Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightKattappanachevron_rightഇടുക്കി ജലാശയത്തിലെ...

ഇടുക്കി ജലാശയത്തിലെ പ്ലാസ്​റ്റിക് മാലിന്യം നീക്കാൻ നടപടി

text_fields
bookmark_border
ഇടുക്കി ജലാശയത്തിലെ പ്ലാസ്​റ്റിക് മാലിന്യം നീക്കാൻ നടപടി
cancel
camera_alt

അഞ്ചുരുളി ജലാശയത്തിൽ അടിഞ്ഞ പ്ലാസ്​റ്റിക് മാലിന്യം ഫ്രണ്ട്സ് ഓഫ് കട്ടപ്പന കൂട്ടായ്‌മയിലെ അംഗങ്ങൾ നീക്കുന്നു

കട്ടപ്പന: ഇടുക്കി ജലാശയത്തിലെ പ്ലാസ്​റ്റിക് മാലിന്യം നീക്കാൻ നടപടി തുടങ്ങി.

ഫ്രണ്ട്സ് ഓഫ് കട്ടപ്പന എന്ന സാമൂഹിക കൂട്ടായ്മയുടെ നേതൃത്വത്തിലാണ് ജലാശയത്തിൽ അഞ്ചുരുളി ടണൽ മുഖത്ത് അടിഞ്ഞ പ്ലാസ്​റ്റിക് അടക്കമുള്ള മാലിന്യം നീക്കുന്നത്​.

കഴിഞ്ഞദിവസം ഈ കൂട്ടായ്​മ പ്രളയത്തിൽ തകർന്ന മ്ലാമല ശാന്തിപാലം താൽക്കാലികമായി പുനർനിർമിച്ചിരുന്നു. നാല് ഘട്ടമായാണ് മാലിന്യം നീക്കുന്നത്.

ഇടുക്കി ജലാശയത്തി​െൻറ ഭാഗമായ അഞ്ചുരുളിയിൽ വൻതോതിൽ പ്ലാസ്​റ്റിക് മാലിന്യം അടിഞ്ഞുകൂടുന്നത്​ കഴിഞ്ഞ ദിവസം 'മാധ്യമം'റിപ്പോർട്ട്‌ ചെയ്തിരുന്നു. ഇതേതുടർന്നാണ് കൂട്ടായ്മയിലെ അംഗങ്ങൾ രംഗത്തിറങ്ങിയത്.

മാലിന്യം അടിഞ്ഞത് അഞ്ചുരുളിയിൽ മത്സ്യംപിടിച്ച്​ ഉപജീവനം നടത്തുന്ന ആദിവാസികൾക്കും അഞ്ചുരുളി വിനോദ സഞ്ചാരകേന്ദ്രത്തിനും വൻ ഭീഷണിയാണ്​.

കാലവർഷത്തിൽ ഒഴുകിയെത്തിയതാണ് പ്ലാസ്​റ്റിക് അടക്കമുള്ള മാലിന്യങ്ങൾ. ജില്ലയിലെ പ്രധാന ഇക്കോ ടൂറിസം കേന്ദ്രംകൂടിയായ അഞ്ചുരുളിയുടെ മനോഹാരിതയും ഇല്ലാതാക്കും. ഏറെയും പ്ലാസ്​റ്റിക് കുപ്പികളാണ്​.

കട്ടപ്പന ടൗണി​െൻറ പരിസര പ്രദേശങ്ങളിൽനിന്ന് കട്ടപ്പനയാറിലേക്ക് വലിച്ചെറിഞ്ഞ മാലിന്യവുമുണ്ട്​.

കാഞ്ചിയാർ ഗ്രാമപഞ്ചായത്ത്‌ മാലിന്യം നീക്കുമെന്ന്​ അറിയി​െച്ചങ്കിലും നടപടിയുണ്ടായില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:plastic wastemadhyamam impactIdukki reservoir
Next Story