്കു​ന്ന​ത്. പൂ​ർ​ണ ആ​രോ​ഗ്യ​വ​തി​യാ​യ ഒ​മ്പ​തു​ വ​യ​സ്സു​ള്ള ക​ടു​വ​യാ​ണ് മൂ​ന്നാ​റി​ൽ വ​നം വ​കു​പ്പ്​ സ്ഥാ​പി​ച്ച കെ​ണി​യി​ൽ കു​ടു​ങ്ങി​യ​ത്. പെ​രി​യാ​ർ ക​ടു​വ സ​ങ്കേ​ത​ത്തി​ലു​ള്ള​വ​യെ​ക്കാ​ൾ വ​ലു​പ്പം കൂ​ടി​യ ഇ​ന​മാ​ണ് മൂ​ന്നാ​റി​ൽ​നി​ന്ന്​ ല​ഭി​ച്ച​തെ​ന്നാ​ണ് വ​ന​പാ​ല​ക​ർ പ​റ​യു​ന്ന​ത്. ക​ടു​വ​യു​ടെ ച​ല​ന​ങ്ങ​ൾ ഓ​രോ മ​ണി​ക്കൂ​ർ ഇ​ട​വി​ട്ട് സാ​റ്റ​ലൈ​റ്റ് വ​ഴി ഇ​തി​നാ​യി സ​ജ്ജീ​ക​രി​ച്ച തേ​ക്ക​ടി​യി​ലെ കേ​ന്ദ്ര​ത്തി​ലെ​ത്തും. നാ​ട്ടി​ലി​റ​ങ്ങി വി​കൃ​തി കാ​ട്ടാ​ൻ ​ശ്ര​മി​ച്ചാ​ൽ അ​പ്പോ​ൾ​ത​ന്നെ വീ​ണ്ടും പി​ടി​കൂ​ടാ​നും കാ​ഴ്ച​ബം​ഗ്ലാ​വി​ലേ​ക്ക് മാ​റ്റാ​നു​മാ​ണ് വ​ന​പാ​ല​ക​രു​ടെ ആ​ലോ​ച​ന.

ക​ടു​വ​ക​ളു​ടെ സാ​ന്നി​ധ്യ​മി​ല്ലെ​ന്ന് മു​മ്പ്​ കാ​മ​റ നി​രീ​ക്ഷ​ണം വ​ഴി ക​ണ്ടെ​ത്തി​യ കാ​ടി​ന്‍റെ ഭാ​ഗ​ത്താ​ണ് പെ​ൺ​ക​ടു​വ​യെ തു​റ​ന്നു​വി​ട്ട​ത്. പ​ന്നി, മ്ലാ​വ്, കേ​ഴ ഉ​ൾ​പ്പെ​ടെ ചെ​റു​ജീ​വി​ക​ൾ ധാ​രാ​ള​മു​ള്ള​തി​നാ​ൽ വേ​ട്ട​യാ​ടാ​നും സൗ​ക​ര്യ​പ്ര​ദ​മാ​യ സ്ഥ​ല​ത്താ​ണ് തു​റ​ന്നു​വി​ട്ട​ത്. ഇ​ട​തു ക​ണ്ണി​ന്‍റെ കാ​ഴ്ച​ക്ക്​ ത​ക​രാ​റു​ണ്ടെ​ങ്കി​ലും ഇ​ര​തേ​ടാ​ൻ ഇ​ത് ത​ട​സ്സ​മാ​കി​ല്ലെ​ന്നാ​ണ് അ​ധി​കൃ​ത​രു​ടെ നി​ഗ​മ​നം.