പ്രതാപം വീ​ണ്ടെടുക്കാൻ കാളിയാറിന്​ വേണം വികസന പദ്ധതികൾ

കാ​ളി​യാ​ർ: വ​ണ്ണ​പ്പു​റം പ​ഞ്ചാ​യ​ത്തി​ലെ ആ​ദ്യ ടൗ​ണാ​യ കാ​ളി​യാ​റി​​ന്‍റെ പ്ര​താ​പം വീ​ണ്ടെ​ടു​ക്കാ​ൻ പ​ദ്ധ​തി​ക​ൾ വേ​ണ​മെ​ന്ന്​ ആ​വ​ശ്യം ഉ​യ​രു​ന്നു. കാ​ളി​യാ​ർ കേ​ന്ദ്ര​മാ​ക്കി​യാ​ണ് വ​ണ്ണ​പ്പു​റം പ​ഞ്ചാ​യ​ത്തി​ന്‍റെ വ​ള​ർ​ച്ച​യും വി​ക​സ​ന​വു​മെ​ല്ലാം തു​ട​ങ്ങു​ന്ന​ത്. പ​ഞ്ചാ​യ​ത്തി​ലെ ആ​ദ്യ സി​നി​മ തി​യ​റ്റ​റും മാ​ർ​ക്ക​റ്റും ഉ​ൾ​പ്പെ​ടെ പ്ര​വ​ർ​ത്തി​ച്ചി​രു​ന്ന​ത് ഇ​വി​ടെ​യാ​ണ്. ഇ​ടു​ക്കി പ​ദ്ധ​തി​യു​ടെ ഭാ​ഗ​മാ​യി കു​ട​യു​രു​ട്ടി, ക​ലം​ക​മ​ഴ്ത്തി ഭാ​ഗ​ങ്ങ​ളി​ൽ​നി​ന്ന് ക​ർ​ഷ​ക​രെ ഒ​ഴി​പ്പി​ച്ച് കാ​ളി​യാ​ർ, മു​ള്ള​ങ്കു​ത്തി ഭാ​ഗ​ങ്ങ​ളി​ൽ കു​ടി​യി​രു​ത്തി​യ​തോ​ടെ​യാ​ണ് കാ​ളി​യാ​ർ ടൗ​ണി​ന്‍റെ വ​ള​ർ​ച്ച വേ​ഗ​ത്തി​ലാ​യ​ത്.

കാ​ളി​യാ​റി​ൽ ഹൈ​സ്കൂ​ൾ വ​ന്ന​തോ​ടെ വി​ക​സ​ന​ത്തി​ന്​ ആ​ക്കം കൂ​ടി. എ​ന്നാ​ൽ, കാ​ലം മാ​റി വ​ണ്ണ​പ്പു​റം - മു​ള്ള​രി​ങ്ങാ​ട്, വ​ണ്ണ​പ്പു​റം - ചേ​ല​ച്ചു​വ​ട്, വ​ണ്ണ​പ്പു​റം - തൊ​മ്മ​ൻ​കു​ത്ത് തു​ട​ങ്ങി പു​തി​യ റോ​ഡു​ക​ൾ വ​ന്ന​തോ​ടെ കാ​ളി​യാ​റി​നെ പി​ന്നി​ലാ​ക്കി വ​ണ്ണ​പ്പു​റം വ​ള​ർ​ന്നു. ഇ​തോ​ടെ കാ​ളി​യാ​റി​ൽ​നി​ന്ന് വ്യാ​പാ​ര സ്ഥാ​പ​ന​ങ്ങ​ളും മ​റ്റും ഒ​ന്നൊ​ന്നാ​യി വ​ണ്ണ​പ്പു​റ​ത്തേ​ക്ക്​ മാ​റി. വ​ണ്ണ​പ്പു​റം വ്യാ​പാ​ര കേ​ന്ദ്ര​മാ​യി മാ​റി.

പ്ലാസ്റ്റിക്​ മുക്​തമാകാൻ വണ്ണപ്പുറം

പ​ഞ്ചാ​യ​ത്ത് ന​ട​ത്തു​ന്ന പ​രി​ശോ​ധ​ന​ക​ളി​ല്‍ ഇ​ള​വ്

വ​ണ്ണ​പ്പു​റം: നി​രോ​ധി​ത പ്ലാ​സ്റ്റി​ക് കൂ​ടു​ക​ള്‍ പൂ​ര്‍ണ​മാ​യും ഒ​ഴി​വാ​ക്കു​മെ​ന്ന ഉ​റ​പ്പു​മാ​യി വ​ണ്ണ​പ്പു​റ​ത്തെ വ്യാ​പാ​രി സ​മൂ​ഹം. ന​വം​ബ​ർ ഒ​ന്നു​മു​ത​ല്‍ ഇ​ത് പ്രാ​വ​ര്‍ത്തി​ക​മാ​ക്കാ​ൻ തീ​രു​മാ​നി​ച്ചു. ന​വം​ബ​ര്‍ പ​ത്തോ​ടെ വ്യാ​പാ​ര​സ്ഥാ​പ​ന​ങ്ങ​ളി​ല്‍ പൂ​ര്‍ണ​മാ​യും അം​ഗീ​കൃ​ത പ്ലാ​സ്റ്റി​ക് കൊ​ണ്ട് ഉ​ണ്ടാ​ക്കി​യ​തോ തു​ണി, പേ​പ്പ​ര്‍ എ​ന്നി​വ​കൊ​ണ്ട്​ നി​ര്‍മി​ച്ച സ​ഞ്ചി​ക​ളോ മാ​ത്ര​മാ​കും ഉ​പ​യോ​ഗി​ക്കു​ക. പ​ഞ്ചാ​യ​ത്ത് അ​ധി​കൃ​ത​രു​മാ​യി ന​ട​ന്ന ച​ര്‍ച്ച​യി​ലാ​ണ് നാ​ടി​നെ മാ​ലി​ന്യ മു​ക്ത​മാ​ക്കാ​ന്‍ സ​ഹാ​യ​ക​ര​മാ​യ തീ​രു​മാ​ന​വു​മാ​യി വ്യാ​പാ​രി​സ​മൂ​ഹം മു​ന്നോ​ട്ടു​പോ​കു​ന്ന​ത്.

ഇ​തി​നെ​ത്തു​ട​ര്‍ന്ന് പ​ഞ്ചാ​യ​ത്ത് ന​ട​ത്തു​ന്ന പ​രി​ശോ​ധ​ന​ക​ളി​ല്‍ ഇ​ള​വ് ന​ല്‍കാ​ന്‍ തീ​രു​മാ​നി​ച്ചു. ന​വം​ബ​ര്‍ ഒ​ന്നി​ന്​ ശേ​ഷം നി​രോ​ധി​ത പ്ലാ​സ്റ്റി​ക് ഉ​പ​യോ​ഗി​ക്കു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി​യു​ണ്ടാ​കും. പു​ക​യി​ല ഉ​ൽ​പ​ന്ന​ങ്ങ​ളും ല​ഹ​രി ഉ​ൽ​പ​ന്ന​ങ്ങ​ളും വി​ല്‍ക്കു​ന്ന ക​ട​ക​ളു​ടെ പ​ട്ടി​ക പൊ​ലീ​സ് കൈ​മാ​റി​യാ​ല്‍ ഇ​വ​യു​ടെ ലൈ​സ​ന്‍സ് റ​ദ്ദു​ചെ​യ്യു​ന്ന​തി​നും തീ​രു​മാ​നി​ച്ച​താ​യി പ​ഞ്ചാ​യ​ത്ത് സെ​ക്ര​ട്ട​റി ആ​ര്‍. അ​ശോ​ക് കു​മാ​ര്‍പ​റ​ഞ്ഞു.

യോ​ഗ​ത്തി​ല്‍ പ​ഞ്ചാ​യ​ത്തു​പ്ര​സി​ഡ​ന്‍റ്​ എം.​എ ബി​ജു അ​ധ്യ​ക്ഷ​ത​വ​ഹി​ച്ചു. വി​ക​സ​ന സ്ഥി​രം സ​മി​തി അ​ധ്യ​ക്ഷ​ൻ രാ​ജീ​വ് ഭാ​സ്‌​ക​ര​ന്‍, ജി​ല്ല പ​ഞ്ചാ​യ​ത്തം​ഗം ഷൈ​നി റെ​ജി, കെ.​എ​ച്ച്. അ​സീ​സ്, ബേ​ബി​വ​ട്ട​ക്കു​ന്നേ​ൽ, വ്യാ​പാ​രി​വ്യ​വ​സാ​യി ഏ​കോ​പ​ന​സ​മി​തി ഭാ​ര​വാ​ഹി ബാ​ബു കു​ന്ന​ത്തു​ശ്ശേ​രി, നൗ​ഷാ​ദ് മ​ല​നാ​ട്, എം.​ജി പ്രി​ൻ​സ് എ​ന്നി​വ​ര്‍ പ​ങ്കെ​ടു​ത്തു.