ഇടുക്കി ജില്ല പഞ്ചായത്തിൽ അഞ്ചുവർഷം പൂർത്തിയാക്കിയ ആദ്യ പ്രസിഡൻറായി കൊച്ചുത്രേസ്യ

ചെ​റു​തോ​ണി: ഇ​ടു​ക്കി ജി​ല്ല പ​ഞ്ചാ​യ​ത്തി​ൽ അ​ഞ്ചു​വ​ർ​ഷം പൂ​ർ​ത്തി​യാ​ക്കി​യ ഏ​ക പ്ര​സി​ഡ​െൻറ​ന്ന സ​വി​ശേ​ഷ​ത​യോ​ടെ​യാ​ണ്​ കൊ​ച്ചു​ത്രേ​സ്യ പൗ​ലോ​സ് പ​ടി​യി​റ​ങ്ങി​യ​ത്.

1995ൽ ​ജി​ല്ല പ​ഞ്ചാ​യ​ത്ത്​ നി​ല​വി​ൽ​വ​ന്ന ശേ​ഷം മു​ന്ന​ണി ധാ​ര​ണ​പ്ര​കാ​രം ഓ​രോ​രു​ത്ത​ർ മാ​റി​മാ​റി​യു​ള്ള ഭ​ര​ണ​മാ​യി​രു​ന്നു ഇ​വി​ടെ. ഇ​ക്കു​റി, ഘ​ട​ക​ക​ക്ഷി​യാ​യ കേ​ര​ള കോ​ൺ​ഗ്ര​സി​ൽ വ​നി​ത അം​ഗം ഉ​ണ്ടാ​യി​രു​ന്നെ​ങ്കി​ലും പ്ര​സി​ഡ​ൻ​റ്​ സ്ഥാ​നം നി​ര​സി​ച്ച​തോ​ടെ കൊ​ച്ചു​ത്രേ​സ്യ​യു​ടെ ക​സേ​ര​ക്ക്​ ഇ​ള​ക്കം ത​ട്ടി​യി​ല്ല.

രാ​ജ​കു​മാ​രി​ക്കാ​രി​യാ​യ ഈ ​ടീ​ച്ച​ർ 32 വ​ർ​ഷ​മാ​യി കോ​ൺ​ഗ്ര​സി​െൻറ അ​മ​ര​ക്കാ​രി​യാ​ണ്. 1981ൽ ​രാ​ജ​കു​മാ​രി​യി​ൽ ര​ശ്മി ആ​ർ​ട്സ് കോ​ള​ജ് ന​ട​ത്തു​മ്പോ​ൾ ഗ്രാ​മ​പ​ഞ്ചാ​യ​ത്തി​ലേ​ക്ക്​ മ​ത്സ​രി​ച്ച്​ പൊ​തു​രം​ഗ​ത്തേ​ക്ക്​ വ​ന്ന​ശേ​ഷം​ പി​ന്നെ തി​രി​ഞ്ഞു​നോ​ക്കേ​ണ്ടി​വ​ന്നി​ട്ടി​ല്ല.

ജി​ല്ല പ​ഞ്ചാ​യ​ത്തി​ലേ​ക്ക്​ രാ​ജാ​ക്കാ​ട് ഡി​വി​ഷ​നി​ൽ​നി​ന്ന് മൂ​ന്നു​ത​വ​ണ ജ​യി​ച്ചു. അ​ഞ്ചു​വ​ർ​ഷ​ത്തി​നി​ടെ 700കോ​ടി​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ ന​ട​പ്പാ​ക്കി. ഇ​ത്ത​വ​ണ​യും രാ​ജാ​ക്കാ​ട് ഡി​വി​ഷ​നി​ൽ​നി​ന്ന് ജ​ന​വി​ധി തേ​ടും. ജ​യി​ക്കു​ന്ന​മെ​ന്ന ഉ​റ​ച്ച വി​ശ്വാ​സ​വും ടീ​ച്ച​ർ​ക്കു​ണ്ട്.

അ​തി​രാ​വി​ലെ ആ​രം​ഭി​ക്കു​ന്ന ടീ​ച്ച​റു​ടെ യാ​ത്ര​ക​ൾ അ​വ​സാ​നി​ക്കു​ന്ന​ത്​ രാ​ത്രി​യി​ലാ​ണ്. എ​ത്ര താ​മ​സി​ച്ചാ​ലും നി​റ​ഞ്ഞ പു​ഞ്ചി​രി​യോ​ടെ ജ​ന​ങ്ങ​ൾ​ക്കി​ട​യി​ലേ​ക്കെ​ത്തി അ​വ​രി​ലൊ​രാ​ളാ​യി മാ​റു​ന്നു. രാ​ജ​കു​മാ​രി കു​രി​ശു​ങ്ക​ൽ വീ​ട്ടി​ൽ പൗ​ലോ​സി​െൻറ മ​ക​ളാ​ണ് അ​വി​വാ​ഹി​ത​യാ​യ കൊ​ച്ചു​ത്രേ​സ്യ.