ഇ​ടു​ക്കി വി​ക​സ​ന പാ​ക്കേ​ജ്: പ​ദ്ധ​തി​ക​ള്‍ ഉടൻ പൂ​ര്‍ത്തി​യാ​ക്കാ​ന്‍ നി​ര്‍ദേ​ശം

തൊ​ടു​പു​ഴ: ഇ​ടു​ക്കി വി​ക​സ​ന പാ​ക്കേ​ജ് പ്ര​കാ​രം ന​ട​പ്പാ​ക്കു​ന്ന പ​ദ്ധ​തി​ക​ള്‍ സ​മ​യ​ബ​ന്ധി​ത​മാ​യി പൂ​ര്‍ത്തി​യാ​ക്കാ​ന്‍ തീ​രു​മാ​നം. ജി​ല്ല ക​ല​ക്ട​ര്‍ ഡോ. ​ദി​നേ​ശ​ന്‍ ചെ​റു​വാ​ട്ടി​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന ഇ​ടു​ക്കി പാ​ക്കേ​ജ് അ​വ​ലോ​ക​ന യോ​ഗ​ത്തി​ലാ​ണ് തീ​രു​മാ​നം.

ജി​ല്ല​യു​ടെ സ​മ​ഗ്ര​വും സു​സ്ഥി​ര​വു​മാ​യ വി​ക​സ​നം ല​ക്ഷ്യ​മി​ട്ടാ​ണ് സ​ര്‍ക്കാ​ര്‍ ഇ​ടു​ക്കി വി​ക​സ​ന പാ​ക്കേ​ജ് ന​ട​പ്പാ​ക്കു​ന്ന​ത്. 2021 ലാ​ണ് പാ​ക്കേ​ജ് സം​ബ​ന്ധി​ച്ച നി​ര്‍ദേ​ശ​ങ്ങ​ള്‍ രൂ​പ​വ​ത്ക​രി​ച്ച​ത്. ഓ​രോ വ​ര്‍ഷ​വും 75 കോ​ടി​യാ​ണ് ബ​ജ​റ്റി​ല്‍ വ​ക​യി​രു​ത്തു​ന്ന​ത്. 2026-27 സാ​മ്പ​ത്തി​ക വ​ര്‍ഷം 80 കോ​ടി​യാ​ണ് വ​ക​യി​രു​ത്തി​യ​ത്.

പ​ദ്ധ​തി​ക​ള്‍ ത​യാ​റാ​ക്കു​ന്ന​തി​ലും ന​ട​പ്പാ​ക്കു​ന്ന​തി​ലും ഉ​ദ്യോ​ഗ​സ്ഥ​ര്‍ കാ​ര്യ​ക്ഷ​മ​ത​യോ​ടെ ഇ​ട​പെ​ട​ണ​മെ​ന്ന് യോ​ഗം നി​ര്‍ദേ​ശി​ച്ചു. ഇ​ടു​ക്കി പാ​ക്കേ​ജ് ന​ട​പ്പാ​ക്കു​ന്ന​തു​മാ​യി ബ​ന്ധ​പ്പെ​ട്ട് സ്പെ​ഷ​ല്‍ ഓ​ഫി​സ​റെ നി​യ​മി​ക്കു​ന്ന​ത് സ​ര്‍ക്കാ​റി​ന്റെ ശ്ര​ദ്ധ​യി​ല്‍പ്പെ​ടു​ത്തും. സ്പെ​ഷ​ല്‍ ഓ​ഫി​സ​റാ​യി പ്ര​വ​ര്‍ത്തി​ക്കേ​ണ്ട ജി​ല്ല വി​ക​സ​ന ക​മീ​ഷ​ണ​ര്‍ നി​ല​വി​ല്‍ ജി​ല്ല​യി​ല്‍ ഇ​ല്ലാ​ത്ത സാ​ഹ​ച​ര്യ​ത്തി​ലാ​ണി​ത്. വി​വി​ധ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ക്കാ​വ​ശ്യ​മാ​യ ഡ്രോ​യി​ങ്ങും ഡി​സൈ​നും ല​ഭി​ക്കു​ന്ന​തി​ലെ കാ​ല​താ​മ​സം ഒ​ഴി​വാ​ക്കു​ന്ന​ത് സം​ബ​ന്ധി​ച്ച് സ​ര്‍ക്കാ​ര്‍ ത​ല​ത്തി​ല്‍ അ​റി​യി​ക്കും.

2022 മു​ത​ല്‍ 2026 വ​രെ ആ​കെ 65 പ്ര​വൃ​ത്തി​ക​ളാ​ണ് ജി​ല്ലാ​ത​ല സ​മി​തി ശി​പാ​ര്‍ശ ചെ​യ്ത​ത്. ഇ​തി​ല്‍ 31 പ​ദ്ധ​തി​ക​ള്‍ക്കാ​ണ് ഭ​ര​ണാ​നു​മ​തി ല​ഭി​ച്ച​ത്. ആ​കെ 14,60,12,792 രൂ​പ​യാ​ണ് ഇ​തു​വ​രെ ചെ​ല​വ​ഴി​ച്ച​ത്. 2022-23 വ​ര്‍ഷ​ത്തി​ല്‍ ആ​റ് പ​ദ്ധ​തി​ക​ള്‍ക്കും 2023-24ല്‍ 9 ​പ​ദ്ധ​തി​ക​ള്‍ക്കും 2024-25 വ​ര്‍ഷം മൂ​ന്ന് പ​ദ്ധ​തി​ക​ള്‍ക്കും 2025-26 വ​ര്‍ഷം 13 പ​ദ്ധ​തി​ക​ള്‍ക്കു​മാ​ണ് ഭ​ര​ണാ​നു​മ​തി ല​ഭി​ച്ച​ത്.

എ​ന്നാ​ൽ, ഇ​തെ​ല്ലാം ഇ​ഴ​ഞ്ഞാ​ണ് നീ​ങ്ങു​ന്ന​തെ​ന്നും വി​മ​ർ​ശ​ന​മു​യ​ർ​ന്നു. ഏ​ലം കൃ​ഷി​നാ​ശ​ത്തി​ന് ധ​ന​സ​ഹാ​യം ന​ല്‍കു​ന്ന​തി​നാ​യു​ള്ള പാ​ക്കേ​ജ് വേ​ഗ​ത്തി​ല്‍ ന​ട​പ്പാ​ക്കാ​നും നി​ര്‍ദേ​ശം ന​ല്‍കി. ക​ല​ക്‌​ട​റേ​റ്റ് കോ​ൺ​ഫ​റ​ൻ​സ് ഹാ​ളി​ൽ ചേ​ർ​ന്ന യോ​ഗ​ത്തി​ൽ ഡീ​ന്‍ കു​ര്യാ​ക്കോ​സ് എം.​പി., ഗ​വ. ചീ​ഫ് വി​പ്പ് അ​പു ജോ​ണ്‍ ജോ​സ​ഫ്, എം.​എ​ല്‍എ.​മാ​രാ​യ റോ​യ് കെ. ​പൗ​ലോ​സ്, സി​റി​യ​ക് തോ​മ​സ്, സേ​നാ​പ​തി വേ​ണു, എ​ഫ്. രാ​ജ, സ​ബ് ക​ല​ക്ട​ര്‍മാ​രാ​യ വി.​എം. ആ​ര്യ, അ​നൂ​പ് ഗാ​ര്‍ഗ്, അ​ഡീ​ഷ​ന​ല്‍ ജി​ല്ല മ​ജി​സ്ട്രേ​റ്റ് എ​സ്. ശ്രീ​ജി​ത്ത്, ജി​ല്ല പ്ലാ​നി​ങ് ഓ​ഫി​സ​ര്‍ ടി. ​ജ്യോ​തി​മോ​ള്‍, വി​വി​ധ വ​കു​പ്പ് ജി​ല്ലാ​ത​ല ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.