കാണാൻ സുന്ദരി കാന്തല്ലൂർ; വളരാൻ ഇനിയുമേറെ

കേരളത്തിൽ ശീതകാല പച്ചക്കറികളുടെ വിളഭൂമിയാണ് കാന്തല്ലൂർ. സംസ്ഥാനത്ത് ആപ്പിള്‍ സമൃദ്ധമായി വിളയുന്ന ഏക സ്ഥലം. സംസ്ഥാനത്തിന്‍റെ വിനോദസഞ്ചാര ഭൂപടത്തിൽ സവിശേഷ പ്രാധാന്യമുള്ള കാന്തല്ലൂരിലും സഞ്ചാരികൾക്ക് നിരത്താനുള്ളത് പരാധീനതകളുടെ നീണ്ട പട്ടികയാണ്. അവധി ദിവസങ്ങളില്‍ ആയിരക്കണക്കിന് സഞ്ചാരികളാണ് മറയൂര്‍, കാന്തല്ലൂര്‍ മേഖലകളിലേക്ക് ഒഴുകിയെത്തുന്നത്. എന്നാല്‍, പ്രാഥമിക ആവശ്യങ്ങള്‍ നിര്‍വഹിക്കാനുള്ള സൗകര്യം പോലും ഇല്ലായെന്നതാണ് സഞ്ചാരികളെ ഏറെ ദുരിതത്തിലാക്കുന്നത്. അവധി ദിവസങ്ങളില്‍ വൈദ്യുതിയും കുടിവെള്ളവും മുടങ്ങുന്നതും സഞ്ചാരികളെ വലക്കുന്നു.

കേരളം, തമിഴ്നാട്, കർണാടക എന്നിവിടങ്ങളില്‍നിന്ന് ധാരാളം സഞ്ചാരികള്‍ ഇവിടെയെത്തുന്നുണ്ടെങ്കിലും വാഹനം പാര്‍ക്ക് ചെയ്യാൻ സൗകര്യമില്ല. സഞ്ചാരികൾക്കായി വിശ്രമകേന്ദ്രവും വെയിറ്റിങ് ഷെഡും ശുചിമുറിയും നിർമിക്കണമെന്ന ആവശ്യത്തിന് വര്‍ഷങ്ങളുടെ പഴക്കമുണ്ട്. കാന്തല്ലൂര്‍ ടൗണിലെ പ്രാഥമിക ആശുപത്രി, ആയുര്‍വേദ ആശുപത്രി, വില്ലേജ് ഓഫിസ്, ഹൈസ്‌കൂള്‍ എന്നിവിടങ്ങളില്‍ വരുന്നവര്‍ അനുബന്ധ സൗകര്യമില്ലാതെ വീര്‍പ്പുമുട്ടുകയാണ്.

കീഴാന്തൂര്‍, കച്ചാരം വെള്ളച്ചാട്ടങ്ങൾ, കണ്ണെത്താദൂരത്തോളം തട്ടുതട്ടായുള്ള ശീതകാല പച്ചക്കറി കൃഷിയിടങ്ങള്‍, ആപ്പിള്‍, സ്ട്രോബറി, ബ്ലാക്ക്ബെറി എന്നിവ ഉൾപ്പെടുന്ന വിവിധ തരം പഴത്തോട്ടങ്ങള്‍ എന്നിവ കാന്തല്ലൂരിന്റെ മാത്രം പ്രത്യേകതയാണ്. എന്നാല്‍, സഞ്ചാരികള്‍ക്ക് ഇവിടേക്ക് എത്താൻ ആവശ്യമായ സൂചന ബോര്‍ഡുകള്‍പോലും സ്ഥാപിച്ചിട്ടില്ല.

കാന്തല്ലൂര്‍ ടൗണിന് നടുവിൽ ബസ് സ്റ്റേഷനും കാത്തിരിപ്പ് കേന്ദ്രവും സ്ഥാപിക്കാൻ ഒതുക്കിയിരുന്ന റവന്യൂ പുറമ്പോക്ക് സ്ഥലം വനം വകുപ്പ് കൈയേറിയ നിലയിലാണ്. നാട്ടുകാര്‍

ഇതിനെതിരെ രംഗത്ത് വന്നെങ്കിലും ഫലമുണ്ടായില്ല. പഞ്ചായത്ത് അധികൃതര്‍ താല്‍പര്യമെടുക്കാത്തതിൽ വ്യാപക പ്രതിഷേധമുണ്ട്. സ്ഥലം പഞ്ചായത്ത് ഏറ്റെടുത്താല്‍ പാതയോരത്തെ അശാസ്ത്രീയ പാർക്കിങ് ഒഴിവാക്കാം. കാന്തല്ലൂര്‍ പഞ്ചായത്തിന്റെ കവാടമായ കോവില്‍ക്കടവ് ടൗണിലും ശുചിമുറി, വെയിറ്റിങ് ഷെഡ് തുടങ്ങിയ അടിസ്ഥാന സൗകര്യമില്ല. ഇവിടെ റോഡില്‍ തന്നെയാണ് ബസ്സ്റ്റാൻഡും ചന്തയും വിദേശമദ്യവില്‍പനശാലയില്‍ എത്തുന്നവരുടെ ക്യൂവും.

വാ​ഗ്ദാ​ന​ങ്ങ​ളു​ടെ പെ​രു​മ​ഴ

ഏ​ഷ്യ​യി​ലെ ഏ​റ്റ​വും വ​ലി​യ ആ​ർ​ച്ച്​​ഡാ​മാ​യ ഇ​ടു​ക്കി അ​ണ​ക്കെ​ട്ട്​ കാ​ണാ​ൻ ദി​നം പ്ര​തി നൂ​റു​ക​ണ​ക്കി​നാ​ളു​ക​ളാ​ണ്​ എ​ത്തു​ന്ന​ത്. അ​യ​ൽ​സം​സ്ഥാ​ന​ങ്ങ​ളി​ൽ​നി​ന്നു​ള്ള​വ​രും വി​ദേ​ശി​ക​ളും ഇ​ക്കൂ​ട്ട​ത്തി​ൽ കു​റ​വ​ല്ല.

ത​മി​ഴ്നാ​ട്ടി​ൽ​നി​ന്നും ആ​ന്ധ്ര​യി​ൽ​നി​ന്നു​മാ​ണ് കൂ​ടു​ത​ൽ പേ​ർ. എ​ന്നാ​ൽ, അ​ടി​സ്ഥാ​ന സൗ​ക​ര്യം ​വേ​ണ്ട​ത്ര ഇ​ല്ലാ​ത്ത​തി​നാ​ൽ സ​ഞ്ചാ​രി​ക​ൾ നി​രാ​ശ​രാ​യി മ​ട​ങ്ങു​ക​യാ​ണ്.

ജി​ല്ല ആ​സ്ഥാ​ന​ത്തി​ന്‍റെ വി​നോ​ദ​സ​ഞ്ചാ​ര സാ​ധ്യ​ത​ക​ളെ ത​ക​ർ​ത്തെ​റി​യു​ന്ന സ​മീ​പ​ന​മാ​ണ്​ ജ​ന​പ്ര​തി​നി​ധി​ക​ളു​ടേ​ത്​ എ​ന്നാ​ണ്​ ആ​ക്ഷേ​പം. ജി​ല്ല​യു​ടെ ഉ​ദ്​​ഘാ​ട​ന ച​ട​ങ്ങി​ൽ അ​ന്ന​ത്തെ ക​ല​ക്ട​ർ ബാ​ബു​പോ​ൾ പ​റ​ഞ്ഞ​ത് ഇ​ടു​ക്കി​യെ ച​ണ്ഡി​ഗ​ഢ്​ മോ​ഡ​ൽ ടൗ​ൺ​ഷി​പ്പാ​ക്കു​മെ​ന്നാ​ണ്. ജി​ല്ല​യു​ടെ സു​വ​ർ​ണ​ജൂ​ബി​ലി പി​ന്നി​ടു​മ്പോ​ഴും ബാ​ലാ​രി​ഷ്ട​ത​ക​ൾ മാ​റി​യി​ട്ടി​ല്ല. വാ​ഗ്ദാ​ന​ങ്ങ​ളു​ടെ പെ​രു​മ​ഴ​ത​ന്നെ ഉ​ണ്ടാ​യി. മ​ല​മ്പു​ഴ മോ​ഡ​ൽ ടൂ​റി​സം പ​ദ്ധ​തി​ക്ക് രൂ​പം ന​ൽ​കു​മെ​ന്ന പ്ര​ഖ്യാ​പ​നം ഫ്ല​ക്സ് ബോ​ർ​ഡി​ൽ ഒ​തു​ങ്ങി. ഇ​വി​ടെ​യെ​ത്തു​ന്ന സ​ഞ്ചാ​രി​ക​ൾ​ക്ക് മ​തി​യാ​യ താ​മ​സ​സൗ​ക​ര്യ​മി​ല്ല.

അ​തു​കൊ​ണ്ടു​ത​ന്നെ പ​ല​രും ഇ​ടു​ക്കി ഒ​ഴി​വാ​ക്കി മൂ​ന്നാ​റി​ലേ​ക്കും തേ​ക്ക​ടി​യി​ലേ​ക്കും പോ​കു​ന്നു. വെ​റും കാ​ഴ്ച​ക്കാ​രു​ടെ റോ​ളി​ലാ​ണ് അ​ധി​കൃ​ത​ർ. ആ​ർ​ച്ച്​ ഡാ​മി​ന്​ താ​ഴെ ഡാം ​നി​ർ​മാ​ണ​ത്തി​നി​ടെ മ​രി​ച്ച​വ​രു​ടെ ഓ​ർ​മ​ക്കാ​യി മ​രം ന​ടു​ന്ന സ്മൃ​തി വ​നം പ​ദ്ധ​തി വി​ദൂ​ര​സ്വ​പ്ന​മാ​യി അ​വ​ശേ​ഷി​ക്കു​ന്നു.

ഡാ​മി​ന്​ സ​മീ​പം ആ​ലി​ൻ​ചു​വ​ടി​ന​ടു​ത്താ​യി റോ​ക് ഗാ​ർ​ഡ​ൻ പ​ണി​യു​മെ​ന്ന പ്ര​ഖ്യാ​പ​ന​ത്തി​ന്​ ജി​ല്ല​യോ​ളം പ​ഴ​ക്ക​മു​ണ്ട്. ചെ​റു​തോ​ണി​യി​ലേ​ക്ക് റോ​പ് വേ, ​വെ​ള്ളാ​പ്പാ​റ​യി​ൽ മൈ​ക്രോ​സ്കോ​പി​ക്​ പ​വി​ലി​യ​ൻ തു​ട​ങ്ങി എ​ത്ര​യോ പ​ദ്ധ​തി​ക​ൾ ഇ​പ്പോ​ഴും വാ​ഗ്ദാ​ന​ങ്ങ​ളാ​യി​ത​ന്നെ ശേ​ഷി​ക്കു​ന്നു. മൂ​ന്നാ​ർ, തേ​ക്ക​ടി, വാ​ഗ​മ​ൺ തു​ട​ങ്ങി​യ ​വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളെ അ​പേ​ക്ഷി​ച്ച്​ വി​ക​സ​ന​ത്തി​ന്‍റെ കാ​ര്യ​ത്തി​ൽ ജി​ല്ല ആ​സ്ഥാ​നം ഇ​പ്പോ​ഴും മു​ട​ന്തു​ക​യാ​ണ്. ക്രി​യാ​ത്​​മ​ക​മാ​യ പ​ദ്ധ​തി​ക​ളോ ആ​ത്മാ​ർ​ഥ​മാ​യ ഇ​ട​പെ​ട​ലു​ക​ളോ ഉ​ണ്ടാ​കു​ന്നി​ല്ല എ​ന്ന​താ​ണ്​ കാ​ര​ണം. ബ​സ് ടെ​ർ​മി​ന​ൽ ഇ​നി​യും യാ​ഥാ​ർ​ഥ്യ​മാ​കാ​ത്ത​തി​നാ​ൽ ഇ​ടു​ക്കി കാ​ണാ​നെ​ത്തു​ന്ന​വ​ർ ക​ട​ത്തി​ണ്ണ​ക​ളി​ലും റോ​ഡി​ലു​മാ​ണ്​ കാ​ത്തു​നി​ൽ​ക്കു​ന്ന​ത്. ഇ​ടു​ക്കി ഉ​ദ്യാ​ന പ​ദ്ധ​തി​യും ഹി​ൽ വ്യൂ ​പാ​ർ​ക്ക്​ ന​വീ​ക​ര​ണ​വു​മൊ​ന്നും ഇ​നി​യും പ്ര​തീ​ക്ഷ​ക​ൾ​ക്കൊ​ത്ത്​ ഉ​യ​ർ​ന്നി​ട്ടി​ല്ല

(അ​വ​സാ​നി​ച്ചു)

ത​യാ​റാ​ക്കി​യ​ത്​: അ​ഫ്​​സ​ൽ ഇ​ബ്രാ​ഹിം, കു​ഞ്ഞു​മോ​ൻ കൂ​ട്ടി​ക്ക​ൽ, ധ​ന​പാ​ല​ൻ മ​ങ്കു​വ, തോ​മ​സ്​ ജോ​സ്, പി.​കെ. ഹാ​രി​സ്, വാ​ഹി​ദ്​ അ​ടി​മാ​ലി, ടി. ​അ​നി​ൽ​കു​മാ​ർ, എ.​എ. ഹാ​രി​സ്​