തോ​ട്ടം തൊ​ഴി​ലാ​ളി​യാ​യി, അ​ധ്യാ​പി​ക​യാ​യി; ഇ​നി സി​വി​ൽ സ​ർ​വി​സ്

​കു​മ​ളി: ''ജീ​വി​ത സാ​ഹ​ച​ര്യ​ങ്ങ​ൾ മൂ​ലം പ​ഠ​ന​ത്തി​ൽ പി​ന്നി​ലാ​യ​വ​രെ​യും മി​ടു​ക്ക​രെ​യും ഒ​രു​പോ​ലെ ചേ​ർ​ത്തു നി​ർ​ത്തു​ന്ന​താ​വ​ണം അ​ധ്യാ​പ​നം. അ​ൽ​പ​മൊ​രു ക​രു​ത​ൽ ല​ഭി​ച്ചാ​ൽ കു​തി​ച്ചു​പാ​യാ​ൻ ശേ​ഷി​യു​ള്ള​വ​രാ​ണ് സാ​മ്പ​ത്തി​ക​മാ​യി പ്ര​യാ​സ​മ​നു​ഭ​വി​ക്കു​ന്ന കു​ടും​ബ​ത്തി​ലെ പ​ല കു​ട്ടി​ക​ളും'' സ്വ​ന്തം ജീ​വി​ത​മാ​ണ്​ ശെ​ൽ​വ​മാ​രി ഇ​തി​ന്​ തെ​ളി​വാ​യി ന​മ്മ​ളെ കാ​ട്ടി​ത്ത​രു​ന്ന​ത്. ചോ​റ്റു​പാ​റ​യി​ൽ തേ​യി​ല​ത്തോ​ട്ട​ത്തി​നോ​ട് ചേ​ർ​ന്ന ഇ​രു​മു​റി വീ​ട്ടി​ലെ പ​രി​മി​ത സാ​ഹ​ച​ര്യ​ങ്ങ​ളി​ൽ​നി​ന്ന്, മി​ന്നു​ന്ന വി​ജ​യം നേ​ടി അ​ധ്യാ​പി​ക​യാ​യ ​​െശ​ൽ​വ​മാ​രി ജീ​വി​ത​പാ​ഠ​ങ്ങ​ൾ കൂ​ടി​യാ​ണ്.

വ​ണ്ടി​പ്പെ​രി​യാ​ർ വ​ഞ്ചി​വ​യ​ൽ ട്രൈ​ബ​ൽ സ്കൂ​ളി​ലെ ഹൈ​സ്കൂ​ൾ അ​ധ്യാ​പി​ക​യാ​യി ജോ​ലി​യി​ൽ പ്ര​വേ​ശി​ച്ച​പ്പോ​ഴും സി​വി​ൽ സ​ർ​വി​സ് എ​ന്ന ല​ക്ഷ്യം ൈശ​ൽ​വ​മാ​രി വി​ടാ​തെ പി​ന്തു​ട​രു​ന്നു. രാ​ത്രി​യും പ​ക​ലു​മെ​ന്നി​ല്ലാ​തെ പ​ഠ​നം. ഇ​തി​നി​ട​യി​ൽ ഒ​ഴി​വ്​ ക​ണ്ടെ​ത്തി ഏ​ല​ത്തോ​ട്ട​ത്തി​ൽ കൂ​ലി​വേ​ല. മ​ഴ​ക്കാ​ല​ത്ത് തോ​ട്ടി​ൽ​നി​ന്ന്​ വെ​ള്ളം ക​യ​റു​ന്ന വീ​ട്ടി​ൽ അ​മ്മ​ക്കും സ​ഹോ​ദ​ര​ങ്ങ​ൾ​ക്കു​മൊ​പ്പം ഉ​റ​ക്ക​മി​ള​ച്ച്​ പു​സ്ത​ക​ങ്ങ​ളും സാ​ധ​ന​ങ്ങ​ളും ന​ഷ്​​ട​പ്പെ​ടാ​തി​രി​ക്കാ​നു​ള്ള കാ​ത്തി​രി​പ്പ്. ക​ഷ്​​ട​പ്പാ​ടു​ക​ൾ നി​റ​ഞ്ഞ ജീ​വി​തം. ഇ​ള​യ സ​ഹോ​ദ​രി​ക​ളു​ടെ വി​വാ​ഹം ക​ഴി​ഞ്ഞ​പ്പോ​ഴും പ​ഠ​നം തു​ട​ർ​ന്നു. ജോ​ലി നേ​ടി​യ ശേ​ഷ​മേ വി​വാ​ഹ​മു​ള്ളൂ​വെ​ന്ന നി​ല​പാ​ടി​ൽ ഉ​റ​ച്ചു​നി​ന്നു. അ​ങ്ങ​നെ പ​ല​ർ​ക്കും പാ​ഠ​പു​സ്ത​ക​മാ​യി ​െശ​ൽ​വ​മാ​രി​യു​ടെ ജീ​വി​തം.

അ​ച്ഛ​ൻ ഉ​പേ​ക്ഷി​ച്ചു​പോ​യ കൊ​ച്ചു​വീ​ട്ടി​ൽ അ​മ്മ ​െശ​ൽ​വം തേ​യി​ല​ത്തോ​ട്ട​ത്തി​ൽ പ​ണി​ക്കു​പോ​യി ല​ഭി​ക്കു​ന്ന കൂ​ലി മാ​ത്ര​മാ​യി​രു​ന്നു വ​രു​മാ​നം. മ​ക്ക​ൾ മൂ​വ​രും പ​ഠ​ന​ത്തി​ൽ മി​ടു​ക്കി​ക​ൾ. സു​ക​ന്യ​യും സു​ധ​യും ബി​രു​ദാ​ന​ന്ത​ര ബി​രു​ദ​മെ​ടു​ത്ത്​ ബി.​എ​ഡി​നും ശേ​ഷം വി​വാ​ഹി​ത​രാ​യി ത​മി​ഴ്നാ​ട്ടി​ലാ​ണ്.

വ​ലി​യ ല​ക്ഷ്യ​ത്തി​ലേ​ക്കു​ള്ള യാ​ത്ര​ക്കി​ടെ ​െശ​ൽ​വ​മാ​രി എം.​എ​സ്​​സി​യും എം.​എ​ഡും ഒ​ന്നാം റാ​ങ്കോ​ടെ എം.​ഫി​ലും പി​ന്നാ​ലെ നെ​റ്റും കൈ​പ്പി​ടി​യി​ലൊ​തു​ക്കി. അ​ധ്യാ​പി​ക​യാ​യി ജീ​വി​തം ആ​രം​ഭി​ച്ചെ​ങ്കി​ലും ഓ​ൺ​ലൈ​ൻ വ​ഴി മാ​ത്ര​മാ​ണ് വി​ദ്യാ​ർ​ഥി​ക​ളു​മാ​യു​ള്ള ബ​ന്ധം. സ്കൂ​ളു​ക​ൾ തു​റ​ക്കു​ന്ന​തോ​ടെ അ​ധ്യാ​പി​ക​യെ​ന്ന നി​ല​യി​ൽ കൂ​ടു​ത​ൽ ന​ന്നാ​യി പ്ര​വ​ർ​ത്തി​ക്കാ​നാ​വു​മെ​ന്ന് ശെ​ൽ​വ​മാ​രി പ​റ​യു​ന്നു.

പ​ഠ​ന​ത്തി​ൽ മി​ക​ച്ച വി​ജ​യം നേ​ടി​യ ​െശ​ൽ​വ​മാ​രി​യെ കേ​ര​ള ഗ​വ​ർ​ണ​ർ രാ​ജ്ഭ​വ​നി​ൽ വി​ളി​ച്ചു​വ​രു​ത്തി അ​ഭി​ന​ന്ദി​ച്ചി​രു​ന്നു. പി​ന്നാ​ലെ നി​യ​മ​സ​ഭ സ്പീ​ക്ക​ർ, വി​ദ്യാ​ഭ്യാ​സ മ​ന്ത്രി എ​ന്നി​വ​രു​ടെ അ​ഭി​ന​ന്ദ​ന​ങ്ങ​ളും എ​ത്തി. കേ​ര​ള സ​ർ​വ​ക​ലാ​ശാ​ല​യി​ൽ പി​എ​ച്ച്.​ഡി വി​ദ്യാ​ർ​ഥി​നി കൂ​ടി​യാ​ണ്. ക​ണ​ക്കു​കൂ​ട്ട​ലു​ക​ൾ പി​ഴ​ക്കാ​ത്ത ക​ണ​ക്ക് അ​ധ്യാ​പി​ക​യാ​യി വി​ദ്യാ​ർ​ഥി​ക​ൾ​ക്ക്​ മു​ന്നി​ൽ വ​ലി​യ പാ​ഠ​മാ​ണ് പ​ക​ർ​ന്നു​ന​ൽ​കു​ന്ന​ത്.