പെരിയാർ വനമേഖലക്ക്​ ചുറ്റും വേട്ടക്കാർ വിലസുന്നു; മ്ലാവ് വെടിയേറ്റ് ചത്ത നിലയിൽ

കു​മ​ളി: രാ​ജ്യ​ത്തെ പ്ര​മു​ഖ ക​ടു​വ സ​ങ്കേ​ത​മാ​യ പെ​രി​യാ​ർ വ​ന​മേ​ഖ​ല​ക്ക്​ ചു​റ്റും മൃ​ഗ​വേ​ട്ട​ക്കാ​ർ സ​ജീ​വ​മാ​യി​ട്ടും അ​ധി​കൃ​ത​ർ കാ​ഴ്ച​ക്കാ​രാ​യി തു​ട​രു​ന്നെ​ന്ന്​ നാ​ട്ടു​കാ​ർ. ക​ഴി​ഞ്ഞ ദി​വ​സം വേ​ട്ട​ക്കാ​രു​ടെ വെ​ടി​യേ​റ്റ മ്ലാ​വ് ജ​ന​വാ​സ മേ​ഖ​ല​ക്ക്​ സ​മീ​പം എ​ത്തി വീ​ണു ച​ത്തി​ട്ടും അ​ധി​കൃ​ത​ർ അ​നാ​സ്ഥ തു​ട​രു​ന്ന​താ​യാ​ണ് നാ​ട്ടു​കാ​ർ പ​റ​യു​ന്ന​ത്. പെ​രി​യാ​ർ വ​ന്യ​ജീ​വി സ​ങ്കേ​ത​ത്തി​ൽ​നി​ന്ന്​ പു​റ​ത്തെ​ത്തി​യ ഗ​ർ​ഭി​ണി​യാ​യ മ്ലാ​വാ​ണ് വേ​ട്ട​ക്കാ​രു​ടെ തോ​ക്കി​നി​ര​യാ​യ​ത്. വ​ണ്ടി​പ്പെ​രി​യാ​ർ വ​ള്ള​ക്ക​ട​വ് മൗ​ണ്ട് ഭാ​ഗ​ത്താ​ണ് മ്ലാ​വി‍െൻറ ജ​ഡം ക​ണ്ടെ​ത്തി​യ​ത്. നാ​ട്ടു​കാ​ർ വി​വ​ര​മ​റി​യി​ച്ച് ഏ​റെ നേ​ര​ത്തി​നു ശേ​ഷ​മാ​ണ് വ​ന​പാ​ല​ക​ർ എ​ത്തി​യ​ത്.

പെ​രി​യാ​ർ ക​ടു​വ സ​ങ്കേ​ത​ത്തി​ൽ ഡോ​ഗ് സ്ക്വാ​ഡ് ഉ​ണ്ടാ​യി​ട്ടും സേ​വ​നം ഉ​പ​യോ​ഗി​ക്കാ​തെ മ്ലാ​വി‍െൻറ ജ​ഡം കാ​ര്യ​മാ​യ അ​ന്വേ​ഷ​ണ​മി​ല്ലാ​തെ മ​റ​വ് ചെ​യ്തു. വെ​ടി​യേ​റ്റ മ്ലാ​വി​ൽ​നി​ന്ന്​ വേ​ട്ട​ക്കാ​രു​ടെ സ്ഥ​ല​ത്തേ​ക്ക് എ​ത്താ​ൻ ഡോ​ഗ് സ്ക്വാ​ഡി‍െൻറ സേ​വ​നം ഉ​പ​യോ​ഗി​ച്ചാ​ൽ ക​ഴി​യു​മാ​യി​രു​ന്നു. വ​നം, വ​ന്യ​ജീ​വി കൊ​ള്ള​ക​ൾ ക​ണ്ടെ​ത്തി ത​ട​യാ​നും ന​ട​പ​ടി സ്വീ​ക​രി​ക്കാ​നും മു​മ്പ് സ​ജീ​വ​മാ​യി​രു​ന്ന മു​ണ്ട​ക്ക​യം ഫ്ല​യി​ങ്​ സ്ക്വാ​ഡ് അ​ധി​കൃ​ത​ർ ഇ​പ്പോ​ൾ ഇ​ക്കാ​ര്യ​ങ്ങ​ൾ ശ്ര​ദ്ധി​ക്കു​ന്നി​ല്ലെ​ന്ന് ഈ ​രം​ഗ​ത്തു​ള്ള​വ​ർ​ത​ന്നെ പ​റ​യു​ന്നു. സ്ക്വാ​ഡ് അ​ധി​കൃ​ത​ർ വേ​ട്ട വി​വ​രം മൂ​ടി​വെ​ക്കാ​ൻ ശ്ര​മി​ക്കു​ന്ന​താ​യും പ​രാ​തി ഉ​യ​ർ​ന്നി​ട്ടു​ണ്ട്. ഏ​റെ​ക്കാ​ല​ത്തെ ഇ​ട​വേ​ള​ക്ക്​ ശേ​ഷ​മാ​ണ് പെ​രി​യാ​ർ ക​ടു​വ സ​ങ്കേ​ത​ത്തി​ന് വ​ലി​യ ഭീ​ഷ​ണി​യാ​യി വ​ന​മേ​ഖ​ല​ക്കു ചു​റ്റും വേ​ട്ട​ക്കാ​ർ വി​ല​സു​ന്ന​ത്. വ​ന​മേ​ഖ​ല​യോ​ടു ചേ​ർ​ന്ന കൃ​ഷി​യി​ട​ങ്ങ​ൾ, ഏ​ല- തേ​യി​ല​ത്തോ​ട്ട​ങ്ങ​ൾ, അ​തി​ർ​ത്തി കെ​ട്ടി​മ​റ​യ്​​ക്കാ​ത്ത വ​ന​മേ​ഖ​ല​യു​ടെ ഭാ​ഗ​ങ്ങ​ൾ, സം​സ്ഥാ​ന അ​തി​ർ​ത്തി പ്ര​ദേ​ശ​ങ്ങ​ളി​ലെ വ​ഴി​ക​ൾ എ​ന്നി​വി​ട​ങ്ങ​ളി​ലെ​ല്ലാം വേ​ട്ട​ക്കാ​ർ സ​ജീ​വ​മാ​ണ്. മ്ലാ​വ്, കാ​ട്ടു​പോ​ത്ത് പ​ന്നി, കേ​ഴ, ക​രി​ങ്കു​ര​ങ്ങ്, മ​ര​പ്പ​ട്ടി, കൂ​ര​മാ​ൻ എ​ന്നി​വ​യെ വെ​ടി​വെ​ച്ചും മു​യ​ൽ ഉ​ൾ​പ്പെ​ടെ ചെ​റു​ജീ​വി​ക​ളെ കു​രു​ക്ക് ഉ​പ​യോ​ഗി​ച്ചു​മാ​ണ് വേ​ട്ട​യാ​ടു​ന്ന​ത്. ഇ​ങ്ങ​നെ വേ​ട്ട​യാ​ട​പ്പെ​ടു​ന്ന മൃ​ഗ​ങ്ങ​ളു​ടെ ഇ​റ​ച്ചി​ക​ൾ ക​ട്ട​പ്പ​ന, കാ​ഞ്ഞി​ര​പ്പ​ള്ളി, കോ​ട്ട​യം, ഉ​ൾ​പ്പെ​ടെ പ​ട്ട​ണ​ങ്ങ​ളി​ൽ എ​ത്തി​ച്ചു വി​ൽ​ക്കു​ന്ന സം​ഘം സ​ജീ​വ​മാ​ണ്.

വേ​ട്ട​ക്കെ​തി​രെ ന​ട​പ​ടി സ്വീ​ക​രി​ക്കാ​ൻ പെ​രി​യാ​ർ ക​ടു​വ സ​ങ്കേ​ത​ത്തി​ലും പു​റ​ത്തും പ​ട്രോ​ളി​ങ്ങി​ന്​ ഫ്ല​യി​ങ്​ സ്ക്വാ​ഡും വ​ന​പാ​ല​ക​രും ഉ​ണ്ട​ങ്കി​ലും ഒ​ത്തു​ക​ളി തു​ട​രു​ന്ന​താ​ണ് ക​ടു​വ സ​ങ്കേ​ത​ത്തി​ന് ഭീ​ഷ​ണി​യാ​കു​ന്ന​ത്.