​വാഹനപുക പരിശോധന ഡിജിറ്റൽ രേഖയായി; തിരുത്തലുകളും ക്രമക്കേടും ഇനി നടക്കില്ല

ക​ട്ട​പ്പ​ന: തി​രു​ത്ത​ലു​ക​ളും ക്ര​മ​ക്കേ​ടും ന​ട​ക്കി​ല്ല, വാ​ഹ​ന​ങ്ങ​ളു​ടെ പു​ക​പ​രി​ശോ​ധ​ന ഇ​നി ഡി​ജി​റ്റ​ൽ രേ​ഖ​യാ​ണ്. സം​സ്ഥാ​ന​ത്ത്​ വാ​ഹ​ന​ങ്ങ​ളു​ടെ പു​ക പ​രി​ശോ​ധ​ന​ഫ​ലം ഡി​ജി​റ്റ​ൽ രേ​ഖ​യാ​യി വെ​ബ്സൈ​റ്റി​ൽ സൂ​ക്ഷി​ക്കാ​ൻ തു​ട​ങ്ങി​യ​തോ​ടെ തി​രു​ത്ത​ലു​ക​ൾ​ക്കും ക്ര​മ​ക്കേ​ടു​ക​ൾ​ക്കും അ​റു​തി​യാ​യി.

ഇ​തി​െൻറ ഭാ​ഗ​മാ​യി സം​സ്ഥാ​ന​ത്തെ മു​ഴു​വ​ൻ പു​ക​പ​രി​ശോ​ധ​ന കേ​ന്ദ്ര​ങ്ങ​ളും മോ​ട്ടോ​ര്‍ വാ​ഹ​ന വ​കു​പ്പി​െൻറ 'എം ​പ​രി​വാ​ഹ​ന്‍' സൈ​റ്റു​മാ​യി ഓ​ണ്‍ലൈ​ന്‍ ബ​ന്ധ​ത്തി​ലാ​ക്കി. ഇ​നി മു​ത​ല്‍ പു​ക​പ​രി​ശോ​ധ​ന കേ​ന്ദ്ര​ങ്ങ​ളി​ലെ യ​ന്ത്ര​ങ്ങ​ളി​ല്‍നി​ന്നു​ള്ള ഫ​ലം നേ​രി​ട്ടെ​ത്തു​ക വെ​ബ്‌​സൈ​റ്റി​ലേ​ക്ക്​ ആ​യി​രി​ക്കും.

പു​തി​യ​രീ​തി നി​ല​വി​ൽ​വ​ന്ന​തോ​ടെ പ​രി​ശോ​ധ​ന ഫ​ല​ത്തി​ല്‍ തി​രു​ത്ത​ലു​ക​ള്‍ക്കും ക്ര​മ​ക്കേ​ടു​ക​ള്‍ക്കും അ​റു​തി​യാ​കു​ക​യും ചെ​യ്തു.2020 ന​വം​ബ​ർ ഒ​ന്ന് മു​ത​ൽ ആ​ദ്യ​ഘ​ട്ട പ​രീ​ക്ഷ​ണ​മാ​യി പു​ക​പ​രി​ശോ​ധ​ന വി​വ​ര​ങ്ങ​ൾ പ​രി​വാ​ഹ​ൻ സെ​ർ​വ​റി​ൽ ശേ​ഖ​രി​ച്ച് തു​ട​ങ്ങി​യി​രു​ന്നു. പി​ന്നീ​ട് ഈ ​മാ​സം ഒ​ന്ന് മു​ത​ലാ​ണ് ഇ​ത് നി​ർ​ബ​ന്ധ​മാ​ക്കി​യ​ത്. എം ​പ​രി​വാ​ഹ​ന്‍ വെ​ബ്സൈ​റ്റി​ന് പു​റ​മേ പ​രി​വാ​ഹ​ൻ മൊ​ബൈ​ല്‍ ആ​പ്പി​ലും രേ​ഖ​ക​ള്‍ ശേ​ഖ​രി​ക്ക​പ്പെ​ടു​ന്നു​ണ്ട്.

പ​രി​വാ​ഹ​ന്‍ സൈ​റ്റി​ല്‍ വാ​ഹ​ന ന​മ്പ​റും മ​റ്റ് വി​ശ​ദാം​ശ​ങ്ങ​ളും രേ​ഖ​പ്പെ​ടു​ത്തി ലോ​ഗി​ൻ ചെ​യ്യ​ണം. തു​ട​ര്‍ന്ന് വാ​ഹ​ന ഉ​ട​മ​യു​ടെ ഫോ​ണ്‍ ന​മ്പ​ർ ന​ല്‍കി​യാ​ല്‍ ര​ജി​സ്‌​ട്രേ​ഷ​ന്‍ വി​വ​ര​ങ്ങ​ള്‍ക്കൊ​പ്പം പു​ക​പ​രി​ശോ​ധ​ന​ഫ​ല​വും ചേ​ര്‍ക്ക​പ്പെ​ടും. പു​ക​ശ​ല്യ​മി​ല്ലെ​ങ്കി​ല്‍ മാ​ത്ര​മേ വാ​ഹ​ന്‍ സൈ​റ്റി​ല്‍ പു​ക​പ​രി​ശോ​ധ​ന സ​ര്‍ട്ടി​ഫി​ക്ക​റ്റ് ചേ​ര്‍ക്ക​പ്പെ​ടു​ക​യു​ള്ളൂ.

ഇ​ല്ലെ​ങ്കി​ൽ തി​ര​സ്‌​ക​രി​ക്കും. ഒ​രാ​ഴ്ച​ക്കി​ടെ ജി​ല്ല​യി​ലെ ചി​ല പ​രി​ശോ​ധ​ന കേ​ന്ദ്ര​ങ്ങ​ളി​ൽ ന​ട​ത്തി​യ പു​ക പ​രി​ശോ​ധ​ന​യി​ൽ ഒ​ട്ടേ​റെ വാ​ഹ​ന​ങ്ങ​ള്‍ പ​രാ​ജ​യ​പ്പെ​ട്ടി​രു​ന്നു. അ​ന്ത​രീ​ക്ഷ മ​ലി​നീ​ക​ര​ണ​തോ​ത് ഏ​റെ​യു​ള്ള ഡീ​സ​ല്‍ വാ​ഹ​ന​ങ്ങ​ളാ​ണ് പു​തി​യ സ​മ്പ്ര​ദാ​യ​ത്തി​ലെ പു​ക​പ​രി​ശോ​ധ​ന​യി​ല്‍ പ​രാ​ജ​യ​പ്പെ​ടു​ന്ന​തി​ല്‍ ഏ​റെ​യും. 2017ഏ​പ്രി​ല്‍ ഒ​ന്നി​ന് ശേ​ഷ​മു​ള്ള വാ​ഹ​ന​ങ്ങ​ളു​ടെ പു​ക സ​ര്‍ട്ടി​ഫി​ക്ക​റ്റി​െൻറ കാ​ലാ​വ​ധി ഒ​രു​വ​ര്‍ഷ​മാ​ണ്.

പു​ക സ​ര്‍ട്ടി​ഫി​ക്ക​റ്റും ഡി​ജി​റ്റ​ല്‍ ഡോ​ക്യു​മെൻറാ​യാ​യ​തോ​ടെ വാ​ഹ​ന ഉ​ട​മ​ക​ള്‍ക്ക് പ​രി​ശോ​ധ​ന​സ​മ​യ​ത്ത് എം ​പ​രി​വാ​ഹ​ന്‍ സൈ​റ്റി​ലൂ​ടെ മു​ഴു​വ​ന്‍ രേ​ഖ​ക​ളും ഉ​ദ്യോ​ഗ​സ്ഥ​രെ കാ​ണി​ക്കാ​നാ​വും. പു​തി​യ സാ​ങ്കേ​തി​ക സ​മ്പ്ര​ദാ​യ​ത്തി​ലൂ​ടെ പു​ക സ​ര്‍ട്ടി​ഫി​ക്ക​റ്റ് ഇ​ല്ലാ​ത്ത വാ​ഹ​ന​ങ്ങ​ള്‍ ഉ​ദ്യോ​ഗ​സ്ഥ​ര്‍ക്ക് ഓ​ണ്‍ലൈ​നി​ലൂ​ടെ നി​ഷ്പ്ര​യാ​സം ക​ണ്ടെ​ത്താം.