കട്ടപ്പനയിൽ അഞ്ചു ഹോട്ടലിൽനിന്ന് പഴകിയ ഭക്ഷണം പിടിച്ചെടുത്തു

ക​ട്ട​പ്പ​ന: വി​വി​ധ ഹോ​ട്ട​ലു​ക​ളി​ൽ ന​ഗ​ര​സ​ഭ ആ​രോ​ഗ്യ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ അ​ഞ്ചു ഹോ​ട്ട​ലി​ൽ നി​ന്ന് പ​ഴ​കി​യ ഭ​ക്ഷ​ണം ക​ണ്ടെ​ടു​ത്തു. ക​ട്ട​പ്പ​ന സെ​ന്‍റ്​​ ജോ​ൺ​സ് ആ​ശു​പ​ത്രി​യു​ടെ രാ​ജ​ധാ​നി, ഹി​ൽ​ഡ എ​ന്നീ ര​ണ്ട് കാ​ന്‍റീ​നു​ക​ൾ, സാ​ഗ​ര ജ​ങ്ഷ​നി​ൽ പ്ര​വ​ർ​ത്തി​ക്കു​ന്ന ഹോ​ട്ട​ൽ ഹി​മ, ഐ.​ടി.​ഐ ജ​ങ്ഷ​നി​ലെ ഹോ​ട്ട​ൽ റാ​ണി, ശി​വ​രാ​ജ എ​ന്നി​വി​ട​ങ്ങ​ളി​ൽ നി​ന്നാ​ണ് ഭ​ക്ഷ​ണം പി​ടി​കൂ​ടി​യ​ത്.

ദി​വ​സ​ങ്ങ​ൾ പ​ഴ​കി​യ പോ​ത്തി​റ​ച്ചി, മീ​ൻ​വ​റു​ത്ത​ത്, പൊ​റോ​ട്ട, മ​സാ​ല ദോ​ശ​ക്കു​ള്ള വി​ഭ​വ​ങ്ങ​ൾ, ബി​രി​യാ​ണി, മ​റ്റു ക​റി​ക​ൾ എ​ന്നി​വ​യാ​ണ് പി​ടി​ച്ചെ​ടു​ത്ത​ത്. പി​ടി​ച്ചെ​ടു​ത്ത വ​സ്തു​ക്ക​ൾ ന​ശി​പ്പി​ച്ച ആ​രോ​ഗ്യ വി​ഭാ​ഗം ഹോ​ട്ട​ലു​ട​മ​ക​ളി​ൽ​നി​ന്ന്​ 1000 രൂ​പ പി​ഴ​യീ​ടാ​ക്കി. ആ​രോ​ഗ്യ വി​ഭാ​ഗം ഉ​ദ്യോ​ഗ​സ്ഥ​രാ​യ എ​ൻ.​കെ. അ​ജി​ത്കു​മാ​ർ, ജു​വാ​ൻ ഡി.​മേ​രി, കെ.​എ​സ്. അ​നു​പ്രി​യ, ജി.​പി. സൗ​മ്യ​നാ​ഥ് എ​ന്നി​വ​രാ​ണ് പ​രി​ശോ​ധ​ന ന​ട​ത്തി​യ​ത്.

എ​ന്നാ​ൽ, ഹോ​ട്ട​ലു​ക​ളി​ൽ​നി​ന്ന് പ​ഴ​കി​യ ഭ​ക്ഷ​ണം പി​ടി​ച്ച സം​ഭ​വ​ത്തി​ൽ നി​സ്സാ​ര ഫൈ​ൻ മാ​ത്രം ഈ​ടാ​ക്കി ന​ട​പ​ടി നാ​മ​മാ​ത്ര​മാ​ക്കി​യ​താ​യി ആ​ക്ഷേ​പം ഉ​യ​ർ​ന്നി​ട്ടു​ണ്ട്. ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ ന​ട​ത്തു​ന്ന പ​രി​ശോ​ധ​ന കാ​ര്യ​ക്ഷ​മ​മ​ല്ലെ​ന്നും പേ​രി​നു മാ​ത്രം ന​ട​പ​ടി എ​ടു​ക്കു​ന്നു​വെ​ന്നു​മാ​ണ് ആ​രോ​പ​ണം. വൃ​ത്തി​ഹീ​ന​മാ​യി പ്ര​വ​ർ​ത്തി​ക്കു​ന്ന ഹോ​ട്ട​ലു​ക​ളു​ടെ കാ​ര്യ​ത്തി​ൽ ന​ട​പ​ടി സ്വീ​ക​രി​ക്കു​ന്നു​മി​ല്ലെ​ന്ന്​ ഉ​പ​ഭോ​ക്താ​ക്ക​ൾ പ​റ​യു​ന്നു.