കാഞ്ഞാർ വാട്ടർ തീം പാർക്ക് അവഗണനയിൽ

കാ​ഞ്ഞാ​ർ: വ​ഴി​യോ​ര വി​ശ്ര​മ​കേ​ന്ദ്ര​മാ​യി ഇ​ടു​ക്കി ബ്ലോ​ക്ക് പ​ഞ്ചാ​യ​ത്ത് നി​ർ​മി​ച്ച കാ​ഞ്ഞാ​ർ വാ​ട്ട​ർ തീം ​പാ​ർ​ക്ക് അ​ധി​കൃ​ത​രു​ടെ അ​വ​ഗ​ണ​ന​മൂ​ലം ന​ശി​ക്കു​ന്നു. തൊ​ടു​പു​ഴ-​പു​ളി​യ​ന്മ​ല സം​സ്ഥാ​ന പാ​ത​യോ​ര​ത്താ​ണ് മ​ല​ങ്ക​ര ജ​ലാ​ശ​യ​ത്തി​ന​രി​കെ പാ​ർ​ക്ക് നി​ർ​മി​ച്ച​ത്. ല​ക്ഷ​ങ്ങ​ൾ മു​ട​ക്കി മ​ല​ങ്ക​ര ജ​ലാ​ശ​യ​ത്തി​ന്​ അ​രി​കെ പ​ണി​തീ​ർ​ത്ത മ​നോ​ഹ​ര​മാ​യ ഉ​ദ്യാ​ന​മാ​ണ് അ​ധി​കൃ​ത​രു​ടെ അ​നാ​സ്ഥ​യി​ൽ നാ​ശ​ത്തി​ന്റെ വ​ക്കി​ലെ​ത്തി നി​ൽ​ക്കു​ന്ന​ത്.

ഏ​റെ കൊ​ട്ടി​ഘോ​ഷി​ച്ച് 2015 ഒ​ക്ടോ​ബ​റി​ലാ​ണ് പു​ഴ​യോ​രം സു​ന്ദ​ര​മാ​ക്കാ​ൻ വ​ഴി​യോ​ര പാ​ർ​ക്ക് സ​ഞ്ചാ​രി​ക​ൾ​ക്ക്​ തു​റ​ന്നു​കൊ​ടു​ത്ത​ത്. പൂ​ന്തോ​ട്ട​വും ത​ണ​ൽ​മ​ര​ങ്ങ​ളും പി​ടി​പ്പി​ച്ച് ഏ​റെ ആ​ക​ർ​ഷ​ക​മാ​ക്കി​യി​രു​ന്നു. എ​ന്നാ​ൽ, പാ​ർ​ക്കി​ന്റെ പൂ​ർ​ത്തീ​ക​ര​ണ​ത്തി​നു​ള്ള ഫ​ണ്ട് അ​നു​വ​ദി​ക്കാ​താ​യ​തോ​ടെ പാ​ർ​ക്ക് പാ​തി​വ​ഴി​യി​ലാ​യി. ഇ​ടു​ക്കി, വാ​ഗ​മ​ൺ ഭാ​ഗ​ങ്ങ​ളി​ലേ​ക്ക് പോ​കു​ന്ന വി​നോ​ദ​സ​ഞ്ചാ​രി​ക​ൾ​ക്ക് ഇ​ട​ത്താ​വ​ള​മാ​യി വ​ഴി​യോ​ര പാ​ർ​ക്ക് ഉ​പ​യോ​ഗി​ക്കാ​ൻ ക​ഴി​യു​മാ​യി​രു​ന്നു. എ​ന്നാ​ൽ, വാ​ട്ട​ർ തീം ​പാ​ർ​ക്ക് ഉ​ദ്ഘാ​ട​നം ചെ​യ്ത​ത് അ​ല്ലാ​തെ പി​ന്നീ​ട് പ​രി​പാ​ലി​ക്കാ​ൻ ഉ​ത്ത​ര​വാ​ദ​പ്പെ​ട്ട​വ​ർ ത​യാ​റാ​യി​ല്ല.

പു​ഴ​യോ​ര​ത്ത് സം​ര​ക്ഷ​ണ​വേ​ലി​ക​ൾ സ്ഥാ​പി​ച്ചി​ട്ടി​ല്ല. ന​ട​പ്പാ​ത നി​ർ​മാ​ണ​വും ന​ട​ത്തി​യി​ട്ടി​ല്ല. ഇ​വി​ടെ എ​ത്തു​ന്ന​വ​ർ​ക്ക് ഇ​രി​ക്കാ​ൻ ആ​വ​ശ്യ​ത്തി​ന്​ ഇ​രി​പ്പി​ടം​പോ​ലും സ​ജ്ജ​മാ​ക്കി​യി​ട്ടി​ല്ല. പാ​ർ​ക്കി​ന്റെ ഒ​ന്നാം​ഘ​ട്ടം പൂ​ർ​ത്തീ​ക​രി​ച്ച് ഇ​തി​ന്റെ സം​ര​ക്ഷ​ണം റെ​സി​ഡ​ന്റ്​​സ് അ​സോ​സി​യേ​ഷ​നെ ഏ​ൽ​പി​ക്കാ​നാ​യി​രു​ന്നു തീ​രു​മാ​നി​ച്ചി​രു​ന്ന​ത്. എ​ന്നാ​ൽ, ബ്ലോ​ക്ക് പ​ഞ്ചാ​യ​ത്ത് ഭ​ര​ണം മാ​റി​യ​തോ​ടെ പാ​ർ​ക്കി​ന്റെ സം​ര​ക്ഷ​ണ​വും ബാ​ക്കി ജോ​ലി​ക​ളും മു​ട​ങ്ങി. പ​ല​ഭാ​ഗ​വും കാ​ടു​ക​യ​റി​യ​തോ​ടെ സ​ഞ്ചാ​രി​ക​ൾ ഇ​വി​ടേ​ക്ക്​ എ​ത്താ​താ​യി.