കോച്ചേരിക്കടവുകാർക്ക്​ ആശ്രയം ഇല്ലിപ്പാലം തന്നെ

പൂ​മാ​ല: നാ​ളി​യാ​നി കോ​ച്ചേ​രി​ക്ക​ട​വി​ൽ വ​ട​ക്കാ​ന​റി​ന്​ കു​റു​കെ പാ​ലം പ​ണി​യാ​ൻ ട്രൈ​ബ​ൽ വ​കു​പ്പി​ൽ​നി​ന്ന്​ 52.2 ല​ക്ഷം രൂ​പ അ​നു​വ​ദി​ച്ചി​ട്ടും പ​ണി തു​ട​ങ്ങാ​നാ​യി​ല്ല. സ്ഥ​ലം സം​ബ​ന്ധി​ച്ച ആ​ശ​യക്കു​ഴ​പ്പ​മാ​ണ് തടസ്സം.

പാ​ലം പ​ണി​യു​ന്ന സ്ഥ​ലം ഗോ​ത്ര​വ​ർ​ഗ സം​ര​ക്ഷി​ത ഭൂ​മി​യി​ലാ​ണോ വ​നാ​വ​കാ​ശ നി​യ​മ​പ്ര​കാ​രം ഗോ​ത്ര​വി​ഭാ​ഗ​ങ്ങ​ൾ​ക്ക് കി​ട്ടി​യ ഭൂ​മി​യാ​ണോ എ​ന്ന് വ്യ​ക്ത​ത വ​രു​ത്താ​ൻ ആ​വ​ശ്യ​പ്പെ​ട്ട് റ​വ​ന്യൂ വ​കു​പ്പി​ന്​​ ന​ൽ​കി​യ ക​ത്തി​ന് ഇ​തു​വ​രെ മ​റു​പ​ടി ല​ഭി​ച്ചി​ല്ല. മ​റു​പ​ടി ല​ഭി​ച്ചാ​ൽ മാ​ത്ര​മേ വി​വ​ര​ങ്ങ​ൾ പ​രി​വേ​ഷ് പോ​ർ​ട്ട​ലി​ൽ അ​പ്‌​ലോ​ഡ് ചെ​യ്ത് വ​നം പ​രി​സ്ഥി​തി മ​ന്ത്രാ​ല​യ​ത്തി​ൽ​നി​ന്ന് എ​ൻ.​ഒ.​സി വാ​ങ്ങാ​ൻ ക​ഴി​യൂ.

ട്രൈ​ബ​ൽ വ​കു​പ്പ്​ 32,000 രൂ​പ എ​ൻ.​ഒ.​സി ല​ഭി​ക്കാ​ൻ പ​രി​വേ​ഷ് പോ​ർ​ട്ട​ൽ വ​ഴി അ​ടി​ച്ചി​ട്ടു​ണ്ട്. അ​ർ​ജു​ൻ പാ​ണ്ഡ്യ​ൻ ഐ.​എ.​എ​സ്‌ ജി​ല്ല വി​ക​സ​ന ക​മീ​ഷ​ണ​ർ ആ​യി​രു​ന്ന​പ്പോ​ഴാ​ണ് നാ​ളി​യാ​നി കോ​ച്ചേ​രി​ക്ക​ട​വി​ൽ വ​ട​ക്കാ​ന​റി​നു കു​റു​കെ പാ​ലം പ​ണി​യാ​ൻ 52.2 ല​ക്ഷം രൂ​പ അ​നു​വ​ദി​പ്പി​ച്ച​ത്.

വ​ട​ക്കാ​നാ​റി​ന്‍റെ ഇ​രു​ക​ര​യി​ലും താ​മ​സി​ക്കു​ന്ന കു​ടും​ബ​ങ്ങ​ളു​ടെ യാ​ത്രാ​ദു​രി​തം മാ​ധ്യ​മ​ങ്ങ​ൾ റി​പ്പോ​ർ​ട്ട്‌ ചെ​യ്ത​തി​നെ തു​ട​ർ​ന്നാ​യി​രു​ന്നു ജി​ല്ല വി​ക​സ​ന ക​മീ​ഷ​ണ​റു​ടെ ഇ​ട​പെ​ട​ൽ. മ​ഴ ക​ന​ത്താ​ൽ വ​ട​ക്കാ​നാ​ർ ക​ര​ക​വി​യും. പി​ന്നീ​ട് പു​റം​ലോ​ക​വു​മാ​യി ബ​ന്ധം​സ്ഥാ​പി​ക്കാ​ൻ കി​ലോ​മീ​റ്റ​റു​ക​ൾ ചു​റ്റി​ക്ക​റ​ങ്ങ​ണം.

പ​ല​പ്പോ​ഴും രോ​ഗി​ക​ളെ​യും മ​റ്റും ചു​മ​ലി​ൽ ത​ങ്ങി​യും പു​ഴ നീ​ന്തി​യു​മാ​ണ് ആ​ശു​പ​ത്രി​യി​ൽ എ​ത്തി​ച്ചി​രു​ന്ന​ത്. വ​നം വ​കു​പ്പ് എ​ൻ.​ഒ.​സി ന​ൽ​കാ​ൻ ത​യാ​റാ​ണ്. എ​ന്നാ​ൽ, ആ​വ​ശ്യ​മാ​യ റി​പ്പോ​ർ​ട്ട്‌ ന​ൽ​കാ​ൻ റ​വ​ന്യൂ വ​കു​പ്പും ട്രൈ​ബ​ൽ വ​കു​പ്പും ന​ട​പ​ടി സ്വീ​ക​രി​ക്കു​ന്നി​ല്ലെ​ന്നാ​ണ്​ പ​രാ​തി. ഇ​തോ​ടെ ര​ണ്ട്​ വ​ർ​ഷ​മാ​യി മു​ട​ങ്ങി​ക്കി​ട​ക്കു​ന്ന പാ​ലം പ​ണി എ​ന്നു തു​ട​ങ്ങു​മെ​ന്ന് പ​റ​യാ​ൻ ക​ഴി​യാ​ത്ത അ​വ​സ്ഥ​യാ​ണ്. മു​മ്പ് പാ​ലം പ​ണി​യാ​ൻ തു​ട​ങ്ങി​യ​പ്പോ​ൾ വ​നം വ​കു​പ്പ് ത​ട​ഞ്ഞു. എ​ൻ.​ഒ.​സി ഇ​ല്ലെ​ന്ന​താ​ണ് കാ​ര​ണം.

പി​ന്നീ​ട് നാ​ട്ടു​കാ​ർ നി​ര​ന്ത​രം കോ​ത​മം​ഗ​ലം ഡി.​എ​ഫ്.​ഒ ഓ​ഫി​സി​ൽ എ​ൻ.​ഒ.​സി​ക്കാ​യി ക​യ​റി​യി​റ​ങ്ങി. ഒ​ടു​വി​ൽ വ​നം വ​കു​പ്പ് എ​ൻ.​ഒ.​സി ന​ൽ​കാ​ൻ ന​ട​പ​ടി തു​ട​ങ്ങി. പ​ക്ഷേ, ഭൂ​മി​യു​ടെ ഉ​ട​മ​സ്ഥാ​വ​കാ​ശം സം​ബ​ന്ധി​ച്ച ആ​ശ​യ​ക്കു​ഴ​പ്പം ഒ​ഴി​വാ​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ലെ​ന്ന് നാ​ട്ടു​കാ​ർ ആ​രോ​പി​ക്കു​ന്നു.