കുമളി പഞ്ചായത്ത് പ്രസിഡന്‍റിന്‍റെ വീട്ടിൽ 'ഇരട്ട' മധുരം

കുമളി: പ്ലസ് ടു പരീക്ഷയിൽ കുമളി ഗ്രാമപഞ്ചായത്ത് പ്രസിഡന്‍റിന്‍റെ വീട്ടിൽ 'ഇരട്ട' മധുരം. പ്രസിഡന്‍റ് ശാന്തി ഷാജിമോൻ മുൻ പഞ്ചായത്തംഗം ഷാജിമോൻ ശ്രീധരൻ നായർ എന്നിവരുടെ ഇരട്ടക്കുട്ടികളാണ് പ്ലസ് ടുവിന് മുഴുവൻ വിഷയങ്ങൾക്കും എ പ്ലസ് വാങ്ങി അഭിമാനമായത്. കുമളി അട്ടപ്പള്ളം സെന്‍റ് തോമസ് ഇംഗ്ലീഷ് മീഡിയം സ്കൂളിലെ വിദ്യാർഥികളായിരുന്ന വിജയലക്ഷ്മിയും വിജയ പാർവതിയും യഥാക്രമം 97.58, 97.33 ശതമാനം മാർക്ക് നേടിയാണ് കുടുംബത്തിന് ഇരട്ടി മധുരം സമ്മാനിച്ചത്. പത്താംതരം പരീക്ഷയിലും ഇരുവരും മികച്ച വിജയം നേടിയിരുന്നു.