സം​സ്ഥാ​ന​ത​ല​ത്തി​ല്‍ ഒ​ന്നാമത്; ​ആരോഗ്യ മേഖലയിൽ മിടുക്കുകാട്ടി ഇടുക്കി

തൊ​ടു​പു​ഴ: ആ​രോ​ഗ്യ മേ​ഖ​ല​യി​ല്‍ മി​ക​ച്ച പ്ര​വ​ര്‍ത്ത​ന​ങ്ങ​ള്‍ ന​ട​ത്തി​യ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്കു​ള്ള ആ​ര്‍ദ്ര​കേ​ര​ളം പു​ര​സ്‌​കാ​ര​ത്തി​ന് സം​സ്ഥാ​ന​ത​ല​ത്തി​ല്‍ ഒ​ന്നാം സ്ഥാ​നം ക​ര​സ്ഥ​മാ​ക്കി ഇ​ടു​ക്കി ജി​ല്ല പ​ഞ്ചാ​യ​ത്ത്. ജി​ല്ല​ത​ല​ത്തി​ല്‍ രാ​ജ​കു​മാ​രി ഗ്രാ​മ​പ​ഞ്ചാ​യ​ത്ത് ഒ​ന്നാം സ്ഥാ​ന​ത്തി​ന് അ​ര്‍ഹ​രാ​യി. ക​രി​ങ്കു​ന്നം, കു​ട​യ​ത്തൂ​ര്‍ എ​ന്നീ ഗ്രാ​മ​പ​ഞ്ചാ​യ​ത്തു​ക​ള്‍ക്ക് ര​ണ്ടും മൂ​ന്നും സ്ഥാ​ന​ങ്ങ​ള്‍ ല​ഭി​ച്ചു.

തൊ​ടു​പു​ഴ ജി​ല്ല ആ​ശു​പ​ത്രി, മു​ട്ടം ആ​യു​ര്‍വേ​ദ ജി​ല്ല ആ​ശു​പ​ത്രി, മു​ട്ടം ഹോ​മി​യോ​പ്പ​തി ജി​ല്ല ആ​ശു​പ​ത്രി, പാ​റേ​മാ​വ് ആ​യു​ര്‍വേ​ദ ആ​ശു​പ​ത്രി എ​ന്നി​വി​ട​ങ്ങ​ളി​ല്‍ ന​ട​ത്തി​യ മി​ക​ച്ച പ്ര​വ​ര്‍ത്ത​ന​ങ്ങ​ള്‍ക്കാ​ണ് ഈ ​പു​ര​സ്‌​കാ​രം ല​ഭി​ച്ച​ത്. 2023-24 സാ​മ്പ​ത്തി​ക വ​ര്‍ഷ​ത്തി​ല്‍ ജി​ല്ല പ​ഞ്ചാ​യ​ത്ത് അ​ലോ​പ്പ​തി മ​രു​ന്നു​ക​ള്‍ക്ക് 1.71 കോ​ടി രൂ​പ ചെ​ല​വ​ഴി​ക്കു​ക​യും കൂ​ടാ​തെ ആ​യു​ര്‍വേ​ദം, ഹോ​മി​യോ വ​കു​പ്പു​ക​ള്‍ക്കും ആ​രോ​ഗ്യം- അ​നു​ബ​ന്ധ പ്ര​വ​ര്‍ത്ത​ന​ങ്ങ​ള്‍ക്കാ​യി തു​ക വ​ക​യി​രു​ത്തി​യി​ട്ടു​ണ്ട്.

സം​സ്ഥാ​ന​ത​ല​ത്തി​ൽ പു​ര​സ്‌​കാ​ര​ത്തി​ന് ഒ​ന്നാം സ്ഥാ​നം നേ​ടി​യ ജി​ല്ല പ​ഞ്ചാ​യ​ത്തി​ന് പ​ത്തു​ല​ക്ഷം രൂ​പ​യും ജി​ല്ല​ത​ല​ത്തി​ൽ വി​വി​ധ സ്ഥാ​ന​ങ്ങ​ൾ നേ​ടി​യ ഗ്രാ​മ​പ​ഞ്ചാ​യ​ത്തു​ക​ൾ​ക്ക്​ അ​ഞ്ചു​ല​ക്ഷം, മൂ​ന്നു​ല​ക്ഷം, ര​ണ്ടു​ല​ക്ഷം എ​ന്നി​ങ്ങ​നെ​യാ​ണ് അ​വാ​ർ​ഡ്​ തു​ക ല​ഭി​ക്കു​ക.

മി​ക​ച്ച ആ​രോ​ഗ്യ പ്ര​വ​ർ​ത്ത​ന​ത്തി​നു​ള്ള അം​ഗീ​കാ​രം

ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ആ​രോ​ഗ്യ​മേ​ഖ​ല​യി​ൽ ചെ​ല​വ​ഴി​ച്ച തു​ക, സാ​ന്ത്വ​ന പ​രി​ച​ര​ണ പ​രി​പാ​ടി​ക​ൾ, കാ​യ​ക​ല്‍പ് സ്‌​കോ​ർ, ഹെ​ല്‍ത്ത് ഗ്രാ​ന്റ് വി​നി​യോ​ഗം, ആ​രോ​ഗ്യ മേ​ഖ​ല​യു​മാ​യി ബ​ന്ധ​പ്പെ​ട്ട മ​റ്റ് പ്ര​വ​ര്‍ത്ത​ന​ങ്ങ​ള്‍, പ്ര​തി​രോ​ധ കു​ത്തി​വെ​പ്പ്, വാ​ര്‍ഡു​ത​ല പ്ര​വ​ര്‍ത്ത​ന​ങ്ങ​ള്‍, പ്രാ​ദേ​ശി​ക ആ​രോ​ഗ്യ ആ​വ​ശ്യ​ങ്ങ​ള്‍ക്ക് അ​നു​സൃ​ത​മാ​യ നൂ​ത​ന ഇ​ട​പെ​ട​ലു​ക​ള്‍, സാ​മൂ​ഹി​ക ഘ​ട​ക​ങ്ങ​ളാ​യ ശു​ചി​ത്വം, മാ​ലി​ന്യ പ​രി​പാ​ല​നം, പ്രാ​ണി നി​യ​ന്ത്ര​ണം, ജീ​വി​ത​ശൈ​ലി ക്ര​മീ​ക​ര​ണ​ത്തി​നു​ള്ള ഭൗ​തി​ക​സാ​ഹ​ച​ര്യ​ങ്ങ​ൾ ഒ​രു​ക്ക​ൽ, മോ​ഡേ​ൺ മെ​ഡി​സി​ൻ, ആ​യു​ര്‍വേ​ദ, ഹോ​മി​യോ മേ​ഖ​ല​ക​ളി​ലു​ള്ള ദേ​ശീ​യ-​സം​സ്ഥാ​ന ആ​രോ​ഗ്യ​പ​ദ്ധ​തി​യു​ടെ ഫ​ല​പ്ര​ദ​മാ​യ ന​ട​ത്തി​പ്പ് തു​ട​ങ്ങി​യ മി​ക​ച്ച ആ​രോ​ഗ്യ പ്ര​വ​ര്‍ത്ത​ന​ത്തി​ന് ല​ഭി​ച്ച അം​ഗീ​കാ​ര​മാ​ണി​ത്.

സം​സ്ഥാ​ന​ത്ത് 2023-24 സാ​മ്പ​ത്തി​ക വ​ര്‍ഷം ആ​രോ​ഗ്യ​മേ​ഖ​ല​യി​ല്‍ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ 1692.95 കോ​ടി രൂ​പ​യു​ടെ പ​ദ്ധ​തി പ്ര​വ​ര്‍ത്ത​ന​ങ്ങ​ള്‍ ന​ട​ത്തി​യി​ട്ടു​ണ്ട്. ആ​രോ​ഗ്യ വ​കു​പ്പി​ന്റെ പ​ങ്കാ​ളി​ത്ത​ത്തോ​ടെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ആ​വി​ഷ്‌​ക​രി​ച്ച് ന​ട​പ്പാ​ക്കി​വ​രു​ന്ന സ​മ​ഗ്ര ആ​രോ​ഗ്യ​പ​ദ്ധ​തി ആ​രോ​ഗ്യ​രം​ഗ​ത്ത് വ​ലി​യ മാ​റ്റ​ങ്ങ​ളു​ണ്ടാ​ക്കി​യി​ട്ടു​ണ്ട്.

ത​ദ്ദേ​ശ സ്ഥാ​പ​ന​ങ്ങ​ളു​ടെ പ്ര​വ​ര്‍ത്ത​ന​ങ്ങ​ള്‍ പ്രോ​ത്സാ​ഹി​പ്പി​ക്കു​ന്ന​തി​നോ​ടൊ​പ്പം ആ​രോ​ഗ്യ വ​കു​പ്പി​ന്റേ​യും മ​റ്റ് അ​നു​ബ​ന്ധ വ​കു​പ്പു​ക​ളു​ടെ​യും ജ​ന​പ്ര​തി​നി​ധി​ക​ളു​ടെ​യും കൂ​ട്ടാ​യ്മ സാ​ധ്യ​മാ​ക്കാ​നും ആ​രോ​ഗ്യ​രം​ഗ​ത്ത് വ​ലി​യ മാ​റ്റ​ങ്ങ​ൾ വ​രു​ത്താ​നു​മാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന് പു​ര​സ്‌​കാ​ര പ്ര​ഖ്യാ​പ​ന​ത്തി​ൽ ആ​രോ​ഗ്യ മ​ന്ത്രി വീ​ണ ജോ​ര്‍ജ് പ​റ​ഞ്ഞു.