കമ്പംമെട്ടിലെ കേരള-തമിഴ്നാട് അതിർത്തി; തർക്കം പരിഹരിക്കാതെ സർക്കാറുകൾ

നെ​ടു​ങ്ക​ണ്ടം: സം​സ്ഥാ​ന അ​തി​ര്‍ത്തി​യാ​യ ക​മ്പം​മെ​ട്ടി​ലെ ത​ര്‍ക്ക​ഭൂ​മി​യി​ല്‍ ത​മി​ഴ്‌​നാ​ട് ന​ട​ത്തു​ന്ന കൈ​യേ​റ്റ​ശ്ര​മം ത​ട​യു​ന്ന​തി​ന് അ​തി​ര്‍ത്തി അ​ള​ന്ന് തി​ട്ട​പ്പെ​ടു​ത്താ​ന്‍ സ​ര്‍ക്കാ​ര്‍ ത​യാ​റാ​ക​ണ​മെ​ന്ന ആ​വ​ശ്യം ഇ​നി​യും ന​ട​പ്പാ​യി​ല്ല. ക​ഴി​ഞ്ഞ ദി​വ​സ​വും കേ​ര​ള-​ത​മി​ഴ്‌​നാ​ട് അ​തി​ര്‍ത്തി​യി​ലെ ക​മ്പം​മെ​ട്ടി​ല്‍ ത​മി​ഴ്‌​നാ​ട് വ​നം വ​കു​പ്പ് സ​ര്‍വേ വി​ഭാ​ഗ​മെ​ത്തി വി​ശ്ര​മ​കേ​ന്ദ്ര​വും ചെ​ക്‌​പോ​സ്റ്റും നി​ര്‍മി​ക്കാ​ന്‍ ശ്ര​മം ന​ട​ത്തി​യി​രു​ന്നു.

നാ​ളു​ക​ളാ​യി കേ​ര​ള​വും ത​മി​ഴ്‌​നാ​ടും ത​മ്മി​ല്‍ ത​ർ​ക്കം നി​ല​നി​ല്‍ക്കു​ന്ന ഭൂ​മി​യി​ലാ​ണ് അ​ന​ധി​കൃ​ത നി​ര്‍മാ​ണ​ത്തി​ന് ശ്ര​മി​ച്ച​ത്. മു​മ്പ് പ​ല​ത​വ​ണ​യും ഭൂ​മി​യെ​ച്ചൊ​ല്ലി ത​ര്‍ക്ക​മു​ണ്ടാ​യ​തോ​ടെ തേ​നി, ഇ​ടു​ക്കി ക​ല​ക്ട​ര്‍മാ​ര്‍ ച​ര്‍ച്ച ന​ട​ത്തി​യാ​ണ് അ​ന്ന് പ്ര​ശ്‌​നം പ​രി​ഹ​രി​ച്ച​ത്. ഇ​വി​ടെ അ​തി​ര്‍ത്തി നി​ര്‍ണ​യി​ക്കാ​ന്‍ മാ​റി​വ​ന്ന പ​ല സ​ര്‍ക്കാ​റു​ക​ളും ത​യാ​റാ​കാ​ത്ത​ത് ഇ​രു​സം​സ്ഥാ​ന​ങ്ങ​ളെ​യൂം ഒ​പ്പം വി​വി​ധ വ​കു​പ്പ് ഉ​ദ്യോ​ഗ​സ്ഥ​രെ​യും വ​ല​ക്കു​ക​യാ​ണ്. ഗൂ​ഗ്​​ള്‍ മാ​പ്പി​ല്‍ ത​മി​ഴ്‌​നാ​ടി​ന്റെ ഉ​ട​മ​സ്ഥ​ത​യി​ലാ​ണ് ക​മ്പം​മെ​ട്ടെ​ന്നാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്.

ഇ​ത് 2017ല്‍ ‘​മാ​ധ്യ​മം’ റി​പ്പോ​ര്‍ട്ട് ചെ​യ്തി​രു​ന്നു. 2017ല്‍ ​സം​സ്ഥാ​ന എ​ക്‌​സൈ​സ് വി​ഭാ​ഗം മൊ​ഡ്യൂ​ള്‍ ക​ണ്ടെ​യി​ന​ര്‍ ചെ​ക്‌​പോ​സ്റ്റ് സ്ഥാ​പി​ച്ച​ത് ത​മി​ഴ്‌​നാ​ട് നീ​ക്കം ചെ​യ്യി​ച്ചു. എ​ന്നാ​ല്‍, പി​ന്നീ​ട് ത​ര്‍ക്ക​ഭൂ​മി​യി​ല്‍ ത​മി​ഴ്‌​നാ​ട് പൊ​ലീ​സ് എ​യ്ഡ്‌​പോ​സ്റ്റ് സ്ഥാ​പി​ച്ച​തും ഏ​റെ കോ​ലാ​ഹ​ലം സൃ​ഷ്ടി​ച്ചു. ത​ര്‍ക്കം മൂ​ലം കേ​ര​ളം ന​ട​ത്തി​യ പ​രി​ശോ​ധ​ന​യി​ല്‍ സ്വ​ന്തം അ​തി​ര്‍ത്തി നി​ര്‍ണ​യി​ക്കാ​ന്‍ വ്യ​ക്ത​ത​യി​ല്ലാ​തെ റ​വ​ന്യൂ അ​ധി​കൃ​ത​ര്‍ ഇ​രു​ട്ടി​ല്‍ ത​പ്പു​ക​യാ​യി​രു​ന്നു.

റ​വ​ന്യൂ വ​കു​പ്പി​ന്റെ കൈ​വ​ശ​മു​ള്ള സ്‌​കെ​ച്ച് പ്ര​കാ​രം കേ​ര​ള-​ത​മി​ഴ്‌​നാ​ട് അ​തി​ര്‍ത്തി വേ​ര്‍തി​രി​ക്കു​ന്ന സ​ര്‍വേ​ക്ക​ല്ല് പോ​ലും കാ​ണാ​നി​ല്ലാ​യി​രു​ന്നു. ആ​കെ ര​ണ്ട് ക​ല്ല്​ മാ​ത്ര​മാ​ണ് ക​ണ്ടെ​ത്താ​നാ​യ​ത്. ആ​കെ എ​ത്ര ക​ല്ലു​ക​ള്‍ സ്ഥാ​പി​ച്ചെ​ന്നോ എ​ത്ര​യെ​ണ്ണം ന​ഷ്ട​പ്പെ​ട്ടെ​ന്നോ റ​വ​ന്യൂ അ​ധി​കൃ​ത​ര്‍ക്ക് നി​ശ്ച​യ​മി​ല്ല.

അ​തി​ര്‍ത്തി പ്ര​ദേ​ശ​ങ്ങ​ള്‍ സം​ര​ക്ഷി​ക്കു​ന്ന​തി​ല്‍ കേ​ര​ളം ജാ​ഗ്ര​ത പു​ല​ര്‍ത്തു​ന്നി​ല്ലെ​ന്നാ​ണ് ജ​ന​ങ്ങ​ളു​ടെ ആ​രോ​പ​ണം. കു​മ​ളി മു​ത​ല്‍ ബോ​ഡി​മെ​ട്ട് വ​രെ​യു​ള്ള സം​സ്ഥാ​ന അ​തി​ര്‍ത്തി​യി​ലെ പ​ല​യി​ട​ത്തും കൈ​യേ​റ്റം ന​ട​ന്നി​ട്ടു​ണ്ട്. ഇ​തെ​ല്ലാം അ​ത​ത് സ​മ​യ​ങ്ങ​ളി​ല്‍ ബ​ന്ധ​പ്പെ​ട്ട റ​വ​ന്യൂ അ​ധി​കൃ​ത​രെ​യും പൊ​ലീ​സി​നെ​യും അ​റി​യി​ക്കു​ന്നു​ണ്ടെ​ങ്കി​ലും ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന ആ​ക്ഷേ​പ​വും നി​ല​വി​ലു​ണ്ട്.

ഇ​ടു​ക്കി തി​രു​വി​താ​കൂ​റി​ന്റെ ഭാ​ഗ​മാ​യി​രു​ന്ന 1906ല്‍ ​ന​ട​ത്തി​യ സ​ര്‍വേ പ്ര​കാ​രം അ​തി​ര്‍ത്തി ക​മ്പം​മെ​ട്ടി​ന് വ​ള​രെ താ​ഴെ​യാ​യി​ട്ടാ​ണ് നി​ശ്ച​യി​ച്ചി​രു​ന്ന​ത്. 1972ല്‍ ​റീ​സ​ര്‍വേ​യി​ല്‍ അ​തി​ര്‍ത്തി പു​ന​ര്‍നി​ര്‍ണ​യി​ച്ചെ​ങ്കി​ലും അം​ഗീ​ക​രി​ച്ച് അ​ന്തി​മ​മാ​ക്കി​യി​ട്ടി​ല്ല. പി​ഴ​വു​ക​ളി​ല്ലാ​ത്ത സ​ര്‍വേ​യാ​ണ് 1972ല്‍ ​ന​ട​ന്ന​തെ​ന്ന് ഉ​ദ്യോ​ഗ​സ്ഥ​രും അം​ഗീ​ക​രി​ക്കു​ന്നി​ല്ല. 2017ല്‍ ​ഇ​വി​ടെ കേ​ര​ള​വും ത​മി​ഴ്‌​നാ​ടും സം​യു​ക്ത സ​ര്‍വേ ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല.