ഹ​ർ​ത്താ​ലി​ൽ സ്തം​ഭി​ച്ച് ഇടുക്കി

തൊ​ടു​പു​ഴ: ഇ.​എ​സ്.​എ അ​ട​ക്ക​മു​ള്ള ജി​ല്ല​യി​ലെ ഭൂ​പ്ര​ശ്ന​ങ്ങ​ളി​ൽ സ​ർ​ക്കാ​ർ നി​ല​പാ​ടി​ൽ പ്ര​തി​ഷേ​ധി​ച്ച് സി.​പി.​എം ജി​ല്ല ക​മ്മി​റ്റി ആ​ഹ്വാ​നം ചെ​യ്ത ഹ​ർ​ത്താ​ലി​ൽ ജി​ല്ല സ്തം​ഭി​ച്ചു. വാ​ഹ​നം ത​ട​യ​ലു​മാ​യി ബ​ന്ധ​പ്പെ​ട്ട് അ​ങ്ങി​ങ്ങ് ചെ​റി​യ സം​ഘ​ർ​ഷ​ങ്ങ​ളു​ണ്ടാ​യ​തൊ​ഴി​ച്ചാ​ൽ ഹ​ർ​ത്താ​ൽ പൊ​തു​വേ സ​മാ​ധാ​ന​പ​ര​മാ​യി​രു​ന്നു.

ഹ​ർ​ത്താ​ലി​നോ​ട് അ​നു​ബ​ന്ധി​ച്ച് ന​ഗ​ര​പ്ര​ദേ​ശ​ങ്ങ​ളി​ൽ ക​ട​ക​മ്പോ​ള​ങ്ങ​ൾ അ​ട​ഞ്ഞു​കി​ട​ന്നു. തൊ​ടു​പു​ഴ, അ​ടി​മാ​ലി, മൂ​ന്നാ​ർ, നെ​ടു​ങ്ക​ണ്ടം, ക​ട്ട​പ്പ​ന, ചെ​റു​തോ​ണി, കു​മ​ളി, പീ​രു​മേ​ട് അ​ട​ക്ക​മു​ള്ള പ്ര​ദേ​ശ​ങ്ങ​ളി​ൽ സ്വ​കാ​ര്യ ബ​സു​ക​ള​ട​ക്കം സ​ർ​വി​സ് ന​ട​ത്തി​യി​ല്ല. ചി​ല​യി​ട​ങ്ങ​ളി​ൽ തു​റ​ന്ന ക​ട​ക​ളും സ്ഥാ​പ​ന​ങ്ങ​ളു​മെ​ല്ലാം പ്ര​വ​ർ​ത്ത​ക​രും നേ​താ​ക്ക​ളു​മെ​ത്തി അ​ട​പ്പി​ച്ചു.

പ്രൈ​വ​റ്റ് ബ​സു​ക​ൾ നി​ര​ത്തി​ലി​റ​ങ്ങി​യി​ല്ലെ​ങ്കി​ലും ദീ​ർ​ഘ​ദൂ​ര സ​ർ​വി​സു​ക​ൾ അ​ട​ക്ക​മു​ള്ള കെ.​എ​സ്.​ആ​ർ.​ടി.​സി ബ​സു​ക​ൾ പ​തി​വു​പോ​ലെ സ​ർ​വി​സ് ന​ട​ത്തി. ചി​ല​യി​ട​ങ്ങ​ളി​ൽ കെ.​എ​സ്.​ആ​ർ.​ടി.​സി ബ​സു​ക​ൾ സ​മ​രാ​നു​കൂ​ലി​ക​ൾ ത​ട​ഞ്ഞെ​ങ്കി​ലും സ​ർ​വി​സ് മു​ട​ങ്ങി​യി​ല്ല. ത​മി​ഴ്നാ​ട് അ​തി​ർ​ത്തി​യാ​യ കു​മ​ളി ചെ​ക്ക് പോ​സ്റ്റി​ൽ വി​നോ​ദ​സ​ഞ്ചാ​രി​ക​ളെ സ​മ​ര​ക്കാ​ർ ത​ട​ഞ്ഞു. ജി​ല്ല​ക്ക് പു​റ​ത്തു​നി​ന്നും വ​രു​ന്ന ടൂ​റി​സ്റ്റു​ക​ളെ ത​ട​യി​ല്ലെ​ന്ന ജി​ല്ല സെ​ക്ര​ട്ട​റി​യു​ടെ പ്ര​ഖ്യാ​പ​ന​വും ഇ​തോ​ടെ പാ​ഴ്വാ​ക്കാ​യി. ചി​ല​യി​ട​ത്ത് സ്വ​കാ​ര്യ​വാ​ഹ​ന​ങ്ങ​ളും ത​ട​ഞ്ഞി​ട്ടു. സ​ർ​ക്കാ​ർ ഓ​ഫി​സു​ക​ൾ പ്ര​വ​ർ​ത്തി​ച്ചെ​ങ്കി​ലും ഹാ​ജ​ർ നി​ല കു​റ​വാ​യി​രു​ന്നു. ഹ​ർ​ത്താ​ലി​നെ തു​ട​ർ​ന്ന് പ്ര​ഫ​ഷ​ന​ൽ കോ​ള​ജു​ക​ളു​ൾ​പ്പെ​ടെ​യു​ള്ള വി​ദ്യാ​ഭ്യാ​സ സ്ഥാ​പ​ന​ങ്ങ​ളും അ​ട​ഞ്ഞു​കി​ട​ന്നു. തി​ങ്ക​ളാ​ഴ്ച മു​ത​ൽ മൂ​ന്ന് ദി​വ​സം​കൂ​ടി പൊ​തു അ​വ​ധി പ്ര​ഖ്യാ​പി​ച്ച​തോ​ടെ ജി​ല്ല​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ‘അ​വ​ധി മൂ​ഡി’​ലാ​യി.

പ​രി​സ്ഥി​തി ലോ​ല മേ​ഖ​ല​യു​മാ​യി ബ​ന്ധ​പ്പെ​ട്ട ആ​ശ​ങ്ക​ക​ളും ക​ഡ​സ്ട്ര​ൽ മാ​പ്പി​ലു​മു​ള്ള ആ​ശ​യ​ക്കു​ഴ​പ്പ​വും പൂ​ർ​ണ​മാ​യും പ​രി​ഹ​രി​ക്ക​ണ​മെ​ന്നും ജി​ല്ല​യി​ലെ ജ​ന​ങ്ങ​ൾ​ക്ക് സ്വൈ​ര​ജീ​വി​തം ഉ​റ​പ്പാ​ക്ക​ണ​മെ​ന്നും ആ​വ​ശ്യ​പ്പെ​ട്ട് രാ​വി​ലെ 6 മു​ത​ൽ വൈ​കി​ട്ട് 6 വ​രെ​യാ​യി​രു​ന്നു ഹ​ർ​ത്താ​ൽ. ഇ​തോ​ട​നു​ബ​ന്ധി​ച്ച് ജി​ല്ല​യി​ലെ പ്ര​ധാ​ന കേ​ന്ദ്ര​ങ്ങ​ളി​ലെ​ല്ലാം സ​മ​രാ​നു​കൂ​ലി​ക​ൾ പ്ര​ക​ട​ന​വും യോ​ഗ​വും ന​ട​ത്തി. സം​ഘ​ർ​ഷ സാ​ധ്യ​ത ക​ണ​ക്കി​ലെ​ടു​ത്ത് വി​വി​ധ കേ​ന്ദ്ര​ങ്ങ​ളി​ൽ പൊ​ലീ​സ് സു​ര​ക്ഷ​യും ഏ​ർ​പ്പെ​ടു​ത്തി​യി​രു​ന്നു.