ആക്രി വി​ല്‍ക്കാ​നു​ണ്ടോ; വാ​ങ്ങാ​ന്‍ ഇ​ര​ട്ട​യാ​ര്‍ പ​ഞ്ചാ​യ​ത്ത് റെ​ഡി

ഇ​ടു​ക്കി: ഇ​ര​ട്ട​യാ​ര്‍ പ​ഞ്ചാ​യ​ത്ത് ആ​ക്രി വ്യാ​പാ​ര​ത്തി​ലേ​ക്ക്. പ്ര​സി​ഡ​ന്റ് ജി​ന്‍സ​ണ്‍ വ​ര്‍ക്കി​യു​ടെ ഇ​ട​പെ​ട​ലി​നെ തു​ട​ര്‍ന്നാ​ണ് തൊ​ഴി​ല്‍ സം​രം​ഭ​മെ​ന്ന നി​ല​യി​ല്‍ പ​ഞ്ചാ​യ​ത്തി​ന്റെ മേ​ല്‍വി​ലാ​സ​ത്തി​ല്‍ ആ​ക്രി വ്യാ​പാ​ര സം​രം​ഭം തു​ട​ങ്ങാ​ന്‍ ഹ​രി​ത​ക​ര്‍മ സേ​ന​ക്ക് ഭ​ര​ണ​സ​മി​തി അ​നു​മ​തി ന​ല്‍കി​യ​ത്.

ഇ​ത​നു​സ​രി​ച്ച് കു​ടും​ബ​ശ്രീ മൈ​ക്രോ സം​രം​ഭ​മാ​യി ര​ജി​സ്റ്റ​ര്‍ ചെ​യ്ത് തൊ​ഴി​ല്‍ യൂ​നി​റ്റ് പ്ര​വ​ര്‍ത്ത​നം ആ​രം​ഭി​ച്ചു. വാ​ത്തി​ക്കു​ടി പ​ഞ്ചാ​യ​ത്തി​ലെ പാ​ഴ് വ​സ്തു​ക്ക​ള്‍ ഏ​റ്റെ​ടു​ത്ത് ആ​ദ്യ വ്യാ​പ​ര​ത്തി​നും തു​ട​ക്ക​മി​ട്ടു.

ഹ​രി​ത​ക​ര്‍മ സേ​നാം​ഗ​ങ്ങ​ള്‍ ശേ​ഖ​രി​ച്ച ത​രം​തി​രി​ച്ച​തും അ​ല്ലാ​ത്ത​തു​മാ​യ 600 കി​ലോ പാ​ഴ് വ​സ്തു​ക്ക​ളാ​ണ് ഏ​റ്റെ​ടു​ത്ത​ത്. ഇ​വ ഇ​ര​ട്ട​യാ​ര്‍ പ​ഞ്ചാ​യ​ത്തി​ന്റെ റി​സോ​ഴ്‌​സ് റി​ക്ക​വ​റി ഫെ​സി​ലി​റ്റി​യി​ല്‍ കൊ​ണ്ടു​വ​ന്ന് ത​രം​തി​രി​ച്ച് റി ​സൈ​ക്ലിങ്ങിന് കൈ​മാ​റും. ഏ​ജ​ന്‍സി​ക​ൾ ന​ല്‍കു​ന്ന​തി​നേ​ക്കാ​ള്‍ കൂ​ടി​യ​വി​ല ന​ല്‍കി​യാ​ണ് ഹ​രി​ത​ക​ർമ സേ​ന യൂ​നി​റ്റ് പ്ലാ​സ്റ്റി​ക്കും പാ​ഴ് വ​സ്തു​ക്ക​ളു​മെ​ല്ലാം ഏ​റ്റെ​ടു​ക്കു​ന്ന​തെ​ന്ന് യൂ​നി​റ്റ് ഭാ​ര​വാ​ഹി​ക​ളാ​യ പി.​ടി. നി​ഷ​മോ​ള്‍, ലി​ജി​യ​മോ​ള്‍ ജോ​സ​ഫ് എ​ന്നി​വ​ര്‍ പ​റ​ഞ്ഞു.

ഗു​ളി​ക​യു​ടെ സ്ട്രി​പ്പു​ക​ളും മ​ള്‍ട്ടി ലെ​യ​ര്‍ പ്ലാ​സ്റ്റി​ക്കു​മെ​ല്ലാം ഏ​റ്റെ​ടു​ക്കു​ന്നു​ണ്ട്. പ​ഞ്ചാ​യ​ത്തി​നെ മാ​ലി​ന്യ​മു​ക്ത​മാ​ക്കാ​ന്‍ പ്ര​യ​ത്നി​ക്കു​ന്ന ഹ​രി​ത​ക​ർമ സേ​നാം​ഗ​ങ്ങ​ള്‍ക്ക് കൂ​ടു​ത​ല്‍ വ​രു​മാ​ന​മു​ണ്ടാ​ക്കാ​നാ​ണ് തൊ​ഴി​ല്‍ യൂ​നി​റ്റ് കൂ​ടി ആ​രം​ഭി​ച്ച​തെ​ന്ന് പ്ര​സി​ഡ​ന്റ് ജി​ന്‍സ​ണ്‍ വ​ര്‍ക്കി പ​റ​ഞ്ഞു.

പാ​മ്പാ​ടും​പാ​റ പ​ഞ്ചാ​യ​ത്തും പാ​ഴ് വ​സ്തു​ക്ക​ള്‍ നീ​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ട്. അ​തും ഉ​ട​ന്‍ ഏ​റ്റെ​ടു​ക്കു​മെ​ന്നും ഇ​ദ്ദേ​ഹം വ്യ​ക്ത​മാ​ക്കി. ഹ​രി​ത​ക​ർമ സേ​നാം​ഗ​ങ്ങ​ളാ​യ എ.​എ​സ്. അ​നി​ത, നി​ഷ രാ​ജേ​ന്ദ്ര​ന്‍, സു​നി സി​ബി, ട്രി​ന്‍സി ജി​നേ​ഷ് എ​ന്നി​വ​രാ​ണ് യൂ​നി​റ്റി​ലെ മ​റ്റ് അം​ഗ​ങ്ങ​ള്‍. ഇ​വ​ര​ട​ക്ക​മു​ള്ള പ​ഞ്ചാ​യ​ത്തി​ലെ എ​ല്ലാ ഹ​രി​ത​ക​ര്‍മ്മ സേ​നാം​ഗ​ങ്ങ​ള്‍ക്കും പാ​ഴ് വ​സ്തു​ക്ക​ള്‍ ത​രം​തി​രി​ക്കു​ന്ന​തി​ല്‍ ഹ​രി​ത​കേ​ര​ളം മി​ഷ​ന്‍ പ​രി​ശീ​ല​നം ന​ല്‍കി​യി​രു​ന്നു.