കാഞ്ഞാർ വാട്ടർ തീം പാർക്കിന് പുതുവർഷത്തിൽ പുതിയ മുഖം

കാ​ഞ്ഞാ​ർ: കാ​ഞ്ഞാ​ർ വാ​ട്ട​ർ തീം ​പാ​ർ​ക്കി​ന്‍റെ മു​ഖം മി​നു​ക്കി എ​ൻ.​എ​ൻ.​എ​സ് യൂ​നിറ്റ്. അ​ധി​കൃ​ത​രു​ടെ അ​വ​ഗ​ണ​ന​യി​ൽ കാ​ടു​പി​ടി​ച്ച കി​ട​ന്ന പാ​ർ​ക്കി​നാ​ണ് പു​തു​വ​ർ​ഷ​ത്തി​ൽ പു​തി​യ മു​ഖം ന​ൽ​കി​യി​രി​ക്കു​ന്ന​ത്. കാ​ടും പ​ട​ല​വും വെ​ട്ടി​മാ​റ്റി മ​തി​ലു​ക​ളും ഇ​രി​പ്പി​ട​ങ്ങ​ളും ചാ​യം പൂ​ശി മ​നോ​ഹ​ര​മാ​ക്കി. ഇ​രി​പ്പി​ട​ങ്ങ​ളി​ൽ ഛായാ ​ചി​ത്ര​ങ്ങ​ളും വ​ര​ച്ചു ചേ​ർ​ത്തു. മ​ര​ങ്ങ​ളി​ൽ തൂ​ങ്ങി​യാ​ടു​ന്ന ത​ര​ത്തി​ൽ വ​ർ​ണം പൂ​ശി​യ കു​പ്പി​ക​ളും കെ​ട്ടി​ത്തൂ​ക്കി​യി​ട്ടു​ണ്ട്. മൂ​വാ​റ്റു​പു​ഴ ഇ​ലാ​ഹി​യ എ​ൻ​ജി​നീ​യ​റി​ങ്ങ് കോ​ള​ജ്​ എ​ൻ.​എ​സ്.​എ​സ് യൂ​ണി​റ്റ് വി​ദ്യാ​ർ​ഥി​ക​ളാ​ണ് പാ​ർ​ക്ക് ന​വീ​ക​രി​ച്ച​ത്. യൂ​നിറ്റി​ലെ നൂ​റോ​ളം വി​ദ്യാ​ർ​ഥി​ക​ൾ മ​ണി​ക്കൂ​റോ​ളം ഇ​തി​നാ​യി പ​രി​ശ്ര​മി​ച്ചു. എ​ൻ.​എ​സ്.​എ​സ് യൂ​നി​റ്റി​ന്‍റെ 7 ദി​ന പ​ദ്ധ​തി​യു​ടെ ഭാ​ഗ​മാ​യി കു​ട​യ​ത്തൂ​ർ ഗ​വ​ൺ​മെ​ന്‍റ്​ എ​ൽ.​പി സ്കൂ​ളി​ൽ ക്യാ​മ്പ് ചെ​യ്യു​ന്നു​ണ്ട്.

ഇ​ടു​ക്കി ബ്ലോ​ക്ക് പ​ഞ്ചാ​യ​ത്ത് 13 ല​ക്ഷം രൂ​പ ചെ​ല​വ​ഴി​ച്ച് വ​ർ​ഷ​ങ്ങ​ൾ​ക്ക് മു​ൻ​പ് നി​ർ​മി​ച്ച​താ​ണ് ഈ ​പാ​ർ​ക്ക്. പൂ​ച്ചെ​ടി​ക​ളും ചെ​റു​മ​ര​ങ്ങ​ളും വ​ച്ച് പി​ടി​പ്പി​ച്ച് അ​ര​ക്കി​ലോ​മീ​റ്റ​റോ​ളം ദൂ​ര​ത്തി​ൽ ചെ​റു ഉ​ദ്യാ​ന​മാ​ണ് നി​ർ​മി​ച്ച​ത്. മ​ല​ങ്ക​ര ജ​ലാ​ശ​യ​ത്തി​ന്റെ തീ​ര​ത്ത് നി​ർ​മി​ച്ചി​രി​ക്കു​ന്ന ഈ ​ഉ​ദ്യാ​ന​ത്തി​ൽ നി​ര​വ​ധി വ​ഴി​യാ​ത്ര​ക്കാ​ർ വി​ശ്ര​മി​ക്കാ​നാ​യി എ​ത്താ​റു​ണ്ടാ​യി​രു​ന്നു. എ​ന്നാ​ൽ അ​ടി​സ്ഥാ​നം വേ​ണ്ടു​ന്ന ഇ​രി​പ്പി​ട​ങ്ങ​ളും ന​വീ​ക​ര​ണ​വും ശു​ചീ​ക​ര​ണ​വും മു​ട​ങ്ങി​യ​തോ​ടെ കാ​ല​ക്ര​മേ​ണ പാ​ർ​ക്ക് കാ​ട് ക​യ​റി ന​ശി​ക്കു​ക​യാ​യി​രു​ന്നു.