Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightKattappanachevron_rightനിർമിച്ച് നൽകിയത് ആറ്...

നിർമിച്ച് നൽകിയത് ആറ് വീടുകൾ; കുട്ടികൾക്കെന്നും കരുതലാണ്​ ലിൻസി ടീച്ചർ

text_fields
bookmark_border
lincy teacher kattappana
cancel
camera_alt

ലിൻസി

Listen to this Article

ക​ട്ട​പ്പ​ന (ഇടുക്കി): പെ​ൺ​ക​രു​ത്തി​ന്‍റെ​യും ക​രു​ത​ലി​ന്‍റെ​യും പ്ര​തീ​ക​മാ​ണ് ലി​ൻ​സി എ​ന്ന സ്കൂ​ൾ അ​ധ്യാ​പി​ക. ല​ബ്ബ​ക്ക​ട കൊ​ച്ചു​പ​റ​മ്പി​ൽ സെ​ബാ​സ്റ്റ്യ​ന്‍റെ ഭാ​ര്യ​യും മു​രി​ക്കാ​ട്ടു​കു​ടി ഗ​വ. ട്രൈ​ബ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ അ​ധ്യാ​പി​ക​യു​മാ​യ ലി​ൻ​സി നി​ർ​ധ​ന​രാ​യ പ​ല കു​ട്ടി​ക​ളു​ടെ​യും ജീ​വി​ത​ത്തി​ൽ കൈ​ത്താ​ങ്ങും വെ​ളി​ച്ച​വു​മാ​ണ്.

നി​ർ​ധ​ന​രാ​യ ആ​റ്​ വി​ദ്യാ​ർ​ഥി​ക​ൾ​ക്ക് സു​മ​ന​സ്സു​ക​ളു​ടെ സ​ഹാ​യ​ത്തോ​ടെ ഇ​തി​ന​കം വീ​ട്​ നി​ർ​മി​ച്ചു​ന​ൽ​കി. ലോ​ക്​​ഡൗ​ൺ കാ​ല​ത്ത്​ 145 വി​ദ്യാ​ർ​ഥി​ക​ളു​ടെ വീ​ടു​ക​ളി​ൽ പ​ല​ച​ര​ക്ക് സാ​ധ​ന​ങ്ങ​ൾ എ​ത്തി​ച്ചും ഈ ​അ​ധ്യാ​പി​ക ക​രു​ത​ലി​ന്‍റെ വേ​റി​ട്ട മാ​തൃ​ക​യാ​യി.

താ​ൻ പ​ഠി​പ്പി​ക്കു​ന്നവരിൽ ഭൂ​രി​ഭാ​ഗ​വും പ​ട്ടി​ണി​യി​ലും ദ​രി​ദ്ര്യ​ത്തി​ലു​മാ​ണെ​ന്ന തി​രി​ച്ച​റി​വാ​ണ് ടീ​ച്ച​റു​ടെ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക്​ പ്ര​ചോ​ദ​നം. വ​ർ​ങ്ങ​ൾ​ക്ക്​ മു​മ്പ് സ്കൂ​ളി​ലെ ഉ​ച്ച​ഭ​ക്ഷ​ണ​ത്തി​ന്‍റെ ചു​മ​ത​ല വ​ഹി​ച്ചി​രു​ന്ന അ​വ​സ​ര​ത്തി​ൽ സ്കൂ​ളി​ലെ പാ​വ​പ്പെ​ട്ട വി​ദ്യാ​ർ​ഥി​ക​ളെ ക​ണ്ടെ​ത്താ​ൻ ടീ​ച്ച​ർ​ക്ക് ക​ഴി​ഞ്ഞി​രു​ന്നു.

പ​ഠി​പ്പി​ക്കു​ന്ന എ​ല്ലാ കു​ട്ടി​ക​ളു​ടെ​യും വീ​ടു​ക​ൾ സ​ന്ദ​ർ​ശി​ക്കു​ക​യും ആ​വ​ശ്യ​മാ​യ സ​ഹാ​യ​ങ്ങ​ൾ ന​ൽ​കു​ക​യും ചെ​യ്യാ​റു​ണ്ട്. സം​സാ​ര വൈ​ക​ല്യ​മു​ള്ള വി​ദ്യാ​ർ​ഥി​നി​യു​ടെ ചി​കി​ത്സ​ക്ക്​ അ​ര​ല​ക്ഷ​ത്തി​ല​ധി​കം രൂ​പ സ​മാ​ഹ​രി​ച്ചു​ന​ൽ​കി. സ്കൂ​ളി​ൽ പ​ച്ച​ക്ക​റി​കൃ​ഷി ചെ​യ്തി​രു​ന്ന നാ​ളു​ക​ളി​ൽ ജൈ​വ​പ​ച്ച​ക്ക​റി കൃ​ഷി വി​ള​യി​ച്ച് പു​ര​സ്കാ​ര​വും നേ​ടി.

നാ​ട​ൻ ക​റി​പ്പൊ​ടി​ക​ൾ നി​ർ​മി​ച്ച് സ്കൂ​ളി​ൽ ഉ​ച്ച​ഭ​ക്ഷ​ണ​ത്തി​നു​ള്ള ക​റി​ക​ളി​ൽ ഉ​പ​യോ​ഗി​ച്ച് വി​ദ്യാ​ർ​ഥി​ക​ളു​ടെ ആ​രോ​ഗ്യം സം​ര​ക്ഷ​ണ​ത്തി​നും ലി​ൻ​സി മു​ൻ​കൈ​യെ​ടു​ക്കു​ന്നു. ലോ​ക്​​ഡൗ​ൺ കാ​ല​ത്ത്​ ഓ​ൺ​ലൈ​ൻ പ​ഠ​ന​ത്തി​ന്​ 54 കു​ട്ടി​ക​ൾ​ക്ക്​ ടെ​ലി​വി​ഷ​നും സ്മാ​ർ​ട്ഫോ​ണും ല​ഭ്യ​മാ​ക്കി.

യാ​ത്ര​സൗ​ക​ര്യ​മോ കേ​ബി​ൾ ക​ണ​ക്​​ഷ​നോ ഇ​ല്ലാ​ത്ത ക​ണ്ണം​പ​ടി-​മേ​മാ​രി പ്ര​ദേ​ശ​ത്തെ ഗോ​ത്ര വി​ദ്യാ​ർ​ഥി​ക​ളു​ടെ വീ​ടു​ക​ളി​ൽ ടി.​വി​ക്കൊ​പ്പം ഡി.​ടി.​എ​ച്ച്​ ക​ണ​ക്​​ഷ​നും എ​ത്തി​ച്ചു​ന​ൽ​കി. ക​ഴി​ഞ്ഞ വ​ർ​ഷം പ്രൈ​മ​റി സ്കൂ​ളി​ലെ മു​ഴു​വ​ൻ കു​ട്ടി​ക​ൾ​ക്കും വാ​ഴ​വി​ത്തു​ക​ൾ ന​ൽ​കി സ്കൂ​ളി​ൽ മാ​തൃ​ക വാ​ഴ​ത്തോ​ട്ടം നി​ർ​മി​ച്ചു. ഈ​വ​ർ​ഷം സ്കൂ​ളി​ൽ ചേ​ർ​ന്ന മു​ഴു​വ​ൻ കു​ട്ടി​ക​ൾ​ക്കും പ്ലാ​വി​ൻ​തൈ​ക​ളും ര​ണ്ട് എ​ൽ.​ഇ.​ഡി ബ​ൾ​ബു​ക​ളും ഓ​ണ​സ​മ്മാ​ന​മാ​യി പ്രൈ​മ​റി കു​ട്ടി​ക​ൾ​ക്ക്​ ഓ​ണ​ക്കോ​ടി​യും ന​ൽ​കി ലി​ൻ​സി ശ്ര​ദ്ധ​നേ​ടി​യി​രു​ന്നു.

ക​ഴി​ഞ്ഞ വി​ഷു​ദി​ന​ത്തി​ൽ ത​പാ​ൽ വ​കു​പ്പി​ന്‍റെ സ​ഹ​ക​ര​ണ​ത്തോ​ടെ ക​ണി​ക്കൊ​ന്ന​യു​ടെ ചി​ത്രം ആ​ലേ​ഖ​നം ചെ​യ്ത പ്ര​ത്യേ​ക ക​വ​റി​ൽ കു​ട്ടി​ക​ൾ​ക്ക്​ വി​ഷു​ക്കൈ​നീ​ട്ടം എ​ത്തി​ച്ചു​ന​ൽ​കി. ശ​മ്പ​ള​ത്തി​ൽ നി​ന്നു​ള്ള വി​ഹി​ത​മാ​ണ്​ ഇ​തി​നാ​യി നീ​ക്കി​വെ​ച്ച​ത്.

സം​സ്ഥാ​ന അ​ധ്യാ​പ​ക അ​വാ​ർ​ഡും സാ​മൂ​ഹ​ക ക്ഷേ​മ വ​കു​പ്പ്​ പു​ര​സ്കാ​ര​വും സം​സ്ഥാ​ന പി.​ടി.​എ അ​വാ​ർ​ഡും ലി​ൻ​സി​ക്ക്​ ല​ഭി​ച്ചി​ട്ടു​ണ്ട്. ഭ​ർ​ത്താ​വ് സെ​ബാ​സ്റ്റ്യ​ൻ ജോ​ർ​ജ് കു​ട്ടി​ക്കാ​നം മ​രി​യ​ൻ കോ​ള​ജി​ൽ ജോ​ലി ചെ​യ്യു​ന്നു. ജോ​യ​ൽ, ടോം ​എ​ന്നി​വ​രാ​ണ്​ മ​ക്ക​ൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:houseteacher
News Summary - Built six houses; Lincy is a caring teacher
Next Story